كانت خديجة ساهية و كتشوف من زاج ديال الطوموبيل و ميساء مكمشة فيها و ناعسة بطفولة, وقفات الطوموبيل و نزل الكارد متوجه باش يحل الباب لخديجة و ميساء.
كيف حل الباب خديجة فاقت من سهوتها و هزات عينيها فالكارد بصدمة من هاد المعاملة لمبالغ فيها و هي غير خدامة عادية من خدم القصر.
دورات عينيها اتجاه ميساء لقاتها متكية عليها و ناعسة حالا فمها كاعما مسوقة.
خديجة حطات يديها على كتافها و دوات بهمس:ميساء فيقي ميساء فيقي راه وصلنا
بعد عدة محولات فاقت ميساء كتحك فعينيها و نطقات بصوت مبحوح بنعاس: فين حنا
خديجة تنهدات تنهيدة طويلة : يلاه نزلوا و تعرفي
نزلات ميساء و هي خدودها حومر بنعاس و كتبان كيوت و غير نزلات حسات بالبانضة مزيرة على شعرها داكشي لي خلاها طلقوا حتى جا مسبسب على ضهرها طويل و رطب هادشي داز على انضار غالي لي كان فالبالكون لابس غير شورط نايك و صندالة نايك و من الفوق عريان مخلي جسموا المثالي عامر وشام يبان و شاد فيديه كاروا و كيكمي عينيه معسلين و نايمين.
ميساء دورات عينيها على القصر و هزات عينيها الفوق لقاتوا كالس برجولة و بطريقة جدابة فور مجات عينيها فعينيه حسات بنضراتوا كيختارقوها داكشي لي خلاها تنزل عينيها دغية و تبع ماماها.
كيف دخلات خديجة لقات ابتسام كتسناها بإبتسامة: ختي خديجة على سلامتك
خديجة بملامح مرهقة :الله يسلمك ابنتي
ابتسام بتوثر: احم احم ختي خديجة راه سي غالي كيتسناكم لفوق
خديجة طاح ليها الما فركابي : سي غالي ( اشارت لراسها و ميساء) كيتسنانا حنا
ابتسام هزات راسها : اه هادو تعليمات لي جاونا
خديجة دارت عند ميساء و صغرات عينيها: عنداك تكوني فاش جيتي قبيلا درتي شي حاجة معجباتوش و دبا جابنا باش يحاسبنا
ميساء خرجات عينيها و نفات براسها: لا والله مدرت ليه شي حاجة
خديجة تالفة: اففف ياربي تلطف (شافت ف ميساء) يلاه نمشيو عندوا منخليوهش يستنا
طلعوا و وصلوا لطبقة لي فيها بيتوا وقفوا قدام الباب لي كان اسود و عليه نقوش فضية بالذهب و فالأعلى مكتوبة سميتو بخط مزخرف.
دقات خديجة دقات خفاف حتى سمعات دخل بصوت غليض و ثقيل.
خديجة تنهدات بخوف حيت معرفاش علاش طلبها و دارت عند ميساء: عنداك ديري شي حاجة قداموا
ميساء ببكاء مصطنع : الله اربي الله ولا اماما صافي
حلات خديجة الباب بهدوء و ميساء موراها كضور عينيها فحجم البيت و فخامتوا.
كيف دخلوا شافوه كالس نفس الكلسة فالبالكون و كيف حس بيهم دخلو وقف و تمشا تيجاهم، ميساء مقدراتش تهز راسها ولكن عرفاتوا قرب ملي شمات ريحتوا رجولية الفاخرة و زادت تخبات من مورا ماماها فحال القطة و غالي كيشوف ف حراكاتها من تحت عينيه.
وقف قدام خديجة و خديجة اخيرا قدرات تجمع جملة مفيدة تقولها ليه : سيدي قالت ليا ابتسام بغيتينا و سيفطي لينا حتى الشيفور نقدر نعرف فاش بغيتينا
غالي نطق بدون مبالاة: لا مبغيتكوم فوالو
خديجة بملامح مصدومة من برودة هاد الإنسان
غالي كمل هدرتوا بثقة ملموسة: ولكن من اليوم اتوليو تسكنوا فالقصر
خديجة خرجات عينيها بصدمة و نطقات بتلعثم: ولكن اسيدي..
