#قلعة_الشيخ_مهران
مسـاء الاشيـاء الجميـلة
كــ وجودكم مثـلاً
.....................
مهران :- المن تخطبينها
شيخة :- الك يــالشيخ
مهران :- شنهي هذا الحجي ياحرمه گولي يا الله
شيخة :- ماكو اخير منها ولا انظف واحلى منها
عافها وطلع رگضت وراه لزمته من إيده
شيخة :-اذا ما خطبتها من اهلها ما اجعدلك بهذا القصر اليوم
مهران :-شجاج يبوية تسودنتي
_لا توني عقلت
رد طلع وهي ردت يمنه الدمعه تلالي بعينها
شعلة :- شنهي هذا الحجي يالشيخه شلون تريدين انطي بتي شريجه على راسج
شيخة :- موش شريجه بتج مثل ابنيتي واخيتي امنها يمي واحافظ عليها بروحي
شعلة :-تسودنتي يمه شلون تزوجين زلمتج
_الزلمه كبر وهو شيخ السلف وما عده بزره وانه ما اخلف يم تاضي والنسوان حيايه وما اعرفهن شني ما شني وماكو احسن من بتج امن على زلمتي وبيتي يمها
_لاله ما ارضى بهذا الحجي موش انتِ التنزل عليج شريجه
_انه راضيه وانه الخاطبتها تردين الشيخ يشعلة وما تنطينه بتج
_الشيخ على راسي وعلى عيني وهاي الساعه المباركة اناسبه وأمن ابنيتي يمه بس انتِ ما تستاهلين ينكسر خاطرج
_ينكسر خاطر من يضل شيخ السلف بلايه بزره ينكسر خاطري من ياخذ وحده موش ادميه وتلعب بحالي انه مأمنه من ترباتج واريدها اخيه وياي
أمي سكتت ما ردت شي وانه ضليت فاتحه حلگي وعيونه تتلامض ما مصدگه السمعته يمه تعاي ليه
الشيخه تخطبني الزلمتها الشيخ وين صايره هاي
شيخة :- شنهي يا تاضي راضيه بالشيخ مهران يو لاله
تاضي :- شلون اخذ زلمتج
_الشرع حلل اربعه وانه راضيه بنصيبي
_بس ما يصير انزل عليج شريجه انه احبنج
_ولنج تحبيني انه رايدتج كلشي ما اريد منج بس وليد يشيل اسم الشيخ جدام الوادم وهذا هو
ما رديت بقيت على سكتي شنهي احجي وشنهي اگول هو انه جنت احلم اخذ گرايب الشيخ تالي يتحقق حلمي واخذ الشيخ بكبره يماي يمه ياهو اليگرصني ويصحيني
ضلينه مناطرين ما نعرف شنهو قررو ولا شنهي صار وياهم لحد ما دش الشيخ مره ثانية وندهه على حرمته گامت وراه اخذولهم بالساعه بحجرتهم يتحاجون بينهم ما نعرف شنهي صار وياهم وعلى شنهي يالتفقون لحد ما طلع الشيخ يمشي سريع ومعصب وصل يمنه وحجه وياه امي
YOU ARE READING
قلعة الشيخ مهران
Mystery / Thrillerالشيخ ولو أمر كلهم يهابونه ... في ميسان (العماره) نور آل محمد a_.2jj انستكرامي
