مهووس ميساء

part 12

بقات كتشوف فيه شحال حتى ستوعبات بلي هو قريب ليها بزاف و نزلات عينيها لقات راسها جالسة فوق رجليه و هي تخرج عينيها و دوات وهي دايخة: اويلي شنو كندير انا هنا
غالي هز حجبانوا و هو كيشوف حنيكاتها كيف حماروا و حشمات و نطق بنبرة مستهزءة: راك شي ساعة ونتي ناعسة هنا عاد الى كاعما كانت فراسك
ميساء عقدات حجبانها و هي كتبعد منو باغي تمشي المقعد ديالها: هزني هزني رجعني فين كنت
غالي قلب عينيه بملل و هزها بيد وحدة ردها لبلاصتها و هي جامعة يديها عندها و كتحرك رجليها.
ميساء تفكرات شيحاجة و شهقات بخوف و نطقات بنبرة مرتبكة: هااااء ويلي ماما ماما اتقوليا فين كنتي شنو انقوليها
غالي مستغرب من خوفها و نطق بنبرة عادية: قولي ليها كنتي معايا
ميساء خرجات عينيها: واش نتا مريض راه ميمكنش هادشي واش كيحساب ليك حنا منفاتحين فحالكم
غالي عقد حجبانوا و كسيرا بسرعة و ميساء كتولول حداه عصباتوا، قرب البوابة ديال القصر و حلو ليه الباب و هوما حانين راسهم بإحترام دخل بسيارتوا حتى لقدام البوابة الرئيسية و نزل من طوموبيلتوا بعجرفة و هو هاز راسوا السما، ميساء حتا هيا نزلات و هيا حانية راسها و كتفكر فشي كدبة تقولها لماماها.
دخل غالي و توجه الباب و دخل و خلا ميساء واحلة لي غير دخلات لقات خديجة واقفة فباب الكوزينة.
خديجة و هي هازا حجبانها: على سلامتك الالة لبنات
ميساء حانية راسها تفاديا باش ماماها متشوفش الكدمات لي على وجها و نطقات بصوت متوتر: الله يسلمك اماما
خديجة شداتها من دراعها و داتها و جابتها و دوات بنبرة حادة: فين كنتي حتال النصاصة دليل
ميساء دوزات يديها على عنقها و هي كتحاول تفكر شنو غتقول: ماما انا انا (سمعات شي صوت غليض و واثق من موراها)
غالي و هو لابس سروال كيطمة كري نايك و تيشرت بيض و صندالة كحلة نايك و نطق بصوت شجي: كانت معايا
خديجة خرجات عينيها و نطقات بصوت متسائل: ك كيفاش كانت معاك اسيدي مفهمتش
ميساء نقدات الموقف و هي كتخنزر ف غالي بنص عين : لالا اماما مفهمتيش سي غالي بغا يقصد بلي ملي كان جاي لقاني فطريق كنتسنى طاكسي و كاليا اجي نوصلك فطريقي الله يكثر خيروا
غالي طلع حاجب من ديك السي غالي لي كالت و من الكدبة و تشيطين ديالها، خلاهم و دخل الكوزينة باش يشرب الماء.
كيف دخل خديجة جرات معاها ميساء البيت لي فالطبقة الأرضية كيف دخلوا البيت سدات الباب و ضارت عند ميساء وهي مطلعة حاجب و منزلة حاجب و نطقات: ايه نقولو عطلك طاكسي و وصلك السي غالي و هاد الزروقية لي فوجهك منين جات
ميساء حطات يديها على مكان الضربة وهي كتفكر مدازش بزاف حتى نطقات بنبرة متسرعة: اه ضربة اه راه قلت ليك انمشي البحر و ملي مشيت كانوا واحد دراري كيلعبوا كورة و لاحوها و جات ليا فوجهي صافي غير هادشي
خديجة مصغرة عينيها بعدم اقتناع و نطقات بنبرة صارمة: اخر مرة اميساء تعطلي فحال هاكا حنا راه ماشي فدارنا حنا غير فديور الناس لذالك جمعي راسك
ميساء قلبات عينيها بملل: متبقايش كل مرة تفكريني و تقولي حنا فدار الناس
خديجة وهي عاقدة حجبانها: كون تبتي و درتي عقلك كون راه حنى دابا فدارنا معززين مكرمين
ميساء كأفأف: افففف اماما هاد الموال مبغاش يسالي كاع
توجهات الماريو بغات تاخد بيجامة باش تنعس حتى هزات بيجامة قصيرة حد الفخاض و هي تفكر اثر لعصا لي كلات ليوما و هي تهز سروال كيجي لاسق فيه خطوط بالغوز و لفوق ديالو قصير كيجي مغطي غير صدر، دخلات لحمام و حيدات حوايجها باش يبانوا فخاضها لي عليهم اثار تعديبوا لي كيف شافتهم دمعوا عينيها و خدات من البلاكار بوماضا و دهناتها ليهم و لبسات و حويجها و مشطات شعرها و خلاتوا مطلوق على راحتوا و خرجات من الحمام.
