(Unicode)
"ကိုကို"
"ဗျာ"
"Hyunက ဒီနေ့ စာတွေ များကြီးလိုက်ရေးမှာ"
လက်ဟန်အမူအရာဖြင့်ပါ ပြောပြလာသူလေးကြောင့် Chanyeol ကြည်ကြည်နူးနူးပြုံးမိသည်။
"ဟုတ်ပါပြီဗျာ၊ ကိုကို့ရဲ့အလိမ္မာတုံးလေး"
"ဟီးး Hyunက လိမ္မာတာ"
ပြောပြီး ခေါင်းလေးတလှုပ်လှုပ်ဖြင့် မနက်စာပြန်စားနေသည်။တဖြည်းဖြည်းနဲ့ လူကြီးလေးလုပ်ချင်လာတဲ့ Hyunလေးက မနက်စာထမင်းကို သူ့ဘာသာစားမယ်ဆိုလို့ လွှတ်ပေးထားရသည်။ပါးစပ်တွေမှာလည်းခဏခဏပေပွနေတာမို့ Chanyeol မကြာခဏသုတ်ပေးနေရပါသည်။သူလေးဗိုက်ဝသွားရင်တော့ မျက်နှာလေးကို wet tissue ဖြင့်သန့်ရှင်းရေးလုပ်ပေးရပါဦးမည်။
"မနက်စာ စားမသွားတော့ဘူးလားရှင့် သူဌေး"
ဒေါ်ကြီးရဲ့အသံကြောင့် Chanyeol လှည့်ကြည့်လိုက်တော့ ထမင်းစားခန်းအဝမှာရပ်နေတဲ့ အဖေ့ကိုတွေ့လိုက်ရသည်။
"အဖေ အလုပ်သွားတော့မလို့လား၊ ကျွန်တော်တို့နဲ့မှ အတူသွားပါလားဗျ"
"အပြင်မှာပဲစားလိုက်တော့မယ် အဒေါ်ကြီး၊ ဘယ်သူမှမရှိတုန်း အိမ်ကိုသေချာကြည့်ထားဦး"
"ဟုတ်ကဲ့ပါရှင့်"
အဖေက သူ့ကိုတစ်ချက်မှကြည့်မလာဘဲ ဒေါ်ကြီးကိုပဲပြောစရာရှိတာပြောပြီး အိမ်အပြင်ထွက်သွားတာမို့ Chanyeol သက်ပြင်းအသာချလိုက်မိသည်။
"နောက်တော့လည်း ပြန်အဆင်ပြေသွားပါလိမ့်မယ် Chanyeolလေးရယ်၊ မိဘနဲ့သားသမီးဆိုတာ ပြတ်တယ်ရယ်လို့မှမရှိတာ"
"ဟုတ်ကဲ့ ကျွန်တော်လည်းပြန်အဆင်ပြေဖို့ကြိုးစားနေပါတယ် ဒေါ်ကြီး"
သူ့စကားကို ဒေါ်ကြီးကနှစ်သိမ့်ပြုံးဖြင့်တုန့်ပြန်တာမို့ သူလည်းပြန်ပြုံးပြပြီးမှ Hyunလေးဆီကိုအကြည့်ပို့လိုက်သည်။
"ဖြည်းဖြည်းစားလေ ကလေးရယ်"
"အွန်.."
ထမင်းတွေကိုပါးစပ်ပေါက်ကျဉ်းကျဉ်းလေးထဲအဆက်မပြတ်ထိုးသွင်းပြီး ပါးလေးနှစ်ဖက်ဖောင်းတော့မှတမြုံ့မြုံ့ဝါးစားနေတဲ့ Hyunလေးရဲ့အပြုအမူလေးက စိတ်ထိုင်းမှိုင်းနေတဲ့အချိန်မှာတောင် Chanyeol ကိုပြုံးသွားစေပါသည်။
YOU ARE READING
Warm Love (Completed)
Fanfiction"ကို..ကို" "အင်း ကိုကိုလေ၊ Hyunလေးရဲ့ ကိုကို" "ကို..ကို" "အင္း ကိုကိုေလ၊ Hyunေလးရဲ႕ ကိုကို"