عذراء الباشا

الجزء:55#بهاء الدين 😍 سهى

🌻 الجزء الخامس والخمسون 🌻
🌻  من رواية عذراء الباشا 🌻
🌻  للكاتبة اميمة الحسناوي.🌻

بهاء : صافي متبكييش منغوتش.... ! شحال من مرة كنقوليك تاقي شري راك مرات الباشا ماشي اي وحدة 

سهى : ولكن انا كنت عارفة خويا ميسرقش

بهاء : عاااارفااه ميسرقش يضبر محاااينوو مااالو صغيير ياكلها فجناابو وينووض راه راااجل شنوو غيخلييك نتيي لي قد الكمشة تاكليها فبلاصتو ولا شنو

هبطات رحيمو منبعدما سمعات غواتهم وتبعاتها ليلى كتجري

رحيمو : شنو وااقع اوييليدي برا مال الناس كانو مجموعين ولاش كتغوت على مراتك

بهاء ها سهيلة تعاود ليك انا عيان طالع نرتاح

سهى : ياكما مريض 

ليلى جراتها من يديها بفضول قبلما تسمع رد سيف ومشااو كلسو فالصالون

ليلى : عااوديي ليا مال خوك شكون ضربو

سهى : ضربووه ناس دالقبيلة

ليلى : اويلي علاش الله يعطيهم الكرد

سهى : قالو سرق ليهم فلوس الخزينة

ليلى  : ولكن هو مسرقش ياك 

سهى حركات ليها راسها بلا ورحيمو جات كلسات حداهم والخدامات تبعوها بالصينية ديال اتاي وصوابو

رحيمو :  مبايتيينش فالدار ابنتي ؟

سهى توترات : احم لا غير  غير البارح

رحيمو : معندك لاش تبرري ليا ابنتي راه راجلك هاداك هاداك غير سيف مسكين فاق مدهشر فاش ملقاكش

سهى : فكرتيني فيه خاصني نطلع نشوفو سمحيليا اخالتي مباقيش نخليه بوحدو

رحيمو : بالعكس راه خاصو يتعلم ينعس بوحدو ويعتامد على راسو ونتي منحقك تاخدي راحتك مع راجلك

ابتاسمات ليها بلطف وطلعات فحالها لبيت سيف قاصدة تتطمأن عليه حتى كتتفاجئ ب بهاء ناعس حداه عاري الصدر لابس غير شورط مخلي صدرو عاري ناعس على كرشو وعضلات ظهرو الفولاذية كتبان مطراسية

قرباات لعند سيف غطاتو
ومشات لجهة بهاء غتفيقو ينوض لبيتو يرتاح حتى قفزاات بخوف فااش لقاات رااسوو طاايب

سهى : اهءءهه اهئ افف البارح قلتلييه يلبس عليه دابا يمرض وهو داير فيها واعر 

رجعاات حطات يديها على جبهتو بخوف وناضت طايرة هزات سيف هبطاتو لبيتها ينعس مقاد عاد طلعات كتجري لعندو كتضرب فوجهو بخوف وكتحاول تفيقوو ويديها كيترعدو

سهى : بهااء شووف فيا عاافاك

بهاء كيدوي غير بزز : غير سيري نتي انا غنولي بيخير

سهى قربات تبكي : غتولي بيخير  باش  بالدعاء نوض يلاه للطبيب عافاك

بهاء : انا بيخير خليني غير ننعس

سهى : أهئ اهئ اويلي جبهتك طاايبة نووض يلاه للطبيب راه فرعك البرد البارح نازل للجنان غير بتيشرط