تشجعو و تقدمو بخطواتهم كيتمشاو بطريقة انثوية حتى وصلو الباب يلاه بغاو يدخلو وهو يوقفهم الكارد: فين غاديين ... ابتسام رجعات شعر ورا ودنيها: صاحبتي عندها عيد ميلاد هنا ... لكارد كيطلعهم و ينزلهم غياكلهم بعينيه: شنو سميت صاحبتك ... ابتسام: ندى... الكارد فتح ليها الطريق بمعنى دخلي دخلو و ميساء شادة فيها لاسقة عليها عمرها شافت فحال هاد البلايص كتحس بالخلعة و احساس فالداخل ديالها ممهنيهاش ولكن مبغاتش تخلع معاها إبتسام و تنكدها عليها ... دخلو و مع دخلة كانو دروج كوحل مضلمين كيبان فيهم غير داك الضوء الزرق ... طلعو و هوما طالعين كتوضاح ليهم الرؤية و كيشوفو تما دنيا مخلطة ها لي طالعة كتشطح هالي كتغني و غير العرا ديال بصح لدرجة كيبانو ملابسينش نهائيا و شي وحدين دخلو المسكي كاع كالسين خدامين على جنس خلاصة القول هديك البلاصة مستنقع ديال الدعارة و الرذيلة ... ابتسام نطقات مصدومة: اويلي فين حنا ... يلاه بغات تنطق ميساء و هي تشوف واحد البنت متقدمة عندهم كانت زوينة و لابسة كسوة حمراء سارخة و نطقات بنبرة محلونة: ابتسام حبي ... ابتسام تصدمات من شكل صاحبتها لي تبدل بزاااااف كانت خدمات معاها فواحد الدار ملي كانت ابتسام كدير الميناج غير لنهار ولكن هي كتعقل مكانتش هاكا نهائيا لداكشي علاش قبلات دعوتها ملي عيطات ليها و قالت ليها انا عارضاك اما كون عرفاتها ولات هاكا متجيش كاع ... ابتسام خبات صدمتها باش متبين ليها والو و نطقات مبتاسمة: ندى كيدايرة لاباس عليك ... سلمو على بعضياتهم و ندى جاوباتها بنفس الطريقة ديال الهضرة: صاڤا حوبي ونتي كيدايرة لاباس عليك ... ابتسام: الحمدالله... ندى لاحضات ميساء لي كانت مخشية فإبتسام و كتضور عويناتها الخضرين: شكون هاد الفنة لي معاك ... ابتسام: هادي ختي ميساء ... ندى طارت على ميساء كتبوس فيها: غزالة مشاء الله... ميساء بتاسمات ليها: حتى نتي احبيبة ... ندى: يلاه دخلو متبقاوش فالباب ... تمشات قدامهم كتمشى بإغراء و طرمتها كطلع و كتنزل و لي داز كتسلم عليه و ضحك معاه باينة معروفة فديك البلاصة ... بقات ندى غادا و البنات غاديين موراها حتى وصلو لواحد الطابلة عامرة بالبنات و الدراري لي أشكالهم لا تبشر بالخير ... البنات معريات كتر ما مغطيات غير الكساوي ديال الحجر و داكشي اوڤر و الحجبان كحليييييين غلاض و المكياج سارخ اما دراري كانو كلهم مشرملين ولكن دوك المشرملين لي لاباس عليهم شوية ماشي هادوك الميتين كاع ... وقفات ندى و أشارت بيديها لميساء و ابتسام لي كانو هوما لي منوريين داك البار بجمالهم: نقدم ليكم ابتسام صاحبتي و ميساء ختها ... كلشي هز فيهم عينيه و ماشي كلشي كانت عندو نفس النضرة كانت نضرة حاقدة من طرف البنات و نضرة اعجاب من طرف الدراري لي بغاو ياكلوهوم و ميساء غير كتخبا مورا ابتسام قلبها غيسكت ... ندى بترحيب: كلسو مرحبا بيكم و حيدو لمونطوات باش ترتاحو كتر... ابتسام: لالا مرتاحين هاكا ... ندى: على خاطركم غير كلسو ... جرات ابتسام ميساء و كلسو فواحد الفوطوي لقاوه خاوي تما و كيحسو براسهم مضغوطين سيرتو نضرات كلهم عليهم ... كيف كلسو ميساء هضرات فودن ابتسام بحكم خدمو الموسيقى مجهدة: شهاد البلاصة اصاحبتي شوفي بنادم كيداير... ابتسام هضرات فودن ميساء: نديرو معاها صواب و نوضو نقودو فحالنا ... حركات ميساء راسها زعما واخا حتى كتحس بشي حد كلس حداها و نطق قريب من ودنيها: مشيشة صافا ... دورات راسها بالعرض البطئ كان واحد خونا سمر شويا و عندو غير موسطاج و قادومة و لابس لاكوست كحلة و كوبرا كحلة ... ابتسام طلات عليه هازا حاجبها و نطقات بصوت عالي بحكم الموسيقى: منخافوش ... دري نطق مبتاسم: راه نخافو من هاد الزين لي فيكم ... ميساء عقدات حجبانها