مهووس ميساء

part 10

كسيرا بجهد حتا ميساء كانت غطيح من الكوسان كون مشداتش فيد غالي و غرسات فيها ضفارها.
دوا غالي بصوت بارد عكس البركان لي فالداخل ديالو: ديري الصمطة
ميساء بقات مضاربة معاها و هي يديها كيترعدوا فلخر ستسلمات و دوات بصوت باكي و ضعيف: ا انا هئ هئ معرفتش كيفاش انديرها
غالي بقا كيشوف فالطريق و هو مركز شوية دار عندها و قرب قاد ليها الصمطة و رجع كيصوك بهدوء رهيب.
ميساء سكتات من البكا بقاو غير شي شهقات كيخرجوا ليها مرة مرة خايفة و معرفاش مناش و كتحس براسها ممرتحاش.
بقا غالي كيصوك لمدة حتى خرج على المدينة و توجه لطريق خاوية فيها الخلاوات ولكن وسط داك الخلة كانت بتي فيلة لونها الخارجي اسود و كتبان فخمة.
كيف وصل قدام الباب الخارجي تحل أوتوماتيكياً و دخل بسيارتوا حتى لقدام الباب رئيسي الفيلة و وقف.
نزل و دار اتجاه ميساء حل ليها الباب و جرها موراه بسرعة وهي كتجري و كتعتر حيت هو خطواتوا ضخمة.
دخل بيها وسط الفيلا لي كانت عصرية و أتاتها كلو فلون الأسود و الرمادي كانت فخمة بزاااف.
طلعها فدروج حتى وصل بيها لبيتوا لي فالطبقة الثانية، حل الباب و دخل باش تبان غرفة غاية فالروعة انيقة و كلاس بزاااف حتا هيا سوداء و كبيرة.
لاح ميساء فالأرض حتى طاحت راكعة و دوا ببرود قاتل: حيدي حوايجك
ميساء خرجات عينيها و بدات كترجع لور و دوات بصوت مخنوق بحكم بكات بزاف: كيفاش مفهمتش شنو كتقول نتا
غالي بنفاد صبر و هو وجهوا حمر بالأعصاب: حيديهم ولا انحيدهم ليك بطريقتي
ميساء كتحاول تستلطفوا و كتشوف فيه بعويناتها كيبريو: عافاك خليني نمشي انا مدرت ليك والو ماما اتخاف عليا
غالي و هو كيحيد السمطة دسروالو و مميل راسو فيها بطريقة مجنونة : يااااك حتال دابة عاد خاصك تمشي و ماماك اتخاف عليك (هز الصمطة حتال السما و نزل عليها بالبزيم لفخاضها بحكم الصاية طلعات ليها و دوا بصوت عالي غليض كيخلع) وفاش كانو كيتزلو عليك الزوامل مكنتيش ديك ساعة باغا تمشي حيت مك اتخاف عليك
ميساء حسات بضوء ضربها و غوتات لربي لي خلقها و هي كتبكي: بعد مني عافاك انا مدرت لك والو
غالي هز صمطة عوتاني و شحطها: لا درتي و درتي بزاف و خاصك ترباي
ميساء مبقاتش كتحس ب فخاضها و جاتها سخفة بالبكا و العصا تكات على الحيط و غمضات عينيها فاقدة الوعي.
هو غير شافها هكاك هزها و حطها فوق السرير و باس راسها بوسة مطولة فحال ماشي هو لي كان كيضرب فيها دبا فحال شي وحش.
خلاها فوق السرير و عطاها بالضهر كيحيد فتيشرت ديالو باش يبان ضهروا العريض عاامر وشام.
دخل الحمام كيطرطق عنقوا و خدا ليه دوش خفيف لوا عليه فوطة و خرج شعروا طايح على عينيه و فمو حميمر.
كيف خرج لقاها خاشية راسها بين فخاضها و كتبكي تنهد و عقد حجبانوا و مشا كلس و هزها بخفة حطها فوق رجليه و هو كيمسح ليها على شعرها كتبان صغييورة حداه و هادي حاجة طبيعية حيت هو راه مضوبل عمرها جوج ديال المرات.
غالي بصوت هادئ مايل الهمس: شووووت براكة من البكا طيبتي عينيك
ميساء هزات فيه راسها و هي مخنزرة حنيكاتها مزنكين و عينيها حمرين شفارها ملاسقين و فمها فازك بدموع
