|| Unicode ||
လက်ပ်တော့ဖန်သားပြင်ပေါ်၌ Message ဒါဇင်ကျော်ရှိနေသော်လည်း မည်သူတစ်ဦးတစ်ယောက်ထံမှ ပြန်စာရောက်မလာပေ။ ထန်မုန့်က ဘားရှေ့မှာထိုင်နေလျက် အကူအညီအတွက်နောက်ဆုံး အီးမေးလ်ကိုပို့လိုက်ပြီး စားပွဲပေါ်မှာ စိုးရိမ်တကြီးဖြင့် လှဲချကာ ဆံပင်တွေကို ဆွဲဆုပ်လိုက်သည်။
အစည်းအဝေးခန်းမသည်ကား လူသူကင်းမဲ့ကာ တိတ်ဆိတ်နေ၏။ ဒီနေရာမှာ လက်ဖက်ရည်သောက်လေ့ရှိကြသောOmega တွေကလဲ ဒီကနေ့မှာတော့ ပျောက်ဆုံးကုန်ပြီပင်။
ချန်းရှောင်အာက တစ်လုံးတည်းရှိသည့်ဆိုဖာမှာ သူ့ကျောပိုးအိတ်ကို ကိုင်လျက် ထိုင်ကာ ထန်မုန့်အား အသံတိတ်စိုက်ကြည့်နေခဲ့သည်။ သူ စကားပြောရန် ပြင်လိုက်စဉ်မှာပဲ ထန်မုန့်က လက်ပ်တော့ပ်ကိုမှောက်ပစ်လိုက်ကာ ဘားပေါ်က ဝိုင်ပုလင်းတွေကိုလဲ ဖျက်ဆီးပစ်၏။ များစွာသော ဝိုင်နီပုလင်းတွေမှာ ရိုက်ချိူးခံလိုက်ရလေသည်။
" ရန်ရိက သူတို့ကို ဘယ်လောက်တောင်ကူညီခဲ့သလဲ? သူတို့ကို တစ်ယောက်ပြီးတစ်ယောက်တောင် ရပ်တည်ချက်ပြင်ဆင်စေခဲ့တယ်။ အရေးကြီးအခိုက်အတန့်လဲရောက်ရော အားလုံးက သူတို့ကိုယ်သူတို့ပဲ ဂရုစိုက်ကြတယ်တဲ့လား " ထန်မုန့်မှာ မုန်းတီးခြင်းတွေနှင့် အံကြိတ်ထားမိသည်။ သူဟာ အကူအညီအတွက် မရေမတွက်နိုင်သော အီးမေးလ်တွေကိုပို့ပေးပြီး ရန်ရိကို ကူညီပေးနိုင်မယ့် အဆင့်မြင့်Omegaတွေကို ရဖို့ မျှော်လင့်ခဲ့သည်။ ရန်ရိက PBB ဌာနခွဲမှာ ပိတ်မိနေပြီး သူသိနိုင်သလောက်ဆိုလျှင် လုရှန့်ကျင် တစ်ကိုယ်ထီးတည်း သူ့ကို သွားကယ်နေတာဖြစ်၏။
အကူအညီတောင်းတဲ့ အီးမေးလ်တွေက ပင်လယ်ထဲ နစ်သွားသည့်အလား။ ပြန်စာရတဲ့ လူနည်းစုကလဲ သူတို့မှာ ကလေးနဲ့မိသားစုတွေရှိတာကြောင့် သူတို့ဆုံပင်မဆုံဖူးတဲ့ Omegaတစ်ယောက်အတွက် ရှေ့ထွက်ပေးဖို့ သူတို့မှာ သတ္တိမရှိကြောင်းတောင်းပန်ရုံသာ။ သူတို့က ရန်ရိအကူအညီကို လက်ခံထားတာတောင်လေ။
ထန်မုန့်က သူ့ကျောပိုးအိတ်ကို ထုတ်ပိုး၍ ချန်းရှောင်အာနှင့် အလျင်စလို ထွက်ရန်ပြင်သည်။ " သွားစို့... လုရှန့်ကျင်တစ်ယောက်တည်း ဖြေရှင်းနိုင်မှာ မဟုတ်ဘူး "
YOU ARE READING
နားရွက်ရှည်အိမ်တော်ထိန်း || ဘာသာပြန် || 『Completed』
Romance" ငါ အိမ်ပြန်လာတိုင်း နှင်းဆီပန်းတစ်ပွင့် အမြဲတမ်းယူခဲ့တယ်။ပြီးတော့ ငါ့ကို သူကြည့်ပေးမယ့် တစ်ခဏလေးမှာ ငါ့ရဲ့Alpha ကို ပြောမိမှာက ' ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ် ' လို့။ သူ့အိတ်ကပ်ထဲက နှ...