Translation of Pearl In The Palm.
ဖဝါးထက်က ပုလဲသွယ် (၂၄)
Translator - Jinnie Grace
________
မင်းသားချန်၏ အိမ်တော်သို့ ရောက်တော့ မှောင်နေလေပြီ။
တံခါးသေးလေးမှတစ်ဆင့် ယဲ့လီကျူးတို့လှည်းဝင်လာခဲ့သည်။ လှည်းကို ရပ်လိုက်တော့ သူမက လိုက်ကာမှတစ်ဆင့် အပြင်ကို လှမ်းကြည့်လိုက်သည်။
မင်းသားချန်၏ အိမ်တော်အနေအထားက ယဲ့အိမ်တော်နှင့်မတူ။ ယဲ့အိမ်တော်က ပိုပြီးရှင်းသန့်ကာ စိတ်ဝင်စားဖွယ်ကောင်းသည်။ အမျိုးစုံသော ပန်းပင်အဆန်းများနှင့် တိတ်ဆိတ်ငြိမ်သက်သည်။ မင်းသားချန်၏ အိမ်တော်ကတော့ ပိုပြီးတောက်ပသည်။
အစေခံလေးတွေကတော့ သပ်ရပ်စွာဝတ်စားထားသောကြောင့်မျက်စ်အေးကာ ဝင်ထွက်သွားလာနေကြ၏။
ခဏလောက်နေတော့ အိမ်တော်ဒုတိယသခင်မလေးအဆောင်သို့ ရောက်သွားကြသည်။
လှည်းပေါ်က ဆင်းတော့သူမကို ယုရှားကကိုင်ပေးကာ ဟိုက်ထန်က နောက်ကလိုက်သည်။ သူမတို့ ရောက်ကြောင်းကို တစ်ယောက်က ကြေညာပေး၏။
ခဏလောက်နေတော့ ယဲ့လီကျူးတစ်ယောက် ခပ်ဖွဖွရယ်ကာ မိတ်ဆက်သံကိုကြားလိုက်ရသည်။
"ဒါက ယဲ့အိမ်တော်က ညီမလေးထင်တယ်"
သလဲသီးရောင်ဝတ်ဆင်ထားသော မိန်းမငယ်လေးတစ်ယောက်က သူမတို့ဆီသို့ လှမ်းလာနေသည်။ ကောင်မလေးက အသက် ဆယ့်ငါးဆယ့်ခြောက်ခန့် ရှိပုံပေါ်သည်။ သူမက အရပ်ရှည်သွယ်ကာ ပြုံးစစမျက်လုံးလေးတွေက ထက်မြက်ဟန်ပေါ်သည်။
အစေခံတစ်ယောက်က ဝင်ပြော၏။ "ဒါ ကျွန်မတို့ရဲ့ သခင်မလေးလေ"
သူမက မင်းသားချန်အိမ်တော်၏ ဒုတိယသခင်မလေးဖြစ်သူ တောက်မေ့ဝမ် ဖြစ်သည်။
မင်းသမီးစီရော့လည်း ဘေးတွင်ရှိသည်။သူမတို့ဘေးချင်းယှဉ်ရပ်နေသော်ငြား တောက်မေ့ဝမ်၏ အရှိန်အဝါက စီရော့ကို ဖုံးနေသည်။
ယဲ့လီကျူးကတော့ ပြုံးရင်းသာ ပြောလိုက်သည်။ "ကျွန်မ တတိယမင်းသမီးကိုတော့ မြင်ဖူးပါတယ်"
ВЫ ЧИТАЕТЕ
ဖဝါးထက်က ပုလဲသွယ် (Complete)
Любовные романыဖဝါးထက်က ပုလဲသွယ် ယဲ့လီကျူးက အသား၏ကောင်းခြင်းနှင့် ပြည့်စုံသော ဖြူဖျော့နူးညံ့သည့် အလှလေး။ သူမ သီးချိန်တန်သီး ပွင့်ချိန်တန်ပွင့်ရမဲ့အချိန်ရောက်သည်အထိ မည်သူတစ်ဦးတစ်ယောက်ကမှ လာရောက် မကြောင်းလမ်းရဲကြ။ လူတိုင်းသိထားကြသည်က ယဲ့လီကျူးသည် နှစ်လှမ်းလောက် လျှေ...
