Translation of Pearl In The Palm.
Translator - Jinnie Grace
ဖဝါးထက်က ပုလဲသွယ် (၈၂)
________
ယဲ့လီကျူးက ငိုရင်းနှင့် တိရှောင်းကို ပစ်ထားလိုက်တော့သည်။
တိရှောင်းက ယဲ့လီကျူး၏ ပခုံးလေးကို ဆွဲကာ သူမရဲ့မျက်ရည်တွေကို သုတ်ပေးလိုက်၏။
“ကိုယ့်အမှားပါ။ မင်းကို လိမ်မိတာ။ မငိုနဲ့နော်။ မျက်လုံးတွေ ယောင်နေတယ်”
ယဲ့လီကျူးက ခြေလေးကိုစောင့်၏။ “ကျွန်မရှင်နဲ့ အတူမအိပ်တော့ဘူး။ ဒီနေ့စာကြည့်ခန်းထဲမှာ သွားအိပ်”
တိရှောင်းက ထိုင်ပြီး သူမကို ကြည့်လိုက်သာ်။ ယဲ့လီကျူးက အခုတစ်လော သူ့ကိုနိုင်စားလာကာ အခုဆို စာကြည့်ခန်းထဲတောင် သွားအိပ်ခိုင်းရဲနေလေသည်။
နောက်ဆို အိမ်ပေါ်ကတောင် ဆင်းမလားမသိဘူး။
တိရှောင်းက ယဲ့လီကျူးလက်ကလေးလေးကို ကိုင်လိုက်သည်။
လက်ကလေးက လှပနူးညံ့နေကာ လှလွန်းသဖြင့် ဘယ်သူမှ မျက်နှာမလွှဲနိုင်ပေ။
ယဲ့လီကျူးက အတင်းရုန်းပြီး မျက်နှာလေးရဲကာ ပြောလိုက်သည်။ “ကျွန်မကို လွှတ်”
တိရှောင်းက တည်ငြိမ်စွာပင် ပြောလိုက်သည်။ “ဘယ်သူက စာကြည့်ခန်းထဲမှာ အိပ်မှာလဲ”
ယဲ့လီကျူးက သူ့လက်ကို ကိုင်ထားသည်။ သူ့လက်တွေက ဓားတွေကို ကိုင်လာရသူမို့ အနည်းငယ်တော့ ကြမ်းသည်။ သို့သော် သူမလက်လေးတွေကတော့ အလွန်ကို နူးညံ့နေလေ၏။ သူမက အသာလေးကိုင်ထားတာတောင် နာနေ၏။ ဘယ်လိုပဲနေနေ သူမရုန်းလို့ရမှာ မဟုတ်ပေ။
အချိန်အတော်ကြာအောင် သူမ အတင်းရုန်းသော်လည်း မလွတ်ပေ။ ထို့ကြောင့်သူမက စူပုတ်ကာ ပြောလာသည်။ “ကျွန်….ကျွန်မပဲ သွားအိပ်မယ်”
တိရှောင်းက သူမကို ချီလိုက်၏။ “တူတူသွားမယ်”
စာကြည့်ခန်းက နေရာကောင်းသော်လည်း တိရှောင်းက သူမကို အနိုင်မကျင့်ပေ။ ဒီအတိုင်း စောင်လေးခြုံကာ သူမကို ထိုင်ခုံရှည်တွင် အိပ်စေသည်။ သူကတော့ ထိုင်ခုံတွင် ထိုင်နေလိုက်သည်။
ВЫ ЧИТАЕТЕ
ဖဝါးထက်က ပုလဲသွယ် (Complete)
Любовные романыဖဝါးထက်က ပုလဲသွယ် ယဲ့လီကျူးက အသား၏ကောင်းခြင်းနှင့် ပြည့်စုံသော ဖြူဖျော့နူးညံ့သည့် အလှလေး။ သူမ သီးချိန်တန်သီး ပွင့်ချိန်တန်ပွင့်ရမဲ့အချိန်ရောက်သည်အထိ မည်သူတစ်ဦးတစ်ယောက်ကမှ လာရောက် မကြောင်းလမ်းရဲကြ။ လူတိုင်းသိထားကြသည်က ယဲ့လီကျူးသည် နှစ်လှမ်းလောက် လျှေ...
