مهووس ميساء

part 65

طريق كلها وهي كطل من السرجم متفادية نضراتو لي كيوتروها و مختارقينها... حنان كل مرة كتسولها واش رجليك لاباس واش بيخير وهي كتجوبها حشمانة من راسها و الفعلة لي دارت مع هاد المراة الطيبة لي باغا دخلها لدارها واخا مكتعرفهاش، بعد مدة وقفات سيارة قدام قصر كبيير فاخر بابو حديدي ضخم كيبان فحال الباب ديال شي قلعة ... حلو ليكارد الباب اوطوماتيكيا و دخل و محدو داخل محد فم شغف كيتحل من جمالية المنضر و فخامتو ... كانت جردة كبيييرة فحال شي غابة و بعيد شوية كاين بيسين كبييير و فديك البلاصة كاين واحد الهدوء رهيب كتسمع غير زقزقة العصافير مفيقها من سهوتها غير الفران السيييك لي فرانا سعد الدين قدام واحد نافورة كبيييرة متوسطة ديك جردة عاطية منضر رهيب ... هبطات حنان دغيا حالا ليها الباب و مدات ليها يديها ناطقة بحنان: زيدي ابنيتي ... شغف بنبرة هادئة: واش هادي دارك اخالتي... حنان:هادي دار ولدي ابنتي و دابا زيدي هبطي راك مزال مقصحة ... نزلات شغف شادا فيد حنان وهي كضور عينيها و كتعرج حتا جات عينيها فعينيه الكحلين لي مخنزرين و كيخلعو شوية ... تخطاهم كيتمشى بهيبة داخل القصر و كيف ختافى على انضارهم نطقات حنان بهمس: متديش على ولدي ابنتي راه هو طبعو صعيب ولكن قلبو حنين ... شغف ببتسامة صفرة: باينة اخالتي باينة ... حنان: اش سماك الله ... شغف: ش شغف ونتي ... حنان ببتسامة: سميتك زوينة فحالك انا سميتي حنان ابنتي... شغف بنفس الابتسامة حتى بانو غمزاتها:مشرفين اخالتي ... بقاو غادين بشوية حنان شادة فشغف لي كتعرج مبوحطة بقاو هكاك حتى دخلو لداخل ديال القصر و هنا شغف زادت حلات فمها من صالونات و الأثاث الفاخر و الخدامات لي كيرحبو بحنان حانيين راسهم ... شغف بنسبة ليها هادشي اشبه بالخيال عمرها شافتو و فين غتشوفو وهي بنت بسيطة كابرة فالميتم ، بقات غير حالا فمها و كضور عينيها حتى وصلو المصعد طلعو و موقفو غير فواحد الطبقة فيها بزاف ديال البيبان و الغرف دخلاتها حنان لوحدة منهم و عوناتها حتى كلسات فوق ناموسية لي كانت انعم ناموسية شافت فحياتها ... كلسات كتشوف فالبيت لي اتاتو ابيض كلاس فيه ناموسية كبيرة ديال جوج دناس و ليكوافوز و خزانة و واحد الباب مسدود عرفات بلي هداك الحمام ... قاطعات تأملها غير حنان: بنتي رجليك شوية ... شغف بتردد: الحمدالله اخالتي راه غير تلواتلي شوية ... حنان: ياكما نعيطو على طبيب ... شغف خرجات عينيها برفض: لا اخالتي ويلي شدانا لشي طبيب راه غير لوية بسيطة ... حنان نعتات ليها الحمام: راه الحمام فين كاين ابنتي الا بغيتي تاخدي شي دوش ... شغف ابتسامات بإمتنان: شكرا ليك اخالتي بزاف والله ... حنان قربات كتمسح ليها على شعرها:استغفر الله ابنتي متقوليش هاكا و دابا نوضي دوشي انا غنسيفط ليك شي وحدة فالبنات تجيب ليك شي حوايج باش تبدلي ... حركات شغف راسها بالإيجاب و خرجات حنان مخلية شغف كضور فالبيت و تسارا مخلاتش شي بلاصة مقلباتهاش فالأخير قررات تدخل دوش كيفما قالت ليها حنان ... دخلات الحمام لي كان حتى هو منضم و مقاد حيدات حوايجها لي كانو موسخين شوية بحكم كتنعس غير فزنقة ... لاحتهم فالارض و دخلات تحت الرشاشة و كيف نزل عليها الماء سخون ضحكات مغمضة عينيها فحال شي بنت صغيرة ، دارت كاع البرودويات لي تما مخلات حتى حاجة مجرباتهاش تهز هادي و