مهووس ميساء

part 3

طاح الضلام و ميساء باقا تكمشى وسط عثمة الدار البيضاء بقات كتمشى للحضة وقفات و ضارت حيت حسات فحالا شي حد تابعها ملي ضارت لقات سيارة سوداء فاخرة واقفة فجنب لاخر ديال الشانطي بقات كتشوف فيها شوية دورات راسها غير مبالية بالأمر و جبدات تيليفونها باش تشوف الساعة لي كانت التاسعة ليلا تنهدات و قررات تمشي الدار شدات طاكسي و عطاتوا العنوان و نطالقات حتى هاديك السيارة السوداء تابعة وجهة بطلتنا، مدازش بزاف ديال الوقت حتا كانت قدام دارهم جبدات الساروت من جيبها و حلات الباب و دخلات فور ما دخلات ختافات ديك السيارة لوجهة مجهولة.
دخلات ميساء و لقات ماماها ناعسة وهي كالسة كلسة معدبة و باين فيها العياء و البكاء تحسرات ميساء لحالتها و توجهات عندها كتفيقها
ميساء بصوت خافت: ماما ماما فيقي نعسي فبيتك هنا البرد عليك
فاقت خديجة مفزوعة و غير شافت ميساء طارت كتعنق فيها و تبوس : خلعتيني عليك بزاف فين غبرتي عليا ( هزات صبعها ب تهديد) اخر مرة ديري هاكا ا ميساء خلعتيني بزااف حرام عليك (شدات وجها بين يديها و هضرات بصوت مخنوق بالبكا) سمحيليا ابنتي بزاف راك نتي لي كتخرجيني على طوعي بأفعالك ديري عقلك عفا بنتي
ميساء نفجرات بالبكا فحال شي بنيتة صغيرة و تلاحت على حضن ماماها: اخر مرة عفاك اماما راك غير نتي لي عندي عمرك تخلاي عليا حيت انحماق والله (بدات كتبوسها) و حتى نتي سمحيليا اخر مرة اتسمعي شي حاجة هاكا حيت اخر مرة انمشي لديك ليسي
خديجة ناضت دغية و وقفات ف وجها: شنو كتقولي نتي يا هاد البنت هاد العام عندك سيزيام واش بغيتي تضيعيه ولا شنوا انا مغنسمحش بهادشي غير باش تعرفي
ميساء: ماما انا انخرج من المدرسة باش نخدم و نعاونك ووو (خديجة غوتات فوجهها بعصبية)
خديجة: واش انا مخساك من شي حاجة باش تقولي هاد الهدرة و تبغي تخدمي على 16 عام ياك كنحيدها من راسي و نعطيها ليك شنو خاصك باش اقل حاجة هي تقراي و تفرحيني مديريهاش( هزات حجبانها بإصرار) ملي انا مزال عايشة و باقة كنتنفس عمرك تقولي هاد الهدرة سمعتي
ميساء حنات راسها: ماما انا
خديجة قاطعاتها :نتي شنو اممم اخر مرة نسمع هاد الهضرة حيت كتحطني و كنحس انا مموفراش ليك احتياجاتك
يلاه بغات ميساء دوي اشارت ليها خديجة اتجاه بيتها: بيتك مبغيت نسمع والو
ميساء حنات راسها و بغات تمشي حتا وقفها صوت ماماها : كليتي
ميساء كملات طريقها: مفياش
دخلات للبيتها و سدات عليها و تنهدات تنهيدة طووويلة هازا بزاف ديال المواجيع بدلات حوايجها و لبسات بيجامة شورط و كروب طوب و تلاحت فوق الناموسية و خرجات من العالم الحقيقة و دخلات فعالم الاحلام

