(Unicode)
W group ကရှယ်ယာဝင်မည့်ကိစ္စအား အဖေ့ကိုပြောပြလိုက်တော့ အဖေကလက်ခံသည်။အကြောင်းအရင်းကတော့ W group ရဲ့လက်ရှိဥက္ကဌဟာ အရင်ဥက္ကဌမဟုတ်တာကြောင့်ဟုပြောသည်။အစကတည်းက အဖေ့သဘောအတိုင်းဟုသာ Chanyeol သတ်မှတ်ထားတာမို့ W group ဟာ PB group မှာရှယ်ယာဝင်ဖြစ်လာခဲ့ပါသည်။
"အတန်းထဲသွားတော့မှာလား Hyunလေး"
Chanyeol မေးလိုက်တော့ ခေါင်းလေးတဆတ်ဆတ်ညိမ့်ပြသည်။မာဖလာကြားထဲမှာမြုပ်နေတဲ့ မျက်နှာဖြူအုအုလေးကသေးသေးသွယ်သွယ်။ငွေမင်ရောင်ဆံပင်ပျော့ပျော့လေးတွေကို တစ်ချက်ဆွဲဖွလိုက်ပြီး
"ဟုတ်ပြီဗျာ၊ စာတွေသေချာလိုက်လုပ်နော် ကလေးလေး"
"ဟုတ်ကဲ့"
"လာပါဦး၊ ပါးလေးနမ်းချင်လို့"
ပုခုံးလေးနှစ်ဖက်ကနေဆွဲပြီးအနားခေါ်လိုက်တော့ ပြုံးပြုံးလေးဖြင့်ပြောလာသည်က "နှဖူးရော" တဲ့လေ။
"ရွှတ်! ရွှတ်! ပြွတ်စ်!"
သူလေးအလိုကျရော ကိုယ့်အလိုကျပါ နှဖူးလေးနဲ့ပါးလေးတွေကိုတစ်လှည့်စီအလှည့်ကျနမ်းလိုက်ပြီး နောက်ဆုံးပိတ်ကိုတော့ နှုတ်ခမ်းပါးလေးမှာအဆုံးသတ်လိုက်သည်။
"ကဲ ကျေနပ်ပြီလား"
"အွန်! ကိုကိုရင်နမ်းတာလေ"
"ဟားဟားဟား"
Chanyeol သဘောတကျရယ်လိုက်မိသည်။သူလေးဆိုလိုချင်တာက အရင်နမ်းချင်တာ Chanyeol မို့လို့ ကျေနပ်တာမကျေနပ်တာက Chanyeol နဲ့ပဲဆိုင်ပါတယ်ပေါ့လေ။
"ဟုတ်ပါတယ်ဗျာ၊ ကိုကိုကအရင် နမ်းချင်လို့ကို နမ်းတာပါ၊ နမ်းခွင့်ရလို့လည်း အရမ်းအရမ်းကျေနပ်ရပါတယ်ဗျာ"
"ခစ်ခစ်!"
Chanyeol ရဲ့စကားကို သဘောတကျရယ်နေပုံလေးကအသည်းယားစဖွယ်။
"ကဲ သွားတော့ အချစ်ဆုံးလေး"
"ဟုတ် ကိုကို ဘိုင့်ရီ!"
"ဟုတ်ပါပြီဗျာ"
တစ်ဖက်အခန်းထဲကို လုံးတုံးတုံးဖြင့်ဝင်သွားတဲ့ကလေးလေး မြင်ကွင်းထဲကပျောက်သွားတော့မှ Chanyeol လည်းကိုယ့်အခန်းထဲကိုဝင်ခဲ့လိုက်သည်။
YOU ARE READING
Warm Love (Completed)
Fanfiction"ကို..ကို" "အင်း ကိုကိုလေ၊ Hyunလေးရဲ့ ကိုကို" "ကို..ကို" "အင္း ကိုကိုေလ၊ Hyunေလးရဲ႕ ကိုကို"
