Warm Love (Completed)

Warm Love-24

(Unicode)

မူးလဲတဲ့ရက်အပြီး နောက်ထပ်ခုနစ်ရက်လောက်အထိ Chanyeol ကိုအဖေက အိမ်မှာပဲအနားယူခိုင်းသည်။Chanyeol အနားယူနေတဲ့အတောအတွင်း အဖေကကုမ္ပဏီကိုသွားပေးမည်ဟုပြောသည်။Dojin နှင့် Minjun ကလည်းရှယ်ယာဝင်တွေအနေဖြင့် ပရောဂျက်ကိစ္စတွေကို အဖေနှင့်အတူ တတ်နိုင်သလောက်ကူလုပ်ပေးကြမယ်လို့ Chanyeol ကိုပြောလာကြသည်။

Chanyeol ငြင်းချင်ပေမယ့်လည်း သူ့ကိုအနားယူခိုင်းနေကြတဲ့လူတွေက စိတ်အားထက်သန်နေကြတဲ့အခါ အများနှင့်တစ်ယောက်မို့သူပဲရှုံးရသည်။ထိုထဲမှာ စိတ်အားအထက်သန်ဆုံးကတော့ သူ့အမျိုးသားလေးပဲဖြစ်ပါသည်။သူလေးပြောသည်က

"ကိုကိုက အားနည်းနေတာ၊ အနားယူရမယ်နော်၊ ကိုကိုနားတဲ့အချိန် Hyunကစောင့်ရှောက်ရမှာဆိုတော့ ကျောင်းမတက်ဘူးလေ၊ ကိုကိုသက်သာမှ Hyunလည်းကျောင်းတတ်မယ်၊ နော် အဲ့လိုလုပ်ကြမယ်"

သူလေးရဲ့စိတ်ရင်းအမှန်က Chanyeol ကိုစောင့်ရှောက်ချင်တာလား ဒါမှမဟုတ် ကျောင်းမတက်ချင်တာလား ဒါမှမဟုတ် နှစ်ခုလုံးပဲလားဆိုတာကတော့ အတတ်ကလေး သူ့ဘာသာသူပဲသိပါလိမ့်မည်။

Hyunလေးက တစ်ခုခုသင်ရင်အတတ်မြန်သလောက် စာဆိုရင်တော့ပျင်းတတ်သည်။စာလုပ်ရပြီဆိုလျှင် စာကလွဲလို့ ပတ်ဝန်းကျင်မှာဖြစ်ပျက်နေသမျှအရာအားလုံးကို သူလေးစိတ်ဝင်စားပါသည်။ဥပမာ-သူ့ဘာသာရွေ့နေတဲ့နာရီစက္ကန့်လက်တံကို တစ် နှစ် သုံး လေး လိုက်ရေနေတာမျိုးပေါ့။

အခုဆိုရင် Hyunလေးရဲ့ဆံပင်တွေက သူလေးအလိုကျ ငွေမင်ရောင်တွေဖြစ်သွားလေပြီ။ဆေးရုံရောက်ပြီးတဲ့နောက်နေ့ နှစ်ရက်အကြာမှာပဲ Chanyeol ကိုယ်တိုင် ဆိုင်ကောင်းကောင်းမှာလိုက်ဆိုးပေးလိုက်တာဖြစ်သည်။ငွေမင်ရောင်ဆိုးပြီးကတည်းက သူလေးဘာသာသူလေး ရေခဲမင်းသားဆိုတာကိုလည်းပါးစပ်ဖျားကမချတော့ပါ။

Hyunလေးက ရေခဲမင်းသားဖြစ်ချင်ပေမယ့် Chanyeol ကတော့ပါပီပေါက်လေးလို့ပဲတင်စားထားသည်။ငွေမင်ရောင်နှင့် Hyunလေးက အရမ်းလိုက်ဖက်လွန်းတာမို့ ဆေးဆိုးပြီးချင်းတုန်းကဆို Chanyeol မှာအကြည့်မလွှဲနိုင်။တစ်နေကုန်လုံး တစိမ့်စိမ့်ထိုင်ကြည့်နေချင်စိတ်တွေပါဖြစ်လာရသည်။အခုဆိုရင် Hyunလေး ရင်ခွင်ထဲတိုးဝင်နေတိုင်း အပေါ်စီးကနေကြည့်ရတဲ့ Chanyeol အဖို့တော့ ပါပီပေါက်လေးကိုပွေ့ဖက်ထားရသလိုပင်။အသည်းယားဖို့ကောင်းလွန်းလို့ ဖျစ်ညှစ်မိတာလည်းခဏခဏပဲ။