(Unicode)
"ကိုကို အလုပ်သွားပြီနော်"
"ဘိုင့်ဘိုင် ကိုကို၊ စောစောပြန်လာခဲ့"
သူ့ကိုကိုရဲ့ကား မြင်ကွင်းထဲကပျောက်မှသာ Baekhyun ကအိမ်ထဲပြန်ဝင်သွားသလို Chanyeol ကလည်း သူ့Hyunလေးကိုမမြင်ရတော့မှသာ နောက်ကြည့်မှန်ကနေအကြည့်ခွါသည်။
ဥက္ကဌ Byun ဆုံးပြီးရှစ်လအတွင်းမှာ ပြောင်းလဲသွားတာတွေတော့ အနည်းအကျဉ်းရှိသည်။PB group ၏ဥက္ကဌဖြစ်သူ Chanyeol ကအရင်ကထက်ပိုပြီး အောင်မြင်ကျော်ကြားလာသလို သူလုပ်သမျှလုပ်ငန်းတွေဟာလည်း အရှုံးဆိုတာမရှိပေ။ဒုဥက္ကဌ Park ကတော့အရင်လိုပင် သူမဖြစ်မနေပါဝင်ရမည့် ကိစ္စတွေရှိမှသာ ကုမ္ပဏီကိုသွားပြီး ကျန်တဲ့အချိန်တွေကိုတော့ အိမ်မှာသာနားနားနေနေကုန်ဆုံးသည်။ထက်မြတ်တဲ့သားတစ်ယောက်ကိုပိုင်ဆိုင်ထားတော့လည်း သူနားနေဖို့လုံလောက်ပါသည်။
Baekhyun နှင့် ဥက္ကဌ Byun တို့နေခဲ့တဲ့အိမ်ကြီးကိုတော့ Chanyeol ကဒီအတိုင်းသာပိတ်ထားပြီး တစ်ပတ်တစ်ခါအိမ်သန့်ရှင်းရေးလုပ်ဖို့ လူလွှတ်ပေးသည်။Baekhyun တို့သားအဖနှစ်ယောက်ရဲ့အမှတ်တရတွေအများကြီးရှိနေတဲ့ ထိုအိမ်ကို အမွေရထားသူက Baekhyun ပဲဖြစ်ပြီး Chanyeol ကတော့မပျက်ယွင်းအောင်စောင့်ရှောက်ပေးရုံသာ။
PB group ကိုပူးပေါင်းကာစက ဒုဥက္ကဌ Park ဟာကုမ္ပဏီကိုအသွားအလာစိပ်သည်မို့ ကုမ္ပဏီကိုအမြဲလိုလိုလာတက်သည့် Dojin နှင့်အတော်လေးရင်းနှီးနေပြီဖြစ်သည်။နှစ်ဖက်စလုံးက အကျိုးကိုလိုလားကြသည့်လူတွေမို့ အပင်ပေါက်အောင်ရေလောင်းကြသည့်နေရာမှာအတော်လေး ကျွမ်းကျင်ကြပါသည်။ဒီအတောအတွင်း Minjun ကလည်း Chanyeol မကြည်ဖြူသည့်ကြားထဲမှပင် Park အိမ်တော်ကို သူအားရင်အားသလိုဝင်ထွက်နေတတ်သည်။များသောအားဖြင့် Chanyeol အိမ်မှာမရှိတဲ့အချိန်တွေဖြစ်သည်။တစ်ခါတစ်လေ Chanyeol နဲ့ထိပ်တိုက်တွေ့တဲ့အခါ "မင်းမှာအလုပ်မရှိဘူးလား" ဟု Chanyeol မေးတိုင်း "ကျွန်တော်က ငယ်သေးတော့အလုပ်လုပ်ရမယ့်အရွယ်မဟုတ်ဘူး" ဟု Minjun ကပြန်ဖြေလေ့ရှိသည်။Minjun နှင့်ပတ်သတ်ပြီး အဖေဖြစ်သူက အတော်လေးဖြောင်းဖျထားတဲ့အခါ Chanyeol လည်းစိတ်ကိုမနည်းလျော့ထားရပါသည်။
YOU ARE READING
Warm Love (Completed)
Fanfiction"ကို..ကို" "အင်း ကိုကိုလေ၊ Hyunလေးရဲ့ ကိုကို" "ကို..ကို" "အင္း ကိုကိုေလ၊ Hyunေလးရဲ႕ ကိုကို"