كانت ناعسة مغمضة عويناتها وجها البيض فيه كدمات زرقين و منفوخين و زيادة على ذلك كتبان شاحبة، شعرها الزعر طايح على جبهتها كتبان فاتنة رغم هادشي كامل و فنفس الغرفة كانت ابتسام كالسة مقابلة معاها كتشوف فيها بحزن وهي مرة مرة عويناتها كيعمرو دموع و كتمسح دموعها.
حسات بالڤيبرور فصدرها ديال التيليفون جبداتو بحكم كانت خاشياه فصدرها شافت شكون لقاتها ماجدة لي كتصوني ناضت بشوية خارجة من الغرفة سادة الباب و جوبات ناطقة بصوتها التعبان بحكم منعسات ما كلات: الو ... ماجدة بخوف: فينك اصاحبتي فقت انا و اية ملقيتكمش لقيت تواب فايقة و كتسول ف ميساء ملقيت منكول ليها ... ابتسام تنهدات بحزن: ميساء فسبيطار ... ماجدة بصدمة: اوييلييي على سبيطار شنو طرا واش نجي عندكم ... ابتسام: لا اصاحبتي غير بقاي مع تواب متخليهاش بوحدها ... ماجدة: شنو طرا ليها ... ابتسام: ضربها غالي و كانت حاملة و طاح ليها البيبي ... ماجدة طاحو دموعها بحصرة: الله على ختي الله باقا صغيرة ما شافت متشوفات ... ابتسام: اوا هادشي لي عطا الله هادشي مكتاب ... ماجدة: الى كانت شي خبار قوليها ليا ... ابتسام: واخا يلاه بسلامة ... ماجدة: بسلامة ... يلاه قطعات و هي تلمح المختار و سمية جايين كانو فالاستقبال خلصو و المختار دا سمية تاكل بزز منها واخا مبغاتش ... سمية بلهفة: كيف بقات واش فاقت ... ابتسام حركات راسها بنفي: لا باقا كيفما هي ... سمية شافت فالمختار: يلاه ندخلو ... للمختار باس راسها: غير دخلو نتوما انا غنتبعكم ... حركات سمية راسها بالإيجاب و دخلو و كيف دخلو لقاو ميساء مخيبة سيفتها كتستاعد باش تفيق ابتسام وساعت ابتسامتها و نطقات بحماس: غتفيق غتفيق ... مشاو كيجريو حداها شادين ليها فيديها وهي حلات عويناتها الخضرين القتالين كضورهم على البيت وهي معرفاش فين كاينة الرؤية موضحاش و مضببة بنسبة ليها... يلاه بغات تهضر وهي تحس بريقها ناشف بزاف مقدراش تهضر سمية فهماتها و مشات الكوافوز حداها عمرات ليها الكاس بالما و ابتسام علات لميساء شوية راسها باش تشرب و سمية عطاتها تشرب حتى شبعات و ضورات راسها لجنب بمعنى صافي ، قادات ليها إبتسام المخدة و نطقات بحنان: واش مرتاحة ... ميساء و اخيرا نطقات بزز و صوتها مبحوح بحكم شحال و هي ناعسة: فين انا ... سمية كتقيس ليها شعرها بحنان: رتاحي ابنتي راك مريضة .
برا كان المختار كيهدر فتيليفون: كيفما سمعتي ... طه بعصبية: تخورتو فعقلكم عوتاني ... المختار: شوف الكيدار راه شرحنا ليك و كلنا ليك المربية طلاقينا معاها و عتارفات بلي ميساء بنتنا و دابا يا غتيق يا غتقود تبعد مني يلاه رول ... قطع عليه قبل ميجاوب و ضار متوجه الغرفة ديال ميساء.
يتبع...❤️
YOU ARE READING
مهووس ميساء
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
