မေတ္တနီတိ
🌸pann
Part (24)
ကျွန်တော် ဒီနေ့အရေးကြီးလာမယ့်ဖုန်းကိုစောင့်နေတာ..။
ဒီနေ့ဆက်လာမယ်ပြောထားလို့..။
အချိန်ကတော့ မနက်ပိုင်းလို့ပဲပြောထားတော့ ကျွန်တော်ဝေးဝေးမသွားရဲ..။
" တင်တင်တင်..တင်..တင်တင်.. "
ပြောရင်းဆိုရင်းနဲ့ ဖုန်းဝင်လာပြီထင်တယ်..အသံကြားတယ် ။
ကျွန်တော်အပြင်မှာသန့်ရှင်းရေးလုပ်လက်စကို ရပ်ကာ အိမ်ထဲပြေးဝင်သွားလိုက်သည်..။
" ဟယ်လို..အမိန့်ရှိပါ ကျွန်တော်သက္ကဒီပပါဗျ.."
ကိုယ့်ဆီလာတဲ့ဖုန်းပဲမှတ်ပြီး ကျွန်တော့်ကိုယ်ကျွန်တော်မိတ်ဆက်လိုက်သည်..။
" ကျစ်..ခင်ဗျားပဲလား "
" ဗျာ.. "
ကြားလိုက်ရတဲ့စကားကြောင့် ကိုယ်တောင်ကြောင်သွားရသည်..။
ဘယ်သူလဲ ဒါက..။
ဘယ်ကဖုန်းလဲ..။
" အခုပြောနေတာ ဘယ်သူလဲဗျ.. "
" ပြောလည်းသိမှာမဟုတ်ဘူး..မေပျိုကိုပဲဖုန်းလွှဲပေးပါ.."
" မေပျို.. "
ကျွန်တော်သံယောင်လိုက်မိသည်..။
ဟီရိမေပျို.. ။
" ဟုတ်တယ်မေပျို..သူနဲ့တွေ့ချင်တာ ခင်ဗျားနဲ့မဟုတ်ဘူး တစ်ခါလာလည်းခင်ဗျားအသံ တစ်ခါလာလည်း ခင်ဗျား..ခင်ဗျားအသံနားထောင်ချင်လို့ ဖုန်းဆက်လိုက်တာမဟုတ်ဘူး..ကျစ် အောက်လိုက်တာ.."
အောင်မာ..သူကပဲ တစ်ဖက်သတ်ပေါက်ကွဲပြရတယ်ရှိသေး ။
ကျွန်တော် ဖုန်းကိုင်ထားရင်းဖုန်းနံပါတ်ကြည့်လိုက်သည်..ပြီး စာအုပ်ထဲမှတ်ထားတဲ့နံပါတ်နဲ့တို့ကို တိုက်စစ်ကြည့်လိုက်သည် ။
အတူတူပဲကို..။
ကျွန်တော်ခုံမှာခြေချိတ်ထိုင်ချလိုက်သည်..။
" အဲ့တော့ ဒီဖုန်းကိုဆက်ဆက်နေတာမင်းပေါ့.."
" ဟုတ်တော့ ဘာဖြစ်လို့လဲ.. စကားတွေအရစ်ရှည်မနေပါနဲ့ ကျုပ်ရည်းစားကိုသာဖုန်းပေးလိုက်ပါ.."
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...