|| Unicode ||
Warning // Abuse/ Suicide
လုရှန်ကျင်က အသံတိတ်ပင် ဇွန်းကိုစွပ်ပြုတ်ပန်းကန်ထဲ ပြန်ချလိုက်၍ ရန်ရိကို သူ့လက်မောင်းတွေအောက်မှာ ပွေ့ကာ သူ့ပေါင်ပေါ်မှာ ခွထိုင်ခွင့်ပြုလိုက်သည်။
ရန်ရိက သူ့ခေါင်းကို တစ်ဖက်စောင်းလိုက်၏။
" မင်း ကိုယ့်ကိုကြည့် " လုရှန့်ကျင်က ရန်ရိမျက်နှာကို ကိုင်၍ သူ့မျက်လုံးတွေထဲကို ကြည့်ရန် တောင်းဆိုလိုက်သည်။ " ပေါင်ပေါင် ကိုယ့်ကို မမှတ်မိဘူးလား "
ရန်ရိက သူ့ကိုကြည့်ရင်း ပါးစပ် အနည်းငယ် ဟ,သွား၏။ သူ့မျက်လုံးတွေ လျော့ရဲနေပြီး လုရှန့်ကျင်ရဲ့ မျက်လုံးတွေထဲကိုသူ ကြည့်နေသလားဆိုတာကိုပင် မသိနိုင်ပေ။
လုရှန့်ကျင်မှာ သူ့၏အရိပ်အယောင်လေးလို သွင်ပြင်မျိုးကြောင့် စိတ်မချမ်းသာခံစားရပြီး ကျောပြင်လေးကို ဖက်ကာနှုတ်ခမ်းထောင့်လေးတွေကို နမ်းရှိုက်လိုက်သည်။
ရန်ရိက မျက်လွှာချလိုက်ပြီး ယုန်နားရွက်လေးတွေက လုရှန့်ကျင်၏မျက်နှာပေါ်ကို ပျင်းရိစွာ ပစ်ကျလာကြချေ၏။
ရန်ရိက လုရှန့်ကျင်ရဲ့ ဘယ်ဘက်လက်ပေါ်က လက်စွပ်ကို ခဏတာစိုက်ကြည့်နေပြီးမှ သူ့ဘာသာသူ ရေရွတ်လိုက်သည်။" လုရှန့်ကျင်... "
လုရှန့်ကျင်မှာ ပုခုံးတွေလှုပ်သွားပြီး ကျောပြင်လေးအား စိတ်လှုပ်ရှားမှုတွေဖြင့် ပွတ်ပေးလိုက်သည်။ " ကိုယ်ပါ "
" လုရှန့်ကျင်..." ရန်ရိက ရုတ်တရက်ဆန်တဲ့နာကျင်မှုကို တောင့်ခံလိုက်သည့်နှယ် သူ့ဗိုက်ကို ဆုပ်ကိုင်ထားလိုက်ပြီး သူ့ကိုယ်လေးကလဲ ပြုတ်ထားတဲ့ပုစွန်လေးလို မသက်မသာဖြစ်စွာ ကွေးသွားတော့သည်။ သူ့ဗိုက်ပေါ်၌ ပြင်းပြင်းထန်ထန် ဖိထားသော လက်တစ်ဖက် ရှိနေသလိုပင်။
" တောင်းပန်ပါတယ်...တောင်းပန်ပါတယ်... ပေါင်ပေါင်ရယ် " လုရှန့်ကျင်က တစ်ဝက်အေးနေပြီဖြစ်တဲ့ ဆောင်းသခွားစွပ်ပြုတ်ကို ခပ်၍ သူ့အား ခွံ့ကျွေးလိုက်၏။ "ထမင်းစားပြီးတဲ့အခါ အနားယူဖို့ အပေါ်ထပ်သွားကြမယ် "
YOU ARE READING
နားရွက်ရှည်အိမ်တော်ထိန်း || ဘာသာပြန် || 『Completed』
Romance" ငါ အိမ်ပြန်လာတိုင်း နှင်းဆီပန်းတစ်ပွင့် အမြဲတမ်းယူခဲ့တယ်။ပြီးတော့ ငါ့ကို သူကြည့်ပေးမယ့် တစ်ခဏလေးမှာ ငါ့ရဲ့Alpha ကို ပြောမိမှာက ' ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ် ' လို့။ သူ့အိတ်ကပ်ထဲက နှ...