قلعة الشيخ مهران

بارت61(ج2)

#قلعة_الشيخ_مهران

جبت عمري بتعب چا يمتى اضوگ الطيش
انه المبيوگ عمره بين البحله

.................................

أمامة :- اشو گوم من وجهي شگد سخيف لا والله مو بس سخيف اصلاً عبرت مرحلة السخافه

إسلام :- شوفي يا حلوة انه عندي الج شگد اثبات بس اخاف عليج تنجلطين الذالك راح اكتفي بهذا الحد واترك الباقي العقلج الجبير يفكر شويه ويشوف كلامي صح لو غلط

أمامة :- ما يحتاج افكر اصلاً اعرف هاي لعبه من العابكم القذرة تردون اصدگ بيكم حتى ازعل من عمو ويفرغ الكم الجو بعدين انتَ وابوك واللعابكم ترحون فدوة العمو متين

_ ههههه حددي نوع الفدوة بالضبط شلون تصير

_ إسلام احترم نفسك وگوم منا مو كل الناس مثل قذارتك تعرف شنو عمو متين بالنسبه الي صار اب واخ وصديق مستحيل بهاي سوالفك تهز مكانته يمي طوم احسلك

_ ههههههه ههههههه هههههه هههههه

_ شگد قذر

_ يلا ميخالف انه قذر وسخيف و ملعون بس على الاقل عالني مو من جوى الجوى هسه بس شغليلي هذا الدماغ الحلو و  فكري عدل  وشوفي القذر والملعون والسخيف والمنحط منو انه لو عمج الدكتور

_ لا يا منحط احترم نفسك ولا تتجاوز عليه

_ تدرين جاي تقهريني والله  يلا بعد انه سويت العليه والباقي ضل يمج واذا تحتاجين بعد دليل گولي خادم للحلوات انه

حچى هيج وشال موبايله وگام بقيت اباوعله
تخبل هذا شنو شلون هيج يسوي معقولة الهاي الدرجه توصل بيهم يأأذون عمو ويأأذوني لان جدو سجل الگيعان بـ أسمي وعمو جان عنده علم

حاولت اكمل دروسي وانسى الكلام الحچى
ما گدرت بالي كله مو وياي سديت الكتاب وگعدت
رافعه راسي للسماء عيني بعين ربي مالي غيره
شكلهم نوو الحرب ولازم ارجع اوگف على رجليه
جدو وراح بعد ما يخافون من احد ويكالوني
لازم اخليهم يخافون من عندي

بقيت بمكاني والافكار تعصف برأسي اخر شي صفنت بكلامه لان ما جاي يروح من إذني الصوت بعده يتردد عليه كلمه كلمه من اللي حجاهم

معقوله كلامه صح معقوله عمو هيج يطلع
لا اكيد يچذب هو حاسبني بنته حالي من حال
رسل صح اهتمامه بيه قوي بس لان ما عندي احد غيره وجدو مأمني يمه اكيد مستحيل يسوي شي
مثل هذا هو عمي وإني بنت أخو

رجعت صارت كلمة عمو برأسي من گال انه مو عمج انه أبن عم أبوج

لا لا امامة احترمي نفسج واحترمي عمج لا تخلين إسلام يضحك عليج ويسمم أفكارج

شلت كتبي ودخلت وإني الف فكره وفكره بالي
صار وقت الغده ورجعنا انجمعنا وهم بيت عمو سند ما گعدوا ويانا صبوا وحدهم