Translation of Pearl In The Palm.
ဖဝါးထက်က ပုလဲသွယ် (၂၁)
Translator - Jinnie Grace
________
တိရှောင်း ယဲ့အိမ်တော်ကိုရောက်လာပြန်တော့ ယဲ့ဖူအန်းတစ်ယောက်လန့်ရပြန်သည်။
ယဲ့လီကျူးက နန်းတော်ထဲကို နှစ်ခါဝင်ခဲ့ပြီးပြီမို့ သူမအခြေအနေကို တော်ဝင်သမားတော်က မိဖုရားကြီးနှင့် တိရှောင်းထံ ပြောခဲ့ပြီးဖြစ်လိမ့်မည်။
ယဲ့ဖူအန်းလို လူကြမ်းအဖေရှိသည့် နူးနူးညံ့ညံ့မိန်းကလေးတစ်ဦးကို လူတွေက လက်ထပ်ချင်ကြမှာ မဟုတ်ပေ။
ယဲ့ဖူအန်းကိုယ်တိုင်ကလည်း သူ့ရည်ရွယ်ချက်ကို ထိုနေ့ကတည်းက နန်းတော်ထဲတွင် ပြောခဲ့ပြီးသားဖြစ်သည်။ သူ့သမီးကို လက်ထပ်လိုလျှင် ကိုယ်လုပ်တော် ထားလို့မရသလို အနိုင်ကျင့်လို့လည်း ရမှာမဟုတ်ပေ။
ပုံမှန်လူတွေအတွက်တော့ ဘိုးဘွားတွေကို လက်ထပ်ရသလိုဖြစ်သွားမှာပင်။
အိမ်ရှေ့မင်းသားက တိရှောင်း၏အာဏာကို အသုံးပြုပြီး သူ့သမီးကိုအနိုင်ကျင့်မည်ဆိုလျှင် သူကလည်း ဥပုသ်စောင့်သည့်ကျား မဟုတ်သည်မို့ အိမ်ရှေ့မင်းသားကို စိတ်ဒုက္ခရောက်အောင် ပြန်လုပ်မှာဖြစ်သည်။
ယဲ့ဖူအန်းတစ်ယောက် မပျော်တော့ပေ။ သူ့သမီးကို အိမ်ရှေ့မင်းသားက မြင်မြင်ချင်း ချစ်မိသွားလို့များ ဒီလောက်တောင် ဂရုစိုက်ပေးနေတာများလား။
ယဲ့လီကျူး လှတာကိုတော့ ယဲ့ဖူအန်းသိသည်။
တိရှောင်းက ဒီတစ်ခါတော့ လက်ဆောင်ပါယူလာခဲ့၏။
မြီးရှည်ငှက်အဖြူလေးတစ်စုံကို ယူလာခဲ့သည်။ ထိုငှက်မျိုးက အမြီးရှည်ကာ ကျွေးမွေးရခက်သော်လည်း အဓိပ္ပာယ်ကတော့ အတော်လေးကောင်းသည်။
မြီးရှည်ငှက်တစ်စုံကို လက်ဆောင်ပေးခြင်းက ဆုတောင်းပေးခြင်းကို ကိုယ်စားပြုပြီး ရာထူး တိုးတက်ပါစေကြောင်း ဆုမွန်ကောင်းတောင်းပေးတာနှင့်တူသည်။
မြီးရှည်ငှက်တစ်စုံကို မြင်လိုက်ရတော့ ယဲ့ဖူအန်းမျက်ခုံးပင့်မိသွားသည်။ အစကတော့ သူ့ကို ရာထူးတိုးစေရန် ရိုးရိုးဆုမွန်ကောင်းတောင်းပေးရန်ဟုထင်လိုက်သည်။
YOU ARE READING
ဖဝါးထက်က ပုလဲသွယ် (Complete)
Romanceဖဝါးထက်က ပုလဲသွယ် ယဲ့လီကျူးက အသား၏ကောင်းခြင်းနှင့် ပြည့်စုံသော ဖြူဖျော့နူးညံ့သည့် အလှလေး။ သူမ သီးချိန်တန်သီး ပွင့်ချိန်တန်ပွင့်ရမဲ့အချိန်ရောက်သည်အထိ မည်သူတစ်ဦးတစ်ယောက်ကမှ လာရောက် မကြောင်းလမ်းရဲကြ။ လူတိုင်းသိထားကြသည်က ယဲ့လီကျူးသည် နှစ်လှမ်းလောက် လျှေ...
