قلعة الشيخ مهران

بارت54(ج2)

#قلعة_الشيخ_مهران

لا السيفُ يفعلُ ما انتَ فاعلة
ولا لقاء عدوي مثل لقاكِ
لو بات سهمّ من الأعداء في كبدي
ما نال مني ما نالتهُ عيناكِ

و گالت وين صافن گلت بعيونج
اگول شلون عايش جنت من دونج

.........................................

فتح الباب عمو ودخل يباوعلي من فوگ ليجوى سألته مرتبكه مو من عوايدة يفتح الباب بدون أستأذان والتليفون بأيدي بيه رسائل ما معروف شنو معناها خفت وبنفس الوقت انحرجت لا يشوفهن حچيت مرتبكه

أمامة :- شكو عمو

مَتين :- شبيج منو هذول الشباب وين وگعتِ

فتحت عيوني مصدومة شمدرية شلون عرف
ما جاوبت بقيت بصدمتي رجع گال

مَتين :- شنو الموضوع منو هذول وشيردون ومنو هذا الدافعلج

أمامة :- ما اعرفهم

مَتين :- شحچوا وياج بالضبط

أمامة :- فاتوا من يمي واحد منهم مد رجله وعثرني

_ ايي

_ والثاني بقى يحچي كلام ماصخ

_ شگال

_ ما اذكر

_ اتذكري

_ ما اتذكر عمو بعدين منو گالك

_ منو هذا الدافعلج وضربهم

_ ما اعرفه

_ أمامة لا تضمين عليه احچيلي وعد ما ازعل

_ والله ما اعرفه بس من صار الموقف اجى عليهم وتضارب وياهم بعد اني انهزمت منهم بعيد

سكت ما حچى بس يباوعلي درت وجهي منه نظراته مال واحد ما مصدگ بس والله اني فعلاً ما اعرفه كل اللي اعرفه انضرب بيه وبقى يلزم الطريق شوية ورجع گال

مَتين :- بگدمن الولد هذا

أمامة :- ما اعرف

_ شنو اللي ما تعرفينه لا تستغبين

_ شبيك وياية عمو والله ما اعرف عنه شي

عافني وطلع بقيت على وگفت ما مستوعبه الموضوع شلون عرف كل هاي التفاصيل معقولة حاط عليه مراقب شوية ودخلت نينة

تاضي :- أمامة يمه شنهي السالفه

أمامة :- يا سالفه

_ ياهم هذول الولد

_ منو گالج

_ مَتين گال اسأليها بلكي تحچيلج

_ ما اعرفهم نينة كل اللي اعرفه حچيته اله ولد مراهقين بلا غيرة

_ وهذا المدافعلج وطاگهم ياهو يگول مَتين هذا يعرفها بس ما ترضا تحچي

_ ما اعرف عنه شي وداعتج كل اللي اعرفه قبل شهر ما اعرف شهر ونص جان يمشي بالدراجة مالته سريع و انضرب بيه ومن هذاك اليوم الهذا اليوم هو لازم باب المدرسة مرتين حاول يحچي وياي بس ما انطيته مجال وبعد منها وما تقرب عليه