قلعة الشيخ مهران

نبذه قصيره

#قلعة_الشيخ_مهران
للكاتبه:  ياسه الموسوي

نور آل محمد
#قصة_جديده

نبذة عن بداية القصة 🖤

للمغرب وأشتغل الفشگ وجابوا العروس
يمه موش مرة تگول حورية

العيون أهااا وسعهن والبياض ويلالي من زردومها الماي

طويلة وهيبة وأنوب أسمها شيخة
يماااي ما جذب السماج شيخة

دشت وعيون بنيتي تتمعن بيها وتباوع على الثوب الأبيض إللي لابسته العروس

بچيت وانه أشوفها شلون تباوع على الذهب والثوب

_ يا يمة يا بنيتي هم يجي يوم وأشوفج لابسة هل الثوب هذا وافرح بيج

لـهناك ودش مَهران يمة يالهيبة فدوة الطولك يا يمة مربيتكم على أديه وليداتي انتم جن اليوم زفت أبني موش زفت أبن الشيخ

طويل وأسمر ولابس شماغه والعگال وريحة العنبر تفوح منه
أخذ حرمته ودش حجرته وأنه والحبايب ظلينا ندبج

زفينا بصاية حيدر زفينا بصاية حيدر

كفينا العرس و ردينا الدارنا
بنتي نامت بساع وأنه هم فرشت وأنجطلت بصفها تعبانين من العرس

ويا أذان المؤمن ولنه نسمع صوت الثغيب
فزينا نركض على الصوت لحد ما وصلنا للقصر
دشينا لگيناهم ملتمين بحجرة الشيخ ساجي
ويثغبون فوگاه

خية بنت أمي الشيخ مات يماي يمة مت عيني
اعاين على وليداته يتباچون فوگ رأسه

مَهران و رَضوان والبنيات نهاية وكفاية وحكاية ينوحن فوگ أبوهن وأم مَهران شاگة زيجها وتدگ على صدرها

گابلتها ودگيت وياها

خيطولة الجفن تطريز ياگوت
وبس أنتَ التعبر الزلم بالكلفه
خلانه نجر الوسفة بالوسفة
وهذا موش يومك يومك بعيد

التمت الوادم وشالوا الشيخ وأنصب العزاء
حظر بي كُل شيوخ العراق يستاهل أبو مَهران
الحگاني أبو چلمة الوحدة الما تصير أثنين

ثلاث ليالي أنه أدگ والطم عليه عبن صاحب فضل عليه طول عمري وگفلي وگفه زلم رديت أمشي مرفوعة الرأس بجالة

خلص العزاء وگبل لا يطيحون الجادر نصبوا
شيخ بـــ مجانة للسلف وعبن المشيخة لزوم
حگ أكبر واحد بخلفته
صارت من نصيب مَهران

وهساع السلف صار بيد مَهران وصار
هو شيخنا وعزوتنا من هالساعه
وكُل الحكم والشور صاروا بيده

وإبن أبو گدها وگدود وإللي يدخل بسدة ما يخسر
وقلعتهم اليوم تسمت من قلعه شيخ ساجي

يتبع.....
لاتنسون تصويت حته ندخل القلعه ونجول بمناضرهاا واحداثها.....
هيا بناا يارفاق