عذراء الباشا

الجزء:49#بهاء الدين 😍 سهى

🌻 الجزء التاسع واﻷربعون 🌻
🌻 من رواية عذراء الباشا 🌻
🌻 للكاتبة اميمة الحسناوي.🌻

سهى : فاللول قلت ليه لا ... قلت ليه منقدرش نخلي سيف ونمشي   ولكن دابا. ..

كلسات فاﻷرض تحت واحد الشجرة كبييرة وعنقاات ركابيها كتشوف فيه بحيرة

بينما هو مشا كلس حداها وشد يديها بلهفة : ودابا شنوو ؟؟ واش بدلتي رأيك ؟

سهى  : بما ان مراتك رجعات وإلا قررتو توليو مع بعضكم انا مغنوقفش فطريقكم نتا درتي فيا خير وسترتيني من عار مدرتووش وانا مغنوقفش دابة فطريق سعادتك مع مراتك

بهاء شد وجهها بين يديه كيشوف فعينيها بلهفة وقال يديه وقال : مراا وحدة لي عندي وهي نتي ونرجس غدا غنصيفط ليها وراق الطلاق

سهى : زعما مكتبغيهاش

بهاء : بصفتها شنو .. واش غنبغييها بصفتها المرة لي غدراتني وتخلات عليا وعلى ولدي ولا بصفتها المرة لي حتا دازو 6 سنيين عاد راجعة باغة تاخد ليا ولدي و (مبغاش يقوليها تغريني )

سهى : بهاء الدين

على فيها عينيه على  اثر اسمو لي تسمع من فمها من بعد تنهييدة عمييقة بااين فعينيها الحزن

بهاء : شنو كاين تاني

سهى طاحو دموعها : خايفة تاخد لينا سيف 

بهاء : متقدرش

سهى : وشنو كنتي كدير عندها فنصاص الليل

بهاء ابتاسم على جرأتها وشحطها لطرمتها حتى حشمات وحنات عينيها بخجل

بهاء : اشفتك ضسرتيي

سهى رجعات تكلسات كتشوف فيه بجدية زاايدة هاد المرة فاجئاتو بسؤال مكانش متوقعو

سهى : واش نتا متيقني بلي بريئة وكتعتوكتعتابرني بصح مراتك

بهاء فاجئاتو  : بالنسبة للسؤال اللول كنفضل ننساو الماضي حيت دك الموضوع كيعصبني فاش كنفكر فيه
أما السؤال الثاني فغنقوليك ونعم الزوجة الله يرضي عليك

سهى فرحها بزااف جوابو حطاات رااسها على صدرو بجرأة لأول مرة كتزعم عليه ورجعات سولاتو مرة اخرى

سهى : وانا نقدر نعتابرك راجلي ؟؟

بهاء دار شبه ابتسامة جانبية : شنو عطاوك شربتي اليوم تفورماطيتي على اﻷسئلة

هبط  عينيه طل عليها لقاها نعساات على صدرو حتى هو مكانش من العاكزين زاد جرها لعندو وخشاها وسط حضنو مخبيها من صقييع البرد لي كيضرب فالمكان وغمض عينيه نعس حتى هو متكي على الشجرة وهي ناعسة على صدرو

🌻 فالصبااح فااقت سهى من النعاس كتحس بضلوعها مدكدكين بفعل النعسة فاﻷرض ولكن فنفس الوقت كتحس براسها هادي احسن نعسة فحياتها

علات عينيها كتلقى راسها مازالة ناعسة على صدر بهاء وموسدة يديه هاد اﻷخير لي فايق كيخمم هنا ولهييه عقلوو مكيرتاحش وبالو ديما مشغول

سهى : صباح الخير

بهاء : نوضي  خاصنا نمشيو للدار

سهى فحاليلا ضربها الضوء : وييييلي وييلي جريي جريي

بهاء خلعاتو : شنو كااين

سهى : ساعة  فطور سيف هااديي وتعطلت عليه

بهاء حرك راسو بلا حول ولا قوة الا بالله وزاد تابعها كيضحك داير يديه فجيابو ولي شافو كيعطيه التحية 

حتى شافها تكوانساات فبلاصتها فلحظة وقفات عن السير وبقااات شحال وهي كتشووف  فالمنظر لي قدامها عاد غوتاات غتطيييح بالخلعة والصدمة

سهى : اهئ اهئ اهئ لاااااااااااااااااااا