قلعة الشيخ مهران

بارت53(ج2)

#قلعة_الشيخ_مهران

ضمني بالليل ثاني وحل مكان الخل
شحيحيه أفراحنا ودكانها معزل

     (عريان السيد خلف)

...........................................

أمامة :- الموبايل بأيدي واقرأ بالمسج ما مستوعبه الكلام اللي بيه منو هذا ؟  ومنين جاب رقمي معقولة احد غلطان بالرقم

قريتها مرة واثنين وثلاثه شگد ردت اتصل واعرف منو بس ما تجرأت خفت من الموضوع قفلت التليفون وگمت طلعت الوضع مخربط بالبيت محد اله خلگ والكل ضايج وحتى البيت وحشه لأن البنات وعمه أبرار ماكو يومية يوگفن بالعشاء ويفترن بالبيت وصوتهن وسوالفهن اليوم حتى عمه أبتهال مالها صوت خانسه تخاف من جدو لان عمو والبنات راحوا

تمشيت للمطبخ تفاجأت محد موجودة والهسه ممسوين عشاء يوميه من المغرب يبدن يحظرن
طلعت للطرمة شفت غزاله وسلمى گاعدات بالحديقة تمشيت عليهن

أمامة :- هلاو شلونكم

غزاله :- هلا بيج

سلمى :- هلاو گعدي

گعدت يمهن وسألتهن

أمامة :- ما سمعتوا شي عن عمو وعائلته

غزاله :- طلع راح للولاية

أمامة :- شيسوي بالولاية

غزاله :- واحد من جماعته عنده بيت ظال فارغ مخابرة ورايح گاعد بالبيت

_ يعني شنو حيعيش هناك

_ لا راحوا يجيبونه ويجون

_ منو راح

_ مَتين و أياد وابوي وعاصي

_ شعجب عمو عاصي راح وياهم

_ غير عمي وداه غصباً عليه اله هو ما رضا ابتهال ما تخليه

_ ليش هيج تسوي عمه أبرار مو بنت عمها وبنت خالتها بنفس الوقت وليان حبابة و حلوة ما ناقصها شي ليش مقبلت بيها

سلمى :- امي تريد الهم بنات يتامه مالهن احد

أمامة :- شلون يعني

سلمى :- تريد أخواني يزوجن بنات ما عندهن ابو واعمام

_ ليش عود

غزاله :- حتى ادمغ عليهن براحتها

امامة :- ليش اليتيمه كبش فداء اذا ما عندها اب واعمام اكيد عندها رب يسمع ويشوف

سلمى :- هي دائماً تگول اخذ الهم بنات ما يطلع وراحن احد لان ما مظموم الدنيا شبيها لا يرحن يزعلن يطلگن عاد محد يهد وراهن

أمامة :- عزا شنو هذا التفكير

غزاله :- لا تتفاجئين كل شي اكو هنا ، لا تزعلين من عندي سلمى بس والله گلبي محروگ من أمج وأبوج