              اصبحنا و اصبح الملك لله 🫀

فاقت بطلتنا على صوت المنبه باش تنوض تقرا ناضت بزز كتجر رجليها غير خرجات شافت ماماها كالسة كتفطر مشات بالتردد تجاهها
خديجة هزات فيها عينيها بحب :اجي بوسي ماماك
ميساء مشات كتجري تلاحت فحضنها و دوات بصوت باكي: سمحيليا اماما عافاك
خديجة كتمسح على راسها و مرة مرة كتبوسو : واش كاينة شي وحدة كتقلق من بنتها الهبيلة يلاه نوضي قادي حالتك و سيري لمدراستك و متفكري لوالو صافي
ميساء هزات راسها ببرائة حيت ملي كتكون مع ماماها كتصرف فحال شي طفلة صغيورة:وخا اماما
خديجة ناضت مزروبة:يلاه هانا مشيت خليت ليك الراحة
ميساء بتعجب: راه باقي الحال اماما مالك غادة بكري
خديجة:لا ابنتي ليوم انخدم عند واحد السيد شي حاجة فالبلاد و هاديك لي خدماتني نبهاتني بزاف كيكولو صعيب و مختل شوية و مكيبغيش تعطال نهائيا
ميساء: ياختي هاد الناس لي لاباس عليهم شحال عندهم ديال القوانين
خديجة وهي كتلبس صباطها:ماشي سوقنا فيهم المهم كناكلو من عندهم طرف دالخبز يلاه هانا مشيت عنداك تنساي الباب محلول كيف عوايدك
ميساء: لا اماما متخافيش بسلامة
خرجات خديجة و خلات ميساء كتفطر ملي سالات ناضت لبسات حويجها كسيرة برتقالية بحكم صبح الصهد و سبرديلة بيضة و هاد المرة لبسات الطابلية لتفادي المشاكل و خلات شعرها سامبل و حتا وجهها و كلمسة اخيرة رشات عطرها المعتاد و سورتات الباب و خرجات وصلات المدراسة و دخلات و هي غافلة على هاديك السيارة السوداء لي مراقباها من بعيد
رن الجرس دليل على بداية الحصص الصباحية كان عندها فيزيك هي اكثر مادة كتعشقها خرجات منها مع 10 و دخلات الحصة الانجليزيه لي حتا هي متفوقة فيها سلات حصصها و خرجات و هاد النهار كيكون عندها غير نص النهار
خرجات و مرداتش البال لنفس السيارة السوداء لي مبقاتش كتفرقها من ليلة البارحة، كانت اتاخد اندومي ولكن قالت علاس منطيبش ليوما رشقات ليها على الطياب بزاف.
دخلات الدار بدلات حويجها و لبسات شورط قصير و قبية عريضة و جمعات شعرها كعكة و صنيديلة ف رجيلاتها نقيين و مقادين.
فكرات شنو الحاجة لي باغة طيب فالخر قررات طيب ليباط بدات كتوجد حتى شوية سمعات تيليفونها كيصوني فالبيت مهتماتش الأمر حتى عاود صونة هي دخلها الشك قالت يمكن شي حاجة مهمة مشات البيت هزات التيلي لقات نمرة غريبة عليها جوبات
ميساء:الو
الشخص: الو واش نتي هي ميساء بنت لالة خديجة
ميساء تقادات فالوقفة بذعر: اه هي انا في كتعرفيني و فين كتعرفي ماما شكون نتي
البنت: ختي تهدني انا خدامة مع ماماك فالقصر و بغيت غير نكوليك راه ماماك سخفات و حالتها مكتبشرش
ميساء طاحوا دموعها: شنوووو ختي عافاك فينها ماما دابا هئ هئ
البنت: ماماك باقا معانا الى بغيتي تجي خرجي و شدي طاكسي و كولي ليه قصر زنيبر
ميساء كتبكي و تالفة و معارفة مدير: واخا واخا 10 الدقايق نكون عندكم
خرجات كتجري من دار مخلية دار محلولة و العافية شاعلة على الماكلة خرجات بالباس الدار و كتجري فحال الحمقة و لي دازت من حداه كيتبع ليها العين حيت كتبان مثيرة بزاف.
خرجات لشارع و شيرات لطاكسي فور موقف طلعات و عطاتو الوجهة و هي تالفة و غير تحرك طاكسي تحركات السيارة لي كتراقبها.
وصل الطاكسي و وقف فواحد الشارع
ميساء كتبكي :علاش وقفتي واش كاين شي موشكيل
مول الطاكسي: سمحيليا ابنتي هاد البلاصة ممنوع علينا ندخلو ليها حيت ملك
ميساء زفرات: يخ على زهر (جبدات الفلوس)هاكا اعمي و غير خلي ليك الصرف
نزلات قبل ميجاوبها و مشات فداك شارع لي معارفة فيه والو.
فهديك السيارة السوداء كانوا ركابها مستغربين و عيطوا لشي نمرة.
الكارد: الو
الشخص بصوت خشن كيزعزع: شنو
الكارد: الأنسة لي كلفتينا نراقبوها راه غادة فالطريق القصر اسي غالي
غالي عقد حجبانوا ونطق بصوت غليض و فيه بحة متميزة: واخا انا جاي و بقاو مراقبينها الى فلتات ليكم ليوما لخر ليكم
الكارد بلع ريقو بخوف :كون هاني اسيدي
قطعوا معاه و بقاو مراقبينها حتى وصلات قدام بوابة القصر لي كانت مغلقة.
ميساء كتشوف فحارس القصر: عفاك تقدر تحل ليا
الكارد: سمحيليا الالة ممنوع
ميساء كتبكي:عافاك اخويا راه ماما خدامة هنا و هيا مريضة خاصني ندخل نشوفها عفاك
الكارد هز فيها عينيه و هو يتصعق من جمالها و طول فيها الشوفة ولكن هادشي مدامش حيت سمع شي تعليمات فهادوك ليزيات لي كيكونو عندهم .
الكارد حنا راسو وحل ليها الباب: تفضلي الالة
ميساء تفاجئات من تصروفاتوا لي تغيرات ولكن معطاتش الأمور اهمية و دخلات و هي تالفة و معارفة منين دخل ولا تخرج حيت داكشي كبير بزااااف كاينين بزاف ديال البوابات و جردة فحال شي غابة و داكشي كيبان باهض و زوين.
بقات كتضور فعينيها و تبكي حيت كتحس براسها تالفة: ياربي فين انا عنداك نكون تلفت(دورات راسها تجاه الباب الحديدي ) ولكن كاين غير هاد القصر فهاد المنطقة (هزات راسها فوق بوابة القصر لي كانت مكتوبة فيه بخط عريض غــــالــــي زنــــيــــبـــــر...

يتبع..

لي عجباتها رواية تخلي ڤوط ولا كمنطير و هادا اخر بارت انلوحو بلا دعم حيت هادشي كيعني رواية كاعما عجباتكم و خاصني نحبس

البارت الجاي ايكون لقاء الأبطال احداث نااار من هوس البطل و خوف البطلة و تملك و بزاف ديال الحوايج
البطل الحد الأن مجهول بالنسبة ليكم ولكن صبروا لي بارت جايين انتعرفو عليه مزياان
بيزوات 💋💋