عذراء الباشا

الجزء:24#بهاء الدين 😍 سهى

🌻  الجزء الرابع والعشرين 🌻
🌻 من رواية عذراء الباشا 🌻
🌻 للكاتبة اميمة الحسناوي.🌻

بهاء : الولد عندي على شوية كانت ضرباتو طوموبيل فهاد البلاصة
العساس : هانتا اسيدي شوف  على عينيك البلاصة معلق حداها ممنوع والناس كيحيدوها بلعاني اللهم خليهم يتحملو مسؤوليتهم
بهاء : الله يستر شعب غا ديال العصى
العساس لي كان كبير فالعمر ضحك وهز عصى ديالو كانت تحت واحد الطوموبيل وقال
العساس : ومكانت العصى فهاد الويل الكحل تلقاو طوموبيلاتكم كي خليتوهم  فحال اﻷمانة
بهاء : اللهم بارك العصى خارجة من الجنة لي مفهمش بالهضرة سرح مو بالعصى
العساس : هانتا شوف شوف (نعت ليه لواحد الشاب) فحال هاد ولد الحرام كيقلبو غا شنو يسرقو
بان ليه دك الشاب كيمد يديه للزاجة ديال الطوموبيل صفر ليه وغوت كيلاوح بعكازو دك الولد غا شافو هرب طااير
بهاء : غا لي يحضي دينمو شنو غيدير ويقنت مو فشي زنقة مكتخرجش يخبط مو عمرو يفكر يطول يديه
العساس : ميتخافش من هاد ولاد البراهش المشكل فعدو الله لي كيطيح ليا البلاكة من هاد الجيهة باش الناس يبلاصيو هنا البارح عاد طوموبيل جايا 180 وطريق طويلة قدامها حتى نزلات بنية من طوموبيل جهة الشانطي هزها للسمى وخبطها

بهاء : لا حول ولا قوة الا بالله
رما الكارو وطلع فالطوموبيل لقاهم كيشوفو فبعضهم بتحديي سيف كيشوف فيها وهي مخرجة عينيها فيه كيتسناو شكون يرمش اللول ولا يضحك

بهاء بلاما يحس خرجاتليه ضحكة على منظرهم وصاك الطوموبيل مخليهم كيشوفو فبعضهم 

بلاصا الطوموبيل فأقرب ريسطو ونزل هو اللول عاد نزلو هونا تابعينو كيشوفو فبعضهم بإستغراب
وسيف مشا كيجري تلاح عليه
سيف : ياااي غنااكلو برا ... بغييت كفتة ابابا
بهاء : مضروب على الكفتة ...
للحظة تفكر نرجس فاش كانت حاملة بيه كانت كتتوحم على الكفتة واخا كيبغي ينساها وينفيها من بالو ولكن والو ابنها طالع نسخة مصغرة عنها
دخلو للمطعم كلسو هوما وبهاء تبعهم كيشوف المكان
حتى كلسو وجا السيرفور كيسولهم على طلبهم سيف نقز بفرح باغي كفتة وسهى حتى هي طلبات فحالو بينما بهاء طلب غير كاس ديال اتاي ....

كيرتاشف منو  وعقلوو ملهيي بالتفكيير بدون ما يعيق لراسو كيتامل فسهى وفتفاصيلها وملامحها البريئة فالداخل ديالو مقادرش يتيق بلي هي بهاد الوجه الملائكي وهاد التصرفات  العفوية تقدر تكون بدك المكر الوسخ لي كان راسم ليها فبالو

سلاو اكلهم فجو لا يخلو من الضحك بين سيف وسهى هاد اﻷخيرة لي كتحاول ما أمكن تتجنب الهضرة مع بهاء لي بالنسبة ليها كيخلع

طلعوو فالطوموبيل وكانت الوجهة نييشاان للداار فطريقو لاحظ حركة غرييبة فالحي يلاه وصل للدار وهو يجيي عندوو واااحد الراااجل كيجري حالتو حااالة بالدمااياات وهااز فاس فيدييه تلقاالييه يلاه نزل من الطوموبييل

الرجل : سيبيد الباااشااا وااسيد الباااشاا اجيييب عتق لا لقييتيي ما تعتق

بهاء نزل خلا سيف وسهى طلعو كيجريو للدار وهو تبع دك الراجل
بهاء ؛ شنووو واقع تااني امحمد