قاطعها فنص هدرتها و هو هاز حاجبوا: ما كاين ما ولكن على حد علمي داركم تحرقات و معندكم فين تمشيو اولا
خديجة زادت صدمة على صدمة جاتها عجب منين عرف الدار تحرقات معرفاش بلي مكلف رجال يراقبوا بنتها خخخخخخ
خديجة تصدمات ولكن بالنسبة ليها عرض مغري حيت جاها فأمس الحاجة و هي باغا فين تسكن مفكرات لوالو و نطقات بالجملة لي صدمات ميساء: شكرا بزااااف اسيدي انا ممتنة ليك على هاد الخير لي غدير فينا
و اخييرا لالة ميساء نطقات بعد صمت دام طويلا : ولكن اماما انا مبغيتش و هنا راه بعيد على مدراستي
قبل متدوي خديجة قاطعها غالي و هو مخنزر : شيفور ايبدا يوصلك كل الصباح كنضن مبقاش عندك شي عذر مقنع
ميساء ضسرات و مبقاتش فيها الخلعة صعيبة غير البداية: لا عندي (قاطعاتها خديجة بقرصة ففخادها العريانين ) ايييي
خديجة خرجات عينيها ف ميساء و دارت عند غالي كتبرر ليه : مديش عليها اسيدي راه صغيرة بالعكس شكرا بزاف
غالي حرك راسو بتفهم : ماشي مشكل و تقدروا تمشيو
دارت خديجة و تبعاتها ميساء و هو بقا متبع العين لميساء حتى سدات الباب.
غير خرجات نطق بإستهزاء: هاد البرهوشة مزال خاصها تربا
غير نطق بهادشي و توجه الدوش باش ياخد دوش و ينعس..نخليو هاد البوكوص يدوش و نخرجوا عند خديجة و ميساء لي غير خرجوا ميساء بدات كتنكر
ميساء هازا حجبانها و كتدوي : علاش وافقتي انا ماباغاش نسكن هنا
خديجة دارت فيها: كون تبتي و طفيتي البوطة قبل متخرجي كون كاعما تحرقات الدار و جينا سكنا هنا يعني السبب لول و اللخر فهدشي فهو نتي
ميساء سكتات و بقات كضور فعينيها حيت ماماها عندها الحق.
مشاو و نزلوا فالمصعد حتى الطابق الأرضي الخاص بالخدم فور متحل المصعد خرجوا و توجهات خديجة لغرفة المخصصة ليها فين كانت كتبدل و كتحط حوايجها ديال الخدمة.
وصلات و حلات الباب و دخلات كانت غرفة عادية ولكن نقية كيتوسطها سرير ديال جوج دناس و ماريو صغير و حمام و الأساسيات الأخرى لي كتكون فكل غرفة.
ميساء بقات كدور و تبركك حتى وصلات الماريو و حلاتوا لقات فيه بزاف ديال الحوايج زوينين و كتبان فيهوم غالين
ميساء بتساؤل: ماما شوفي شحال ديال الحوايج كاينين ديالمن ايكونو
خديجة هزات عينيها فالماريو : ايكونوا ديال شي وحدة فالبنات
ميساء بنفي: لا اماما مكنضنش هادو راه الى جمعناهم انلقاوهم نفس الثمن ديال دارنا القديمة و راه باقين جداد
خديجة ممسوقاش باغا غير تنعس حيت عيات و داز عليها النهار طويل بزاف: ماشي سوقنا اميساء اجي تنعسي
ميساء متوجهة الحمام: واخا اماما انا جاية
دخلات الحمام قدات حاجتها و خرجات لبسات بيجامة من هادوك لي لقات كانت بياسة وحدة حد الفخاد و جات نعسات حدا ماماها و ستسلمات لنوم....
يتبع...
و اخيرا سالا النهار لي كان مليئ بالمشاكل و صعوبات... أرائكم كيهموني
YOU ARE READING
مهووس ميساء
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