كيف خرجات لمحات خديجة كتدهن كريم ليديها و نطقات و هي مخيبة سيفتها بألم: الله ياربي الله ايديا كيف تكرفصوا
قربات ميساء عندها و تحنات باستهم ليها و إبتسامة على وجها: واخا منعرف كيفاش تولي اتبقاي تباني اميرة فعينيا يا احسن و احن ام فادنيا
خديجة عينيها لمعوا من هدرة بنتها لي هي لي كتعطيها امل فالحياة : الله يرضي عليك ابنتي (تكات و تغطات) اجي اجي تنعسي راك فايقة بكري غدا
ميساء يلاه كانت اتدوي و هي تحس بمصارنها كيزغرتوا حطات يديها على كرشها بزعل و نطقات بنبرة طفولية: ماما
خديجة مغمضة عينيها استعدادا لنوم: اممم
ميساء على نفس الشكل: ماما فيا جووووع
خديجة: سيري الكوزينة و خودي شي حاجة من ثلاجة( حلات عينيها و دوات بنبرة تحذيرية) عنداك تروني ليا الدنيا تما راني عرفاك ولا تشعلي عوتاني العافية
ميساء وهي خارجة من البيت: لا متخافيش
خرجات و هي كتمشى فهداك الممر حتى طلعات فالدروج لي كوصلوا لكوزينة كيف دخلات لكوزينة شعلات الضو و توجهات بخطى تابتة الثلاجة و هي كتشهى و كتختار.
غافلة على العينين لي مراقبينها بحب و هيام، هادا كان غالي لي نزل باش يعمر قرعتوا ديال للماء حتى كيشوفها لابسة داك السروال مزير عازل مؤخرتها بطريقة مثيرة.
كانت مركزة و كتفكر شنو تاخد حيت ثلاجة كانت عامرة و فيها اي حاجة طيح ليك على البال حتى كتحس بشي حاجة كدغدها فعنقها و شي حد محاوطها من خصرها بتملك، قفزات و لكن مقدراتش تحرك حيت كان حاكمها ولكن هي قدرات تعرف عليه من ريحتوا لي ولات حافضاها.
ميساء و هي عاقدة حجبانها و كتدوي بهمس: طلق طلق مني دبا يشوفنا شي حد واش نتا حمق
غالي ضورها لعندوا بخفة حتى تقابلو وجوهم و هو عينيه كانوا حمرين و نيفوا حمر و شنايفو حمرين و شعروا طايح على عينيه.
غالي نطق بنبرة حادة مخيفة: خليهم يشوفو انا مكنخاف من تاشي قواد
ميساء توترات من القرب لي بناتهم ولكن حولات متبينش: نتا راه معندك مناش تخاف ولكن انا لي ماما اتقتلني
غالي عقد حجبانوا و نطق بنبرة مجنونة و فحيح افعى و عينيه زادو حماروا: باقي متزادش هادا لي يحط عليك يديه و انا عايش
ميساء عينيها بانت فيهم لمعة ديال الدموع و هي كتفكر ضربوا ليها فهاد النهار: ولكن حتا نتا كتحط عليا يديك شنو غتفسر هادشي اممم
غالي جبد يديه من جيب سروال الكيطمة كانت ملوية عليها فاصمة كبيرة و باينة جرحة غارقة: لا متخافيش كل مرة انضربك غنأدي راسي معاك حيت انا بوحدي لي منحقي هادشي
ميساء عضات على شفايفها و دوات بصوت باح: ولكن علاش هادشي علاش كتأديني و كتأدي راسك
غالي ضحك ضحكة خفيفة حتى تسدوا عينيه:حيت نتي ديالي
ميساء ضحكات ضحكة مستهزءة:  مفهمتش امتى وليت ديالك اوو واش هادشي كيعطيك الحق تعدبني و تعدب راسك (ضربات على راسها) اوو نسيت ولا غير حيت كنشبه ليها
غالي هز يدو سليمة و حطها على شفايفها و جمع حجبانوا ب غضب: توووء حيت نتي ماشي فحالها
ميساء عقدات حجبانها بتسائل: شكون هي
غالي طلق ملامح وجهوا ببرود و نطق بصوت بارد:متسوليش بزاف كل حاجة كتجي فوقتها زوينة
ميساء حولات ترجع لور حتى حسات بيه جرها من خصرها بعنف و لصقها مع صدروا كثر من قبل
غالي بعصبية و نبرة أمِرة: اخر مرة تحاولي تبعدي عليا فهمتي
ميساء حركات راسها بالإيجاب و خوف طاغي عليها ولكن تشجعات و نطقات بصوت خافت طفولي: ولكن راه خاصك طلقني باش ناكل و نمشي نعس غدا قارية
غالي رخف عليها تدريجيا و مشا جلس فسالا مونجي مقابل معاها و هو طالق رجليه و مربع يديه, هي بقات كتشوف فتلاجة تاني حتا طاحت عينيها على واحد الحلوة ديال الشكلاط كبيرة جبداتها و هي عينيها دايبين على الحلوة يلاه هزاتها سمعات غالي دوا بجدية و صوت غليض: كولي شي حاجة عاد كوليها راه غضرك
