|| Unicode ||
ရှောက်ဝမ်းကျင်းဟာ သူ့ရဲ့ mailboxထဲမှ ကုဒ်ဝှက် Emailတစ်စောင်ကို လက်ခံရရှိခဲ့သည်။ယင်းက PMD ( Precision Medical Devices ) တွေမှာယူခဲ့သည့် အသုတ်က ယာယီ ဖျက်သိမ်းခံလိုက်ရပြီး တစ်ဖက်လူက ပျက်စီးတန်ဖိုးကိုပေးလျော်သည်ထက် ပူးပေါင်းတာကို ရပ်ဆိုင်းချင်တာဖြစ်သည်။
" ....ဒီလောက်ကောင်းတဲ့အကျိူးအမြတ်ကို မထိပဲထားခဲ့တယ် " ရှောက်ဝမ်းကျင်းက ထိုင်ခုံပျော့ပေါ်တွင်မှီလိုက်ပြီး ခြေတံရှည်တွေကို ကွန်ပျူတာ စားပွဲရှေ့မှာ တင်လျက် ကော်ဖီကို ဖြည်းဖြည်းချင်း တစ်ငုံသောက်နေလိုက်သည်။
သူ လက်ပတ်နာရီကို ကြည့်လိုက်မိသော် ညနေ ကိုးနာရီ။
သူ ခေါင်းကုတ်လိုက်၍ ရာဘာကြိုးရှာလိုက်ပြီး သူ၏ တစ်ဝက်ရှည်နေသော ဆံပင်ဖျားတွေကို အတူတူစုစည်းလိုက်လေသည်။ ထို့နောက် အောက်ထပ်က်ို ဆင်းလာခဲ့၏။
ဝမ်းချီက ဉာဏ်စမ်းရုပ်ဆက်လေးတွေနဲ့ ကစားနေခဲ့သည်။ ပြီးခဲ့တဲ့ အပတ်က သူဟာ တစ်ဘူးကို အစ,၂၀၀၀ပါတဲ့အထုပ်ကိုဝယ်ခဲ့ပြီး ရက်အနည်းငယ်အကြာမှာပဲ ပြီးစီးသွားခဲ့၏။ ရှောက်ဝမ်းကျင်းက ထိုသို့အကြိုက်ရှိတဲ့သူငယ်ချင်းတစ်ယောက်ကို ပြောပြီး ဝမ်းချီနဲ့ ကစားရန် အစ,၁၀၀၀၀ပါ သုံးဖက်မြင်ရဲတိုက်အသေး တစ်ခုကို ဝယ်ယူခဲ့လေသည်။
သူ ဝမ်းချီရဲ့ အိပ်ခန်းတံခါးဝမှာ သူရပ်နေလိုက်လျှင် ထိုကောင်လေးက သူ့လက်ထဲက အစလေးများကို အာရုံစိုက်နေဆဲဖြစ်သည်။
" စပိုက်ဒီလေး အိပ်မယ် " ရှောက်ဝမ်းကျင်းက တံခါးကို ဖွဖွလေးခေါက်လိုက်သည်။
ဝမ်းချီက နောက်ပြန်လှည့်ကြည့်လာ၍ မပြီးသေးတဲ့ အစလေးတွေကို ဘူးထဲ သေချာစုထည့်ကာ ကော်ဇောပေါ်ကို ခြေဗလာလေးနဲ့ နင်းလာ၍ ရှောက်ဝမ်းကျင်းရဲ့လက်ကို ဖွဖွလေး လာဆွဲ၏။
ဝမ်းချီ ဝမ်းနည်းနေချိန်ဆို သူက ဘာတစ်ခွန်းမှမပြောပဲ သူ့လက်ကို ကိုင်ထားတတ်သည်။
သူက လက်ဖျံနဲ့ ကောင်လေးကို ကိုင်ထားလိုက်ပြီးအရှေ့မီးကို ပိတ်ကာ ခဏလောက် အတူအိပ်ပေးဖို့ လုပ်လိုက်သည်။
YOU ARE READING
နားရွက်ရှည်အိမ်တော်ထိန်း || ဘာသာပြန် || 『Completed』
Romance" ငါ အိမ်ပြန်လာတိုင်း နှင်းဆီပန်းတစ်ပွင့် အမြဲတမ်းယူခဲ့တယ်။ပြီးတော့ ငါ့ကို သူကြည့်ပေးမယ့် တစ်ခဏလေးမှာ ငါ့ရဲ့Alpha ကို ပြောမိမှာက ' ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ် ' လို့။ သူ့အိတ်ကပ်ထဲက နှ...