قلعة الشيخ مهران

بارت39(ج2)

#قلعة_الشيخ_مهران

         أحياناً نرحل بهدوء فقط لأننا نحبهم
    لأننا شعرنا برحيلنا ستكون لهم حياة سعيدة
      برحيلنا وفي قلوبنا الهم من الدعاء نصيب
                 وفي قلوبهم لنا ذكرى

                 ................................

أمامة :- النار تلهب  من كل مكان بجسمها عياطها زرف طبلة أذاني منظرها گطع گلبي تضرب على جسمها قوي تحاول تطفي النار المشتعله بيها

الولد ركضوا عليها إسلام نزع تشيرته يحاول يطفيها بـيه النار وصلت اله واخذت ايده وجزء من صدره إيهاب ركض جاب بطانيه لفها بيها عمو إياد جاب بطانيه ثانية طفى بيها دبة الغاز

البيت انهرج العياط من كل مكان شالوها بالبطانية وطلعوا يركضون بيها امها تركض وراهم مثل المخبله جدو وگع بالگاع ما گدر يگوم عمو أسير
لم الدنيا بصوت عياطه خايف من المنظر الشافه حرت المنو اروح الجدو لو العمو أسير لو النفسي المنظر الشفته مرعب ما اگدر اوصفه جسمي كله يرجف مشيت بخطوات ميته لحد ما وصلت يم عمو أسير بسرعه حظني ويبچي بصوت عالي خايف

أخذته و رجعت للقصر دخلته الغرفتي وهو مجلب بيه يرجف گعدنا بالگاع حظني بـ أثنين أيديه وضام راسه بكتفي أحس بــجسمه شلون يرجف مثل السعف

أمامة :- حبيبي عمو اني يمك لا تخاف كافي خوف

أسير :- نار احترگت نار راح نحترگ مثلها ونموت

_ لا ما نحترگ ماكو شيئ أخذوها هسه ينقذونها لا تخاف

_ خطيه خطيه احترگت بالنار تصرخ خطيه

ما تحملت اكثر بقيت ابچي وهو يبچي وحاظني آراي اجه يمنا گعد خايف ويباوع النا الصوت بعده العياط جاي يزيد اكثر و اكثر كل ما اريد اطلع اشوفهم يرجع عمو يشدد لزمته الي ويبقى يتوسلني ما اعوفه ساعه كامله على هذا الوضع لحد ما غفى على كتفي مثل الطفل عدلته على الفراش وغطيته و گمت طلعت من الغرفه  لازمه آراي بيدي

كل البنات منجمعات بالصاله والكل يبچي بيبي حكاية وبيبي كفاية رايحات وراهم باوعت اثنين نسوان موجودات اول مره اشوفهن اجيت گعدت بصف نينه بدون ما احچي شي و حده منهن من شافتني مسحت دموعها بحچابها و گالت

دموع :- هاي أمامة تعالي عمه شلونج

تاضي :- گومي سلمي على عماتج هاي دموع وهاي غرام

گمت سلمت عليهن أثنينهن و رجعت گعدت احچي وياه نينه همس

أمامة :- شنو الأخبار ما سمعتوا شيء

تاضي :- لاله ماكو خبر منهم

_ جدو وين وگع بالگاع قبل شويه

_ راح وراها

_ وعمو مَتين عرف بالموضوع

_ ما ادري بس اظن سمع عبن هو يشتغل بالعيادة مالته المسكين و بعد طش الخبر بالسلف كله