تحط هادي حتى ولا لحمها البيض كيشقشق و شعرها طويل الكحل لي فايت مؤخرتها ولا كيلمع ... حنيكاتها و شفايفها حمرين و شفارها فازكين كتبان فاتنة... خرجات على صبيعات رجليها ملوية عليها فوطة لي ممغطية والو نص صدرها باين و فايتة مؤخرتها الكبيرة بشوية فخيضاتها و سيقانها عامرين كيبانو كيلمعو ... حلات الباب ديال الحمام كتمشى على صبيعات رجليها و كيف خرجات لمحاتو ببنيتو الجسمانية الضخمة كالس فوق الفوطوي لي مقابل مع الحمام مسرح رجليه فالارض و حاط يديه الموشومة على دقنو و عينيه على باب الحمام فحالا كيساين فيها وهو عاقد 11 كيف ديما ... كيف شافتو بغات ترجع الحمام كتجري حتى وقفها صوتو الغليض لي جمد دم فعروقها: غتحركي غنقبر مك فبلاصتك ... وقفات مغمضة عينيها قلبها كيضرب فتسعين و هي مزيرة على الفوطة من جيهت الصدر بإحكام خايفاها تزيد طيح حتى هي و تشوها ... سمعات خطواتو الموزونة جايين ناحيتها حتى كيوقف موراها نيشان و كينطق بنبرة امرة: ضوري ... ضارت بالعرض البطئ و هي مغمضة عينيها كيف ضارت حلات عويناتها الرماديين فصدرو العريض وهي تهز راسها لوجهو بحكم طويل عليها و نطقات بتلعثم: ن نتا شنو كدير هنا ... سعد الدين قرب لعندها كتر جارها من شعرها طويل حتى زوات بألم و قرب لودنيها كينطق بفحيح مبورشها: ممحتاج نتشاور مع حتى قواد باش ندخل لشي بلاصة كاينة فداري هادي اولا ثانيا الا ضحكتي على الواليدة بدوك جوج دميعات ديال التقحبين انا راه لا متجيش قحبة تزادت لبارح دوزها عليا ... شغف عينيها مدمعين وهي شادة ليه فيديه لي شادة فشعرها: طلقني ... سعد الدين طلقها حتى رجعات جوج خطوات لور وهي باقا شادة فالبلاصة لي عطياها الحريق و رجعات هزات فيه عينيها لي حمرين فحال الدم حابسة فيهم دموع لي رافضة تنزلهم و قربات لعندو ناطقة تحت سنانها: شكون نتا لي تحط عليا يديك اممم شكون نتا ... سعد الدين زاد قرب ليها محمر فيها و ناطق تحت سنانو:انا لي غنعود لزامل بوك ترابي حتى متبقايش تضحكي على بنادم ... شغف دورات وجها لجنب بحكم وجهو قريب منها بزاااف و بعدات خطوة و كملات هضرتها بجرأة ملموسة: مربية الحمدالله و كون مكنتش مربية كنتي غطلاقا معايا بليل ماشي بنهار ( و غمزاتو بمكر) و دابا خرج عافاك كيف كتشوف راني ملبساش ... سعد الدين طلعها و نزلها بإشمئزاز و خرج خابط الباب بعنف حتى قفزات ، و كيف خرج تنفسات صعداء شادة على قلبها لي كيضرب ف 90 من قربو و هضرتو و هيبتو لي خلات الخوف يتسلل لقلبها ... كيف خرج سمعات الدقان فالباب و نطقات بصوتها الانثوي الرقيق: دخل... كيف كملاتها تحل الباب و دخلو منو جوج خدامات بزيهم الرسمي للعمل وحدة هازة ساشي و وحدة بلاطو ديال الماكلة... حطات الولة الساشي فوق الناموسية و تانية حطات البلاطو فوق الطابلة لي حدا لي فوطوي و وقفو حانين راسهم ناطقة وحدة فيهم بإحترام: خاصاك شي حاجة مزال الالة ... شغف حركات راسها بالنفي وهي كتشوف فيهم بإستغراب و هاد حياة الاميرات لي عمرها حلمات غتعيشها... خرجو الخدامات و مشات شغف بشوية هزات داك ساشي لقات فيه لي دوبياس و جوج بيجامات و بانطوفة ... لبسات دوبياس كحل مع بيجامة ساتان بيضة و بانطوفة بيضة و شعرها خلاتو مطلوق كيفما هو كينشف ... كيف سالات لباس مشات كلسات كتفطر و كتبنن فداك الفطور لي ملكي لي حليتي عليها فمك تلقاها....

يتبع.....❤️❤️❤️