『Unicode』
《လှဲနေပြီးပဲ အနိုင်ယူ》
"ဖာ့ခ် အဲဒါက ဘာကြီးလဲ ?? PU-31 က သောက်ကျိုးနည်း ဘာကြီးလဲ?? "
"ကြီးကြပ်ကွပ်ကွဲရေးစင်တာက နောက်ဆုံးကျမှ မစ်ရှင်ကို ပြောင်းလိုက်တာလား ? "
"ခေါင်းသုံးလေ ၊ အထက်က သေချာပေါက် ဒါမျိုးလုပ်မှာမဟုတ်ဘူး "
"တခြားတပ်ဖွဲ့ရဲ့ မစ်ရှင်နဲ့ ရောသွားတာလား ? ဒါမှမဟုတ် တပ်ဖွဲ့၉ကကောင်တွေပဲ စနောက်ပြီး လုပ်နေတာလား ? "
"အမှောင်နောက် လိုက်သူဆိုတာကရော ဘာကြီးလဲ ?! ဒီမစ်ရှင်မပြီးရင် ငါတို့ပြန်လို့မရတော့ဘူးလား ?"
"ခေါင်းဆောင်စုန့် ၊ ခင်ဗျားအရင်က ဒါမျိုးကြုံဖူးလား ?"
ဂယက်ရိုက်နေသော စကားသံများအဆုံး ကျစ်ယွီရှီ၏မေးခွန်းက အားလုံးကို ငြိမ်သက်သွားစေသည် ။
အနက်ရောင်တိုက်ခိုက်ရေးယူနီဖောင်းက ကျစ်ယွီရှီကို ပို၍ပင်ပိန်သွယ်နေစေပြီး သူ့အသံမှာ အဖွဲ့သားများနှင့်ယှဉ်လျှင် ပို၍တည်ငြိမ်နေခဲ့သည် ။
"ပထမဆုံးပဲ " စုန့်ချင်းလန်က ဖြေသည် ။ "မင်းရဲ့မှတ်တမ်းတင်သူမစ်ရှင်တွေ လုပ်တုန်းကရော ဒါမျိုးကြုံဖူးလား ? "
တိတ်ဆိတ်နေသောသူ့ပုံစံကြောင့် သူလည်း ယခင်က ဒါမျိုးမကြုံဖူးဟု ယူဆနိုင်သည် ။ စုန့်ချင်းလန်က မျက်ခုံးတစ်ဖက်ကို ပင့်တင်လိုက်ရင်း "ဘာလဲ ? ကြောက်လို့လား ? "
ကျစ်ယွီရှီက ခေါင်းခါသည် ။ "မဟုတ်ပါဘူး ၊ ကျွန်တော့်အတွက်က လှဲနေပြီး နိုင်နေရုံနဲ့တင် လုံလောက်ပါပြီ "
လူတိုင်းက ထိတ်လန့်သွားကြသည် : "!!! "
အကြံပေးကျစ်က ဒီလိုစကားမျိုးကို တကယ်ကြီးထုတ်ပြောလာလိမ့်မည်ဟု သူတို့မထင်မှတ်ထားခဲ့ကြပေ ! ဒီလိုအခြေအနေမှာ ဒါမျိုးလုပ်ဖို့ တကယ်အဆင်ပြေလို့လား ?!
ကျစ်ယွီရှီက မည်သို့သောဝန်ထုပ်ဝန်ပိုးမျှ ခံစားမနေရသကဲ့သို့ပင် ဆက်လက်တည်ငြိမ်နေလျက် ။ *ငါးဆားနယ်တစ်ကောင်အဖြစ် နေတော့မည်ဟု စိတ်ပိုင်းဖြတ်ထားပုံပင် ။
YOU ARE READING
မြူနှင်းငွေ့ [အဆုံးမဲ့]『မြန်မာဘာသာပြန်』〘Completed〙
Science FictionTitle: Mist[Unlimited] 薄雾[无限] Author : Wei Feng Ji Xu 微风几许 Status : 103 chapters + 3 extras (Completed) Genres : Action , Mystery , SciFi This is just a fan translation work ! I do not own this story