|| Unicode ||
ရှေးပန်းချီတွေရေးဆွဲထားတဲ့ မြို့လေးရဲ့ လမ်းကြားတွေက ညဘက်မှာဆို ထိန်းလင်းနေသလိုပင်။ ဘားထဲက မီးရောင်တွေကလဲ တဖျတ်ဖျတ် ယိမ်းထိုးနေကြပြီးအရူးအမူးနဲ့ သိမ်မွေ့ညင်သာစွာ သီချင်းဆိုသံက ဂီတာကြိုးသံနှင့်အတူ ပျံ့လွင့်သွားခဲ့ပေသည်။
ပုရွက်ဆိတ်တွေက အစိမ်းရောင်အုတ်တွေတစ်လျှောက်ဟိုဟိုဒီဒီလျှောက်သွားရင်း နွယ်ပန်းပင်တွေပေါ်တက်ကာဂန္ဓမာပန်းချပ်များပေါ်၌ ၎င်းတို့၏လက်တွေကို စီိစဉ်နေကြပေသည်။
လုရှန့်ကျင်က ဂီတနှင့်အတူ လှုပ်ယမ်းနေသည့် ဘား လော်ဘီမှ အရိပ်တွေကို ဖြတ်လျှောက်လာခဲ့ပြီး Pheromone ထုတ်၍ဘားနားကို ချည်းကပ်လာခဲ့လေသည်။
M2 အဆင့်မြင့် pheromone တွေက နယ်မြေကို အားကောင်းကောင်းနဲ့ သိမ်းပိုက်လိုက်သည်အား ကိုယ်စားပြုသည်။ ဘားထဲရှိ လူအုပ်ကြီးမှာ မကောင်းတဲ့ အရှိန်အဟုန်တွေ ချည်းကပ်လာတာကို ခံစားလိုက်ရပြီး တစ်ယောက်ပြီးတစ်ယောက်နောက်ဆုတ်ကုန်ကြ၏။ ရန်ရိကို စကားကပ်ပြောနေကြတဲ့alpha အနည်းငယ်မှာလဲ ချက်ချင်းပင် သူတို့ရဲ့မျက်နှာပေါ်က ရွှတ်နောက်နောက် အပြုံးတွေကို ရုတ်သိမ်းလိုက်၍ ဘေးဖက်ကို မြန်မြန်ပြန်ဆုတ်ခွာသွားတော့သည်။
" ဒီမှာ တကယ်ကြီး M2 alpha ရှိနေတယ် " တခြားသူတွေက တီးတိုးပြောလာကြသည်။ " ယုန်ဖြူလေးက ပစ်မှတ်ထားခံလိုက်ရပြီ။ သွားစို့...အကောင်ကြီးကြီးရဲ့သားကောင်ကို သွား မဖမ်းလေနဲ့... "
လုရှန့်ကျင်က ခုံမြင့်ပေါ်တွင်ထိုင်လိုက်ပြီး လက်နှစ်ဖက်ဖြင့်မေးစေ့ကိုထောက်၍ တံတောင်ဆစ်တွေကို ဘားပေါ်တင်ကာရန်ရိကို လေးလေးနက်နက် ကြည့်လိုက်သည်။
ရန်ရိက မတ်တပ်ထရပ်၍ သက်တောင့်သက်သာမဖြစ်စွာဖြင့် ညာလက်သူကြွယ်ပေါ်က လက်စွပ်လေးကို ဖွဖွ ပွတ်လိုက်မိသည်။ သူက သူ့ရဲ့ အဖြူနဲ့ အနီရောင် လက်ချောင်းထိပ်တွေကို ကြည့်ဖို့ရာ မျက်လွှာချထား၏။
" မင်းက ငါ့ဧည့်သည်တွေအကုန်လုံးကို ခြောက်နေတယ် " ရန်ရိက မျက်လွှာချထားရင်း ညည်းပြလာသည်။
YOU ARE READING
နားရွက်ရှည်အိမ်တော်ထိန်း || ဘာသာပြန် || 『Completed』
Romance" ငါ အိမ်ပြန်လာတိုင်း နှင်းဆီပန်းတစ်ပွင့် အမြဲတမ်းယူခဲ့တယ်။ပြီးတော့ ငါ့ကို သူကြည့်ပေးမယ့် တစ်ခဏလေးမှာ ငါ့ရဲ့Alpha ကို ပြောမိမှာက ' ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ် ' လို့။ သူ့အိတ်ကပ်ထဲက နှ...