عذراء الباشا

الجزء:96#بهاءالدين😍سهى

🌻  الجزء السادس والتسعون 🌻 
🌻  من رواية عذراء الباشا    🌻
  🌻 للكاتبة اميمة الحسناوي  .🌻     

سهى : اوييلي الله يحفظ  انا بغيت ندخلك غير للبحر  ونعومو ونشرب الما مالح هاااح

بهاء : البحر هو لي غرقت فيه مع دلمك  

سهى : علاش كتكذب نتا اصلا عمرك ديتيني للبحر 

بهاء ضرب جبهتو بالفقصة وحرك الطوموبيل قبلما تفقصو كثر من هاكا

  بهاء صايك : ملاحظتيش راسك تكلختي شوية فهاد الشهورة اللخرين 

سهى هضرات بلاما تعيق لراسها وقالت   سهى : دارتها كثرة ال*وا 

بهاء شافيها  بصدمة وقال كيطنز: اييه قولي ليا ال*وا صدق كيكلخ

  سهى : لا غا كنضحك معاك الكوى زويين  

بهاء : لا لا اعمري ال*وا كيكلخ  

سهى :  بهاء غدا عيد ميلاد سيف بغينا نديرو ليه شي حفلة وااعرة حيت واقيلا عمرو احتافل بعيد ميلادو وشحال غيفرح 

بهاء : ولكن غدا راه الحد ونوغمال كيكون مع نرجس   

سهى حنات راسها بحزن فاش تفكرات : ااه نسيت .. خسارة كنت كنفكر نديرو ليه شي حفلة زوينة نفرحوه 

بهاء : ديجا نرجس غتدير ليه حفل كبير فواحد  الفندق  وخاصنا ضروري نكونو   سهى لمعو عينيها بفرح : بصح يعنيي غيفرح بزااف غدا وغيتفاجئ بأول عيد ميلاد ليه  

بهاء : شنو زعما متقلقتيش حيت نرجس لي دايرا الحفل وحنا غيخصنا نمشيو

  سهى : سوا نرجس لي دارت الحفلة سوا حنا كيبقى المهم عندي هو سيف يفرح   

بهاء : اصلا نرجس تبدلات وبنات حياة جديدة وسمعت بلي عن قريب غتتزوج  

سهى : الله يكمل عليها بالخير فاﻷخير كتبقى ام  وداكشي لي دارتو معايا انا عاذراها عليه غير باش مسكينة تلم شملها مع ولدها

بهاء : هممم منين معندكش مشكل معاها فبغيت نفاتحك فواحد الموضوع  

سهى : شنو 

بهاء : نرجس غتسافر نهار التنين لفرنسا واحد السيمانة فعطلة وبغات تاخد معاها سيف    

سهى غوتاات حتى قفزاتو:  شنووو شنو شنو واااش منييتك تااخدوو ؟؟ 

  بهاء : هي اتاصلات بيا غير اليوم فالصباح وترجااتني نخليها تاخدو يدوز معاها غير سيمانة وانا بصراحة حرت فهاد الموضوع فاﻷخير هي كتبقى ماماه واسبوع ما دا ما جاب  

سهى : واااش منييتك ولا باغي تحمقني ابهاء واااش سيييييماانة كوولها بلا ولدييي وانا كنضرب الهم كيغانديير نفرقو غير هاد العشية داليوم والنهار دغدا  

بهاء : غير سيمانة ما دات ما جابت وفاﻷخير هي ماماه واتاصلات بيا كتبكي وكتترجااني نخليه يدوز معاها غير هاد السيمانة    

سهى : لا سييماانة لا جووووج كتفهم كنتفهم انها ماماه ودوزاات سنيين فالغربة بلا بييه وموحشااه ولكن بااش تعطييها ولديي تهرب بييه للغربة والله ما نسمح ليك ابهااء 

بهاء : بففف صاافي متتعصبيش فاﻷخير القرار كيبقى ديالك نتي لي ماماه ديال بصح ونتي لي تقرري واش يمشي ولا يبقى انا بيناتكم نتوما النسا انا خرجووني من سوق العيالات   

سهى قلباات وجهها: اخر كلام عندي ولديي غيدوز مع ماماه لي ولدااتو غير هاد الويكند ونهااار التنيين نبغيي نفيق نلقى ولدي كيلعب فوق راسي 

بهاء : صافي الالة قلنا ليك نتي تعرفي ولدك هاداك