ميساء بمعارضة: لالا مبغيت حتى حاجة أخرى
يلاه جا ينطق و هي تقاطعوا بنبرة مترجية و طفولية و محلونة هادشي كامل فنفس الوقت تخايلوها 😂: وا عاااافااااك
هو سكت و خلاها دير لي بغات شي لي خلاها تبتاسم بطفولة و تقطع ليها طرف كبييير رجعات الحلوة لتلاجة و جبدات عصير كباتوا فكاس و رجعاتوا يلاه توجهات لكرسي باش تكلس حتى سمعات صوتوا كيعيط ليها بطريقة أمِرة: اجي لهنا
ميساء بتسائل: فين انجي
غالي عقد حجبانوا: قلت ليك اجي
ميساء قلبات عينيها بملل و توجهات لعندوا حتى جرها و جلسها فوق رجليه و ميساء كتنتر و كتحاول تنوض
نطقات و هي عاقدة حجبانها بطفولة: نزلني نزلني انا كاعما مرتاحة هنا
غالي حط صبعوا على فموا و هو مخنزر: شوووووت كولي و سكتي من اليوم هادي بلاصتك غير ولفي عليها
ميساء مغوبشة ولكن كيف داقت ديك الحلوة نسات كلشي و ركزات غير عليها حتى كاع جلخات حالتها و غالي مراقبها بهيام و حب فجئة دارت عندو و هي مجلخة.
ميساء و فمها كولو عامر بشكلاط و كتضحك و موجهة المعلقة لفم غالي: عرفتي زوينة دوق شحال بنينة
غالي من طبعوا مكياكلش اكل غير صحي و ماكلة ديال الزنقة و شكلاط و تخربيق ولكن من عند محبوبتوا مقدرش يرفض و كلا من عندها و هي مرة مرة كدوقوا راه هبيلة هاد البنت عاطيها سلخة ديال الكلاب و دابا كتوكلوا ههههه.
بقات حتى سلات الحلوة و هي عينيها كيلمعوا، بطلتنا بطبعها بريئة و كتفرح بأي حاجة ولو بسيطة يعني متستغربوش من هدشي.
سلات و دارت عندو و هي كتضحك و جناب فمها مجلخين و نطقات بطفولة و ضحيكة على فمها: زوينة هاد الحلوة بقا ديما تقولهم يصايبوها صافي
غالي كان ساهي فشفايفها و حرك راسو بأه قبل ميجرها من مؤخرة راسها لعندوا بقبلة فرنسية كتحمل الكثير من المعاني بالنسبة ليه اما بنسبة ليها هيا طاحت عليها فحال الباطل.
بقا كيبوس فشفايفها بالهفة فحالا اول مرة ايبوس شي بنت حيت هادي ماشي اي بنت هادي محبوبتوا الصغيرة بالطبع ايحس معاها هاكا.
فالوقت لي كان هو مستمتع بهاد القبلة كانت هي كتدفعوا و كتنتر منوا حيت حبس ليها نفس و غير طلقها بدات كتبكي بطفولة
ميساء حاطة و جها بين يديها و كتبكي ببرائة: نتا علاش بستيني حرام عليك انا هاكا كنخون تقت ماما
غالي هز حجبانوا بإستغراب من برائتها المفرطة و نطق بصوت حنين على غير لمعتاد: متبقايش تبكي كل مرة ونتي خاصك غير سبة
ميساء هزات فيه عينيها و هوما مدمعين و حمرين مزادتهم غير جادبية: لا نتا راك بستيني حشومة عليك متبقاش ديرلي هاكا
غالي بالصدمة و حاول يبدل لموضوع محاولة منو يهدنها: صافي براكة من البكاء و نوضي تنعسي راك غدا قارية
ميساء خرجات عينيها وهي كتنخصص: وييلي راه معنديش شكارة و الأداوات
غالي وقف و وقفها معاه: غدا ملي اتفيقي اتلقايهم فبيتك
ميساء حركات راسها بالإيجاب و تمشات من قدامو و نطقات بصوت انثوي رقيق: تصبح على خير
غير خرجات ميساء غالي ضرب على راسو و نطق بنبرة مهووسة: فاااك البرهوشة دخلات لدماغي
تنهد و خرج من الكوزينة متوجه لبيتوا فالوقت لي كانت ميساء وصلات لبيتها هي و خديجة و سدات الباب متكية عليه للحضة ضحكات ضحكة خفيفة ولكن حسات على راسها و جمعاتها بسرعة
ميساء و هي تضرب فراسها و متوجهة لسرير و كتدوي فخاطرها: فيقي اميساء شهادشي كيطرا ليك
دخلات لفراشها و تغطات و هي كتعاود كاع المشاهد لي دازو عليها هاد النهار حتى وصلات البوسة و هي تخشي راسها فالمخدة حشمانة من راسها فحالا كيشوفها شيحد.....

يتبع..
تصبحوا على خير كبيدات ❤️❤️❤️