" အာ အစ်ကို "
ဆေးရုံခန်းထဲဝင်လာသူကို မြင်လိုက်သည်နှင့် လူးကပ်စ်၏မျက်ဆန်ဝါဝါလေးများက တလက်လက်တောက်ပသွားသည်မှာ သိသိသာသာ။
အခန်းအောင်းနေရ၍လားမသိ။
နဂိုဖြူဝင်းနေသည့် အသားအရေက ပို၍ပင်ဖြူဝင်းနေသယောင်။ထက်နောင် အသာပြုံးလိုက်ရင်း လူးကပ်စ်ဘေးတွင် ဝင်ထိုင်လိုက်ကာ.....
" မနက်စာ စားပြီးပြီလား "
" ဟင့်အင်း "
" အစ်ကို့ကို စောင့်နေတာလား "
" ဟီး "
လူးကပ်စ်က သူ့ကိုပြန်ရယ်ပြလာသည်။
ထပ်မပြောလာသော်လည်း ထိုကလေးက သူ့ကိုစောင့်နေခြင်းဖြစ်ကြောင်း ထက်နောင်သိလိုက်ပါ၏။" အတော်ပဲ အစ်ကို burger နဲ့ sandwich ဝယ်လာတယ် လူးကပ်စ်ကြိုက်တယ်မဟုတ်လား အတူတူစားရအောင် "
" ဟုတ် ကော်ဖီ လေး ရောပဲ "
" အိုခေ အစ်ကိုဖျော်ပေးမယ် "
လူးကပ်စ်စကားအဆုံး ထက်နောင်က ခပ်သွက်သွက်ထကာ ကော်ဖီဖျော်ရန်ပြင်လိုက်သည်။
အခန်းထဲ၌ ကျိုထားပြီးသားရေနွေးက အဆင်သင့်ရှိနေကာ ခွက်ထဲသို့ ကော်ဖီမှုန့်နှင့် သကြားအနည်းငယ်သာ ထည့်ဖျော်ရုံဖြစ်၍ သိပ်မကြာလိုက်။
" ကဲ ရပါပြီဗျာ "
လူးကပ်စ်က သူ့ရှေ့သို့အသင့်ချပေးလာသည့် ကော်ဖီကိုတစ်ငုံသောက်လိုက်ကာ မျက်လုံးလေးပင့်တက်သွား၏။
" ဘယ်လိုလဲ "
" သိပ်ကောင်း "
လက်မလေးတထောင်ထောင်ဖြင့် ဘာကာကိုလည်း တစ်ဖဲ့ကိုက်လိုက်ပြန်သည့်ကောင်လေးပါပေ။
ကြည့်ရသည်မှာ အတော်ဆာနေပုံပင်။
ထက်နောင် မျက်စိရှေ့မှကောင်လေးကိုကြည့်ရင်းပြုံးနေမိသည်မှာ သူ့ရှေ့မှ အငွေ့တထောင်းထောင်းနှင့် ကော်ဖီခွက်ကိုပင် သတိမရတော့သည်အထိ။
သူ့ပုံစံက သူများစားနေသည်ကို သနားစဖွယ်မျှော်နေပုံပေါက်သွားသည်လားမသိ။
လူးကပ်စ်က လက်ထဲမှဘာကာကို ထက်နောင်ရှေ့ထိုးပေးလိုက်ရင်း...
KAMU SEDANG MEMBACA
ပုပ္ပားမြေမှ စံကားဝါ / ပုပၸားေျမမွ စံကားဝါ (Completed)
Romansaပုပ္ပားမြေမှ စကားဝါ ပင်လုံးညှာ ရွှေရောင်ဝင်းလေတော့ ကြူသင်းစွာ မွှေးရနံ့ရယ်(ကွယ်) နှလုံးသားအထိ...စွဲ။ တစ်စုံတစ်ယောက်က ပုပ္ပားတောင်ကလပ်အမြင့်ကိုမေးခဲ့ရင် ပေပေါင်း 2417မြင့်တာကို မျက်ကွယ်ပြုလို့ ပေ1500လို့ပဲ ကိုယ်ဖြေမယ် မင်းနဲ့တွေခဲ့တဲ့နေရာ... ချစ်မိခ...