مهووس ميساء

part 52

دازت مدة وهي كترمش بعويناتها فوق صدرو حتى شوية كتحس عينيها بداو كيتقالو بالنعاس غمضاتهم و دخلات فسبات عميق ... هو كان مراقبها كيشوف فيها بحب و بهوس كيدوز يديه على شعرها الرطب الحريري ...تحرك شوية البرد و هو نزل عينيه لبيجامتها لي خفيفة و نص فلحمها كيبان الشي لي خلاه يهزها متوجه بيها الداخل ديال البيت وهو كيتمشى مشية روجولية وهي مهياش هنا سارحة عجول لاخرة و حاطة راسها على صدرو حالا فمها شوية كتنفس منو ... حطها فوق السرير بشوية و غطاها و شعرها مليوح فوق المخدة بعشوائية... باس راسها بوسة مطولة و خرج ركب فطوموبيلتو و كسيرا موقف حتال القصر ديال سمية و المختار ، قرب الباب و سونا مدازش بزاف حتى حلات ليه الخدامة الباب و نطقات بإحترام: تفضل اسيدي لالة سمية و سي المختار كيتسناوك فالصالون ... مجاوبهاش و مشا داخل حتال قدام الصالون، لمحهم كالسين على أعصابهم سمية كتحرك رجليها و يديها بإرتباك و مختار مربع يديه سارح بتفكيرو البعيد ... حتى كيلمحوه واقف عليهم كيرمقهم بنضرات صعيب تفسرها و هي تنطق سمية: دخل اولدي دخل من قبيلة و حنا كنتسناوك ... غالي دخل و جلس مفرشخ فوق الفوطوي حال رجليه و مربع يديه كيشوف فيهم لمدة و هوما كيشوفو فيه 🙂 المهم شي كيشوف فشي... حتى كيكسر هو داك الصمت بجدية و بصوت صارم بعدما قاد كلستو: انكولها ليكم من هنا كيفما كانت نتيجة راه مغتبدل حتى حاجة اتعطيو تيساع لمرتي باش نبقاو مزيانين مع بعضياتنا راكم عارفيني كيداير ... سمية طاحت دمعة من عينيها و مسحاتها بالخف: انا معنديش مشكيل المهم نعرف بنتي فين ... المختار تنهد و جبد الضرف ديال DNA وهو يديه كيترعدو و هز عينيه شاف فسمية لي فيها البكية و دمعتها فطرف عينيها و شاف فغالي لي ملامحو باردة و ممسوقش نهائيا ... سمية بقلة صبر: و حل خلاص ... المختار هز ليها راسو بالإيجاب و حل الضرف بشوية و هو ممتحكمش فراسو خايف بزااااف من ناحية انه يكون إيجابي حيت غيتأسف بزاف لبنتو لي مزوجة براجل عصبي و صعيب فحال غالي و الى كان سلبي كاع الأمل ديال سمية ايتضرب فزيرو و نفسيتها غتأزم ... جبد الورقة لي كانت فالضرف و حلها بتردد و كيف قرا نتيجة غمض عينيه بحزن شديييد و نطق بصوت فيه غصة: التحليلة التحليلة ... سمية :مالها شنو كاين ... المختار هز فيها عينيه: سلبية ... سمية بلعات ريقها حيت حلقها نشف: بمعنى ... المختار: ماشي بنتنا ... كيف نطق بهاد الجملة سمية غمضات عينيها حتى طاحو جوج دمعات من عويناتها الخضرين و ناضت طالعة كتزرب غادة لبيتها وهي الله لي عالم بيها ... المختار هز عينيه فغالي لي ملامح وجهو باقين جامدين كيفما هوما: واش درتي شي تنوعيرة فهادشي حيت مدخلش ليا الراسي ... غالي وقف مخنزر و نطق بحدة: كيبان ليا حتى نتا الواليد خصك تبع الطبيب فحال مرتك ... المختار وقف حتى تقابل معاه و نطق بتحذير: كنقسم ليك اغالي و تكون درتي شي حاجة وهادي ماشي نتيجة الأصلية غتندم و عمرك باقي اتشوفها فحياتك ... غالي قرب حتى لحدا وجهو و نطق بفحيح: الى بغيتي تاخدها مني خاصك حتى تقتلني حيت و انا حي بربي لا خداها مني شي قواد ... و عطاه بالضهر خارج من القصر طلع فطوموبيلتو و كسيرا.