#قلعة_الشيخ_مهران
الموت لو جف والله اگصه
ما خله للتسيوره حصه
ذيج العيون وذيج الخدود
تاليها تطلع رزق للدود
.......................................
تاضي :- فزيت على صوت ونين ونفس مگطوع گمت من مجاني مشعوبة وام اثمار نفس حالي فزت ركضنا ثنينا على ثُريا لگينها تصب عرگ وعيونها حمر دم وكُل جسمها يرجف
مسحت وجهها بديه وامها ركضت تصيح الدختورة
بين ما اجت الدختورة وهي صارت صفره كركم واديها صارن ثلج وعيونها غدن بيض
تاضي :- بسم الله دخيلك يا ربي دخيلك دخيلك الله تعاين الحالها ولج يمه اخذي نفس
ثُريا :- خاله أمامة امانة يمج هي وآراي
_ بسج لا تحچين شي بسج هذول فريخاتج انتِ تكبرينهم على إيدج
_ أمامة مؤنس آراي وينهم اريد اشوفهم اريد مؤنس
بعدني ما راده عليها ودشن الدختورات يتراكضن طلعنا من الغرفة وظلن بس هن وياها دقايق بس موش اكثر ولنهن يطلعن علينا ويگولن
_ البقيه بحياتكم المريضة انطتكم عمرها
حرت ابچي يو الطم يو اسكت امها اللي تسودنت وفقدت على بنيتها حرت شلون اخبر ابني الما يشوف بالدنيا غيرها شأحچي وشأكول شلون اگله مريتك اللي يحبها گلبك ماتت بچيت لطمت دگيت بديه على راسي
_ شلون بيه يهالوادم فريخاتها الوليد ما شم ريحتها وما نام بحظنها وشاف حنانها بنيتها التوها فكت عينها للدنيا شلون بيه يهالعالم على ياكتر ادگ
ولج يمه ثُريا يالحلوة يالمالج صوت لليوم ما هيست حسج ولا سمعت منج الباطلة بنيتي
موش چنتي لا والله موش چنتي
طلعت الورقة البيها الرقم وانطيتها للاستعلامات
هم دگوا على البيت وهم الخبروا مؤنس بالخبر
مالي عين اگله مريت عافتك وراحت ولا الي عين اگله الگوه براسك فريخاتك تيتموا
أمامة :- بابا واگع بالگاع ما مستوعب اللي سمعة
تقربت منه هزيته من كتفه ما تحرك حچيت وياه ما يسمعني مثل الواحد فاصل من العالم بس مدد رجليه وعيونه مفتوحة على وسعها وسماعة التليفون بيده
ركضت على بيبي شعلة گعدتها من النوم اعيط وهي فزت واجت على بابا تركض شافت حالة وتخبلت ظلت تعيط بكل صوتها وتهز بيه
تريده يتحرك وينطق كلمه ماكو مرت قرابه الدقيقتين او اكثر وهو بغير عالم مو ويانا و لا حاس بينا اخر شي بيبي عاطت بيه بصوت عالي وضربته راشدي قوي وشمرت عليه گلاص مي يله عيونه تحركت علينا وانتبه
شعلة :- ولللللك جدةةة احچي شمالك شنهي الصار ولك مؤؤؤؤؤنس راح اموت حاجيني يبعد جدتك عليش يبست وما ترد
YOU ARE READING
قلعة الشيخ مهران
Mystery / Thrillerالشيخ ولو أمر كلهم يهابونه ... في ميسان (العماره) نور آل محمد a_.2jj انستكرامي