نطقات ميساء بصوت ضعيف و خائف: نتا نتا مريض مستحيل تكون طبيعي
غالي تجاهل كلامها و هزها حطها فوق السرير و دخل الحمام مرة خرى، خرج و هو هاز علبة الإسعافات.
كلس حداها و مد يديه بغا يطلع ليها الصاية وهي تحبسوا بيديها و عينيها خارجين بصدمة و نطقات: ش شنو كدير نتا
غالي غمض عينيه محاولة منوا باش يتحكم فأعصابوا و ميتعصبش عليها: حيدي يديك
ميساء يلاه بغات تدوي قاطعها بصوت غليض خلاها تجر يديها دغيا: ميساااء
حيدات يديها و طلع ليها الصاية حتى بانوا فخيضاتها بيضين عليهم أثار زروقية شاف فيهم المدة و جبد بوماضة مضاضة الزروقية و بدا كيدهنها ليها بهدوء و تركيز و بشوية لي شافوا ميقولش هادا هو السبب فهاديك الزروقية.
كمل و ناض دخل لدريسينك دازت شي خمسة دقائق حتى خرج لابس سروال جينز و شوميز بيضة نص كم مخلي صديفاتها لولين محلولين باش يبان صدروا الفلادي و الوشامات لي فكل بلاصة.
وقف قدام المراية و هو كيطلع شعروا من على عينيه و ميساء مراقباه و هي عاقدة حجبانها، هو شاف فيها شحال من لمراية و نطق بحدة: مالنا
ميساء كانت خاصاها السبة عوجات فمها و بدات تغبن: هئ هئ شوف كيفاش خصرتي ليا فخادي و الصيف جاي و انا كنبغي نمشي البحر دبا راك شوهتيني صافي
غالي هز فيها حجبانوا: اهاه نتي الألة ناوية تعريهم فهاد الصيف
ميساء و هي باقا كتبكي هزات فيه عينيها مدمعين و حمرين: اه ع (قاطعها قبل متكمل)
غالي عاقد حجبانوا و عينيه حماروا: كنقسم ليك بالله لي فوق مني و منك و نلقاك المرة جاية لابسة شي حاجة ماشي هي هاديك ولا واقفة ليا مع شي زامل انقتلك فهمتي راني مريض فكري متلعبيش معايا اميساء و من اليوم اديري لي بغيت انا و اتمشي على أوامري
ميساء جمعات حجبانها بقلق : ولكن شكون نتا باش تحكم فيا (زعمات و قربات ليها و هزات سبابتها و ضرباتوا بيها لكتفوا) شكوون نتا و بأشمن حق داخل لحياتي و كتحكم فلبسي و خروجي و عاد زايدها ضارب الدري اييييييي
غوتات و هي كتحس بجلدة راسها غطير على إثر الجرة القوية لي جرها من شعرها و غوت فوجهها و عينيه الرماديين ولاو حمرين: بقا فيك امممم جوبي القحبة
ميساء كتنتر منو و كتدوي بصوت مبحوح: بزاف عليك حتى قحبة طلق طلق مني الزامل
غالي كيف نطقات بهادشي ضربها بتصرفيقة و زادها وحدة اخرى بيدو مقلوبة و دوا بصوت مرتافع: اخر مرة صوتك يعلى على صوتي فهمتي البرهوشة
ميساء حطات ديها و خشات راسها و سط يديها كتبكي
غالي بصوت أعلى من اللول: واااااش تفاهمنا
ميساء قفزات و حركات راسها بالإيجاب بالزربة و هي كتموت بالبكا
غالي دوا بصوت هادئ فحالا ماشي هو لي كان كيغوت و كيضرب فيها دابا: نوضي غسلي وجهك و هبطي راه كنتسناك فطوموبيل
خرج و خبط الباب مخلي ميساء طايحة و كتبكي و هي كتحس بالحكرة, ناضت بشوية عليها قاصدة الحمام دخلات و سدات الباب و هزات عينيها فالمراية و هي كتشوف وجها حمار و جناب فمها كيسيلوا بالدم غسلات وجها و نشفاتوا و خرجات من الحمام و هي كتحس بطاقتها مقادية و معندهاش الجهد....

يتبع..