و نطقات بحدة: نوض قود قبل متشوف زين علاش قاد ... دري: هانا غادي و نتي امشيشة بيناتنا هضرة طويلة ... قلبات ميساء عينيها بملل و بقاو كالسين على اعصابهم حتى جات ندى عوتاني كترحب بناس و تهضر و تغوت و ضحك وصلات عند ميساء و ابتسام: شنو تشربو ابوكوصات ... ابتسام: زوج موخيطو صون الكول ... ندى بصوت مرتافع باش يسمعوها: مرحبا... يلاه بغات تمشي و هي تنطق بنت من نفس طابلة لي كالسين فيها ناطقة بصوت عالي جدا:ندى شي موخيطو ألكول يتوووب عليك ... ندى بنبرة مقحبنة: نوضو القحاب تسخرو على كركم نبقا خدامة عليكم انا ... و مشات عطياهم بالضهر كتمشى و رجعات بعد عشرة دقائق تقريبا هازا الصينية ديال الكيسان بيد و تيليفون بيد كتهضر بصوت مرتافع بحكم الموسيقى ... حطات صينية فوق طابلة و هزات كاس حطاتو قدام ابتسام: الو اااالوووو كتسمعني الووووو ... و عطاتهم بالضهر خارجة تكمل هضرتها فتيليفون ... ميساء هزات كاس من ديك الصينية و رشفات منو رشفة عجبها جاها حلو غير فيه شوية ديال المرورة جاها فحال والماس ... بقات تشرب تشرب حتى نزلات عليه كامل اما ابتسام باقا كتشرب بشوية بشوية و عطياها لتبركيك مرة مرة تقول لميساء شوفي هدا شوفي هديك... ميساء ولات كتحس بالأرض كضور عليها و راسها تقال و جاتها دوخة بقات مدة وهي على داك الحال حتى حسات براسها مزيان ولكن كتحس بلي عندها واحد طاقة غرييييبة الادرينالين تفزع السما ... سمعاتهم خدمو واحد الديسك ديال الواي واي حيدات المونطو و ناضت كتمايل برجليها طايرة من حدا ابتسام لي كتعيط ليها ... بقات غادا حتى وصلات لحلبة الرقص و طلعات كتشطح بمؤخرتها و تغني بصوت تقيييل انثوي: قلبي مبغاش كاع يكرهك شحال عندك دراهم منردك قلبييييي خصاااااه مووووولاه ... محسات غير ابتسام كتجرها من الكسوة: هبطي ازبلة نمشيو فحالنا ... ميساء كتجر كسوتها عاقدة ححبانها: طلقيني خليني نشط سيري فحالك ... ابتسام شافت بلي مغتبغيش تهبط ليها وهي ترجع لبلاصتها كالسة على اعصابها ندمات علاش جابتها ... دنيا غادة و كتعمر و ماحد الوقت كيتعطل ماحد بنادم كيعمر البلاصة ... ميساء بدات كتغبر بين الناس بقوة ما دنيا عمرات و كل مرة تجي لعندها ابتسام تجرها و تدوي معاها و والو كتبغي تجرها بزز وهي واااالو كتبدا تمرغ فالأرض و كطلقها و ترجع لبلاصتها تبقى حضياها... كانت كتويركي على اغنية برازيلية و الانضار كاملين عليه و كاين لي كيتجرأ و كيقرب لمؤخرتها يقيسها ... سالات الاغنية و ابتسام مبقاتش لمحات ميساء بقات كتقلب براسها و ناضت كتقلب عليها بين ناس... اما ميساء كانت مجرورة من يديها بيد صلبة و حرشة وهي كتنطق بصوت سكران: طلقني ازامل طلقني خليني نمشي نشطح طلقني شبغيتي ... هو كان جارها بين يديه صلبة للحضة وقف و نطق بصوتو المشرمل: شوووت المشيشة غيعجبك الحال ... ميساء حطات ابهامها على فمو لي غادي الازرق بالكارو و نطقات بهمس: شووووت هضر بشوية الى سمعنا راجلي غيقتلنا بجوج هو قبيح ... ضحك عماد جنب و جرها من يديه ناطق بمزاح: وا سكرة مقودة سكرتي... عماد هو نفسو الولد لي كلس حدا ميساء و قمعاتو كان غادي يشرب شي حاجة و بانت ليه كتشطح عرفها سكرانة و بغا يستاغل الفرصة وهو يجرها من يديها نزل بيها فواحد الدروج و دخلو فواحد الممر عامر بالبيبان و على مكيبان بلي هادوك غرف ... بقا غادي حتى وصل بيها لواحد الغرفة تما جبد الكارط حطها فواحد اللعيبة وهو يتحل الباب و جرها مدخلها و هي كتنتر و تهرنن: طلقني اهئ اهئ فين جبتيني ... عماد كيقرب ليها و عينيه فحال تعلب مفتارسينها بمكر: متخافيش ازين انعجبك اتولي تكولي ليا زيدني....
يتبع....❤️❤️❤️
YOU ARE READING
مهووس ميساء
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
