عذراء الباشا

الجزء:65#بهاء الدين 😍 سهى

🌻   الجزء الخامس والستون 🌻 
🌻  من رواية عذراء الباشا 🌻 
🌻  للكاتبة اميمة الحسناوي.🌻

بهاء : بففف عالله غير ينفع هادشي حتى للصباح كتبقى تطير تطير حتى كتجيبها فصحتها 

كلس حداها قدام دك الشجرة الليل كولو وهو حاضي حرارتها لي مرتافعة بشكل قياسي وفاش كيشوفها بدات تنزل كيرجع يفزك دك التيشرط ويسكنها مزياان وشحطها ليها فوق الضربة

تكى على واحد الشجرة قدامها وعينيه مغمضووش الليل كولو وهوما حاضيينها حتى بدا كيطلع الضو ديال الفجر والطريق بدات كتباان

قلع القاميجة لي كان لابس ولبسها ليها عاد هزها بالزربة وكل مرة كيطل على تنفسها وهادا الحاال فااش كنشووفو شي حد كنبغيوه فشي حالة صحية متدهورة كنوليو خايفيين غير لايغمض عينيه وميزيدش يحلهم

وصل للطريق ديال القرية وأول طوموبيل دايزة وقفاات ليه

بينما هو مشا كيجري حط سهى اللور وطلع حدااها كيشوف فحالتها بإهتمام

بهاء :  طييير لأقرب سبييطااار طييير دغيا

الرااجل كسييرا بعجاالة لأقرب مستشفى لقااه قداامو

الرجل : ياااك شي باس ما كاين اسيد الباشا

بهاء جا غيرض عليه هو يوقف دك الشخص قدام واحد المستشفى محلي ديال القبيلة

بهاء هز سهى بين يديه ودخل بيها للطبيب حطها فواحد الغرفة وكلس قدامها فواحد الكرسي كيتسنى الطبيبة تجي طبعا غيتسنى مثله مثل البقية حيت فاﻷخير هادا مستشفى عمومي وكاين ناس لي حالتهم حرجة ومحتاجين مساعدات بالمقارنة مع سهى لي عارف بلي حالتها ماشي مدهورة بزاف حيت السم خرجو من جسمها البارح عن طريق تعريضها للحرارة ودك التراب لي حطها عليه هو سماد كيرفع درجة حرارة الجسم وبالتالي اغلب دوك السموم خرجو عن طريق التعرق

جات الطبيبة لعندو مبتاسمة

الطبيبة كتفحص سهى وفنفس الوقت كتهضر : سيد الباشا سمحليا على التعطيلة والمدام معندهاش شي حاجة كغاف مجرد حرارة مرتافعة

بهاء : البارح عضاتها عقرب ولكن خرجت ليها السم عن طريق الحرارة بغيت غير نتطمأن عليها حيت باقة مرجعاتش لوعيها

الطبيبة : معندك لاش تخاف منين خرج السم خليها دابة فهاد الحالة حتى للعشية كنت غنعطيها شي حاجة تنزل ليها الحرارة ولكن من اﻷحسن خلي حرارتها مرتافعة حتى للعشية وتشرب هاد الدوا تنزل حرارتها شوية وميكون عندها باس

بهاء صافحها : شكرا ليك

الطبيبة شدات فيديه بإمتنان وقالت : فضلك سابق علينا اسيد الباشا ولكن سمح ليا فهاد الكلمة السبيطار مفرط بزااف وانا والممرضات لي كاينين هنا حتى النسا مكنزعمووش نولدوهم حيت معندنا لا معدات لا كفائات لا حتا حاجة كنظن فهمتيني شنو بغيت نقصد اسيدي

بهاء حرك ليها راسو باﻹيجاب ودوا مخنزر جاها من اللخر : فهمتك مزيااان بغيتي تقوولي كااين التخلوييض فهادشي

الطبيبة حنات راسها وحركات ليه راسها باﻹيجاب وهو شافيها مطولا وقال

بهاء : كوني هانية ادكتورة غنسالي وندوز لهادشي بيدي ولي لقيت عندو يد فشي تخلوييض غنعطها ليه الله يعاون دابة

الطبيبة : مع السلامة اسيد الباشا وميكون عندها باس
بهاء