مهووس ميساء

part 46

غالي داز كلشي تحت انضارو الشي لي خلاه يزير على يديه حتى دم تقطع فيها و هو مخنزر ... سمية زيرات على ديك الزغبة بين يديها و هزات عينيها فغالي لي كان كيرمقها بنضرات تاقبة و نطقات بتلعثم: بسلامة اولدي ... وخرجات بخطوات سريعة و المختار خرج من موراها.

ميساء يلاه هزات راسها حتى كتلمح عطاء جايا كتلوا فالمشية و كيف شافتها تفكرات المنضر لي شافت صباح و خيبات سيفتها بإشمئزاز ... وقفات عليهم عطاء وهي لابسة صاية قصيييرة بزاف و طوب قصير و طالون فرجليها و شعرها الأشقر طالقاه ... دورات عينيها تجاه غالي لي كانت عينو متحيداتش من على ميساء و نطقات بنبرة محلونة: غالي صاڤا ... غالي قلب عينيه لعندها طلعها و هبطها بدون ميعير ليها حتى اهتمام و جر ميساء من يديها و توجه السانسور متجاهلها فحالا مكيناش كاااع ... عينيها دمعو مرضاااااتش و تكلمات بنبرة حاقدة: اتندم على هدشي لي كدير فيا تيق بيا اغالي (ضربات رجليها مع الأرض بفقسة و خرجات كتزرب فالمشية طلبات الكارد يجيب ليها طوموبيلتها طلعات فيها و كسيرات بسرعة).

كانت واقفة حانية راسها و كتفرك فيديها وهو كيرمقها بهوس و هو متكي على المراية ديال السانسور ... كيف تحل الباب يلاه بغات تخرج حتى جرها من يديها بعنف حتى تضربات من صدرو الفلادي العريض ... هزات فيه عويناتها الخضرين ببرائة و هو كيشوف فيها بعينيه حمرين فحال الجمر و وجهو حمر كيبان انورمال من الطيارة بطبيعة لحال حيت مدروكي ... بدون سابق انضار خشا راسو فعنقها كيشمشم عبقها الطفولي الساحر و نطق بصوت تقيييل مبحوح: توحشتك ... ميساء ميلات عنقها حيت لحيتو كتهرها ... هز فيها راسو و خشا يدو فالفروة ديال شعرها و جرها لعندو حتى دخل معاها فقبلة فرنسية بإمتياز ... ميساء خرجات عينيها وهي كتحس بشفايفو سخان فوق شفايفها حسات بالفراشات فكريشتها ... غالي بقا نازل مع ضهرها حتى وصل لمؤخرتها الكبيرة المضورة و بدا كيعجن فيها للحضة شحطها ليها بعنف حتى تأوهات ففمو بألم ... بقا كيبوس فيها بشوق كبير حتى حس بيها اتسخف بين يديه عضها فشنافتها التحتانية حتى حس بمذاق الدم ففمو و فصل القبلة و نطق و هو كيشوف ليها فعينيها: معندكش السوفل والو ... ميساء ميلات شفايفها بطفولة وهي كتحس بيهم كيوزوزو: ضريتيني بزاف هئ هئ شوية و كنتي اتاكلهم ليا ... غالي ميل راسو وهو كيشوف فيها بعيون نائمة: شناهوما اممم ... ميساء خدودها تحقنو بالدم و نطقات بخجل: طلقني بغيت نمشي ... غالي عبز ليها حناكها بواحد لالة مولاتي البوسة و نطق و هو ضاحك كيبانو سنانو بيضين و مستفين و عندو غمازة فخدو ليمن: و الى مبغيتش ... ميساء رمقاتو بشر و وقفات على صبيعات رجليها حتى وصلات للحيمة ديال ودنو و حلات فمها الصغيور عاضاه من ودنو وهي غارسة فيه نيابها الصغيورين لي أشبه بأنياب القطة ... غالي خيب سيفتو و هو كيحس بيها اتقطع ليه ودنيه: طلقي لمك طلقي ... ميساء عاد مزادت فلعضة ... وهو سرفقها لترمتها و نطق بألم: و طلقي الخرا راه اتديها معاك ففمك ... طلقاتها ميساء و كتحك فمؤخرتها بألم و خرجات ليه لسانها و مشات كتجري البيت مخلياه مفركع بالضحك من موراها و هو كيرمقها غادة كتجري و شعرها الحريري كيتحرك معاها ...بقا كيضحك حتى حس بتنفسو شي ف شي مبقاش منتاضم تجاهل الأمر و تبعها بخطواتو المعهودة و هو كيحس براسو ماشي هو هاداك فيه الدوخة و عينيه كيتسدو غير بحدهم ... دخل البيت و لقاها واقفة كتدهن كريم ليدياتها ... كيف دخل حيد شوميز بالسرعة وهو كيحس بتنفسو بدا كينقس صدرو العريض الموشوم كيطلع و كينزل و تنفسو كيتسمع فالبيت كامل ... ميساء ضورات عينيها لجيهتو و قربات تجاهو بقلق وهي شادة ليه فدراعو: واش نتا بيخير ... غالي هز فيها عينيه فحال النقطة ديال الدم و نطق و الهدرة كتخرج ليه بزز: خرجي كح كح كح كح كح (بدا كيكحب بقوة وهو شاد على صدرو للحضة طاح على ركابيه و هو كيحاول يتحكم فراسو باش ميغيبش)خرجي تقودي كح كح كح ... ميساء دمعو عينيها و كلسات هي الاخرى علي ركابيها مقابلة معاه: غالي مالك ... غالي شاف فيها بوجهو مزير: قلت ليك خرجي فحالك ... ميساء خرجات عينيها بصدمة و هي كتكلم بخوف: واش فيك الضيقة ... غالي تكلم بنرفزة حيت كيبدل مجهود كبير باش ميفقدش وعيو حيت تقريبا الهواء مبقاش كيزور الرأتين ديالو: كح كح كح كح فيا القلاوي ... ميساء ناضت كتزرب و هي كتقلب فالمجورة واحد بواحد و كترون حتى لقات الڤونطولين و رجعات عندو كتجري كلسات على ركابيها و حلات ليه فمو و بخات مرة و جوج و ثلاثة حتى نتاضم تنفسو و شوية بشوية بدا كيرجع لطبيعتو ... ميساء يلاه شدات ليه فدراعو باش تعاونو يوقف وهو يدفعها حتى طاحت و نطق بنبرة حادة: خرجي تقودي ... ميساء طاحت الأرض حتى يديها تلوات ليها و ضراتها و نطقات و الغصة واحلة فحلقها: مفهمتش انا شنو درت ... غالي جرها من دراعها بعنف و لاحها قدام الباب حتى كانت غطيح و خبط الباب حتى قفزات....

يتبع ❤️ متنساوش نجيمة ازينات ديالي ❤️