" ဟဲ့ မွန်ဖျိ ဘယ်သွားနေတာလဲ လက်ထဲကရော ဘာထုပ်ကြီးလဲ မဲ့ရ်က မတွေ့လို့လိုက်ရှာနေတာကွယ် "
ဒေါ်ထွေးရီမော်က ခပ်ဖောင်းဖောင်းအထုပ်ကြီးတစ်ထုပ်ကိုင်ကာ ပြုံးတုံ့တုံ့မျက်နှာပေးဖြင့် ဟိုတယ်ပေါ်ပြန်တက်လာသည့်သားဖြစ်သူကိုမေးလိုက်သည်။
ညနေခင်းအဆာပြေအဖြစ် ကော်ဖီသောက်ရန် လာခေါ်သော်လည်း သားဖြစ်သူကိုမတွေ့၍ သူ(မ)လိုက်ရှာနေခဲ့ရခြင်းပင်။
ကံကောင်း၍သာ ဟိုတယ်လုံခြုံရေးဝန်ထမ်းများကိုပါ ကူရှာခိုင်းတော့မည့်လက်မတင်လေးမှာပင် သားဖြစ်သူက အထုပ်တစ်ထုပ်ကိုင်ကာ ပြန်ရောက်လာပြန်၏။
ယခုလည်း သူ့လက်ထဲမှအထုပ်ကိုမြှောက်ပြရင်း ရွှင်ရွှင်မြူးမြူးဖြင့် ပြန်ဖြေလာသည်က...
" ကျွန်တော် ဒီမှာ ရှိပါ တယ် မဲ့ရ်ရဲ့ အောက်ကို ခဏ ဆင်းတာ ပါ ဒါက မုန့်ထုပ် လေ မဲ့ရ်က ဘာလို့ ရှာနေ တာလဲ ဟင်"
" ဪ မွန်ဖျိအဆာပြေစားရအောင် ကော်ဖီသောက်ဖို့လာခေါ်တာလေ အခန်းထဲမတွေ့တော့ ဘယ်ကိုများပျောက်သွားတာလဲလို့ မဲ့ရ်တော့လန့်သွားတာပဲ "
" ဪ ဟုတ် "
" မုန့်စားချင်ရင်လဲ တစ်ယောက်ယောက်ကို မှာခိုင်းရောပေါ့မွန်ဖျိရယ် ကိုယ်တိုင်ဆင်းဝယ်ရလား "
" အမ်း မဟုတ် ဘူး မဲ့ရ် ဒါက အစ်ကို လာ ပေးတာ "
" အစ်ကို "
" ဟုတ် ပုပ္ပား က အစ်ကို လေ "
ထိုအခါမှပင် သားဖြစ်သူ မြူးထူးနေရသည့်အကြောင်းကို သူ(မ)သဘောပေါက်သွားရတော့သည်။
ကြည့်ရသည်မှာ ပုပ္ပားမှသား၏ကောင်မလေး ပြန်ရောက်လာပုံပင်။
ယခုမှပင် ဒေါ်ထွေးရီမော်တစ်ယောက် သက်ပြင်းချနိုင်တော့၏။
သူ(မ)အနေဖြင့် တစ်ဦးတည်းသောသားကို အချစ်ပိုရသည့်အားလျော်စွာ သားဖြစ်သူ၏မျက်နှာကိုသာ မှန်အမှတ်ဖြင့် ကြည့်နေခဲ့ရသူပင်။
ထို့ကြောင့် သားဖြစ်သူ၏မျက်နှာကို တစ်ချက်ကြည့်ရုံမျှဖြင့် သားစိတ်ထဲမှအတွေးမှန်သမျှကို အတပ်သိနိုင်သည်အထိပါပေ။
YOU ARE READING
ပုပ္ပားမြေမှ စံကားဝါ / ပုပၸားေျမမွ စံကားဝါ (Completed)
Romanceပုပ္ပားမြေမှ စကားဝါ ပင်လုံးညှာ ရွှေရောင်ဝင်းလေတော့ ကြူသင်းစွာ မွှေးရနံ့ရယ်(ကွယ်) နှလုံးသားအထိ...စွဲ။ တစ်စုံတစ်ယောက်က ပုပ္ပားတောင်ကလပ်အမြင့်ကိုမေးခဲ့ရင် ပေပေါင်း 2417မြင့်တာကို မျက်ကွယ်ပြုလို့ ပေ1500လို့ပဲ ကိုယ်ဖြေမယ် မင်းနဲ့တွေခဲ့တဲ့နေရာ... ချစ်မိခ...