🌻 الجزء السابع والعشرين 🌻
🌻 من رواية عذراء الباشا 🌻
🌻 للكاتبة اميمة الحسناوي.🌻
🌻 فبلاصة خرا 🌻
خرجاات كلثوم مع ختها وبنتها توصلها لبلاصة الكار لي كيدي للمدينة
كلثوم : اسمحيي ليا اخيتي على هاد الخلعة لي خلعتك
السعدية : لا اختيي الحبيبة انا بيدي واالدة ومجربة حقهم هاانتي ها هي عزبة كون ما جبتها معايا دووك الهجيج فالدار يخرجو عليها بالعصى
كلثووم : غا سكتي احنينتي عاد جا دك ولد الحرام فالصباح لقى بااه طاايح فالفراش داير راسو شاداه الموت
مالك ابا قاليك فيا الموت
الاا الواليد استغفر الله شنو لي خلاك تقول هاكا
حكا ما حكا إلا مت ختك سبابي شوهة سمعتنا ودارت ودارت
الولد عندي مصعوور غا سمع دارت ودارت هز الموس وخرج يجري بالحق ختو خليتها فلامان فدار الحق والقانون وعلى ذمة سيد الرجال وهو خليه يمشي لعندها عالله يلقى لي يسرح ليه عظاامو
السعدية : شتيي اختيي تا حد ماخطاوه الرجال البغلة تتقول من نهار درت ولادي ما كليت العلف الوافي ولا شربت الما الصافي
نتي بنيتك خوها واحد لي تكساب وراها واخا فالبادية تباركلاه راخين ليها وغزاالة مع راسها لابسة مزينة
هاد كحلة الزهر عندي حااضينها تلاتة دالحلالف غا الكيدار لخوه مسكينة فارضين عليها الزيف بزز منها ممنوع تخرجي ممنوع تزيني ممنوع تلبسي ممنوع تتنفسي
كلثوم : عاوتاني متنسايش راكم فالمدينة زعما وخوتها كيخافو عليها من الغاشي والمدينة صعييبة
السعدية : الله يجيبك على خير المدينة مصعيبااش لي صعابين هوما ذيابها
وصلو للبلاصة دالكيران وطلعات دينا شدات بلاصة ليها وبلاصة لماماها بينما السعدية تسالمات مع كلثوم وطلعات حتى هي للكار متوكلة على الله وكتقرا الفاتحة فنفسها
مسافة الطريق حتى كانو وصلو
نزلات دينا شادة فماماها لقاات خوها الكبير كيتسناهم بالطوموبيل
مشات دينا باست ليه يديه وطلعات لور
و هو شد فيدين مو ركبها لقدام وطلع صايك بشويية عليه
صالح : كيدايرة اميي .. كيخليتي ناسك
السعدية : ناسي غا انا نتا ماشي ناسك ..ونخليو كوولشي ونقولو الحمد لله لا حول ولا قوة الا بالله
صالح : قتلو البنت امي ؟
السعدية : بسم الله الرحمن الرحيم ما حنا على فالك
صالح : كيفااش زعما مدارو ليها والو
السعدية قلبات وجهها منفخة وقالت : عاودوها بالزواج
صالح : مافيه نفس هاد الراجل لي تزوجها
السعدية : لاواه فيه النفس هاداك راه سيد الرجال
مكملاش دقائق كانو وصلو للدار
ونزلات دينا كتجري نيشان طلعات لبيتها وسدات عليها متجنبة الهضرة مع شي واحد من خوتها لي غير كينبشو عليها
VOUS LISEZ
عذراء الباشا
Roman d'amour🔥🔞🔞🔞🔞🔞🔞🔞🔞🔞🔞🔥 مكتملة 🍁يحلل النشر مع اﻹحتفاظ بإسم الكاتبة اميمة الحسناوي ونفس للكوفر والتقديم🍁 مليتو من القصص المتكررة نفس اﻷفكار والسيناريوهات كيتعاودو اجيو للهنا جبت ليكم اﻹختلاف والتغيير ديما كتقراو قصص كيكون البطل#سفاح#مغتصب ويقدر...
