قلعة الشيخ مهران

بارت27

#قلعة_الشيخ_مهران

                  اخ التراب شگاعد يضوگ
                   ويلاه طم حلوين الحلوگ
                  گلبي تسرد موش مشگوگ
                   وموت الغفل يرادله طلوگ

                   ...................................

من تأخرت بابا طالع يشوفني ما لاگيني بالحمام وباقي يدور عليه لحد ما سامع صوت عياطي اجى يركض علينا فتح الباب ودخل لگاني اعيط وإسلام يتحرش بيه اول شيء سوى بابا جر إسلام من إذنه وضربه راشدي وراها رجع ضربه راشدي بالخد الثاني

إسلام بقى يبچي ويتوسل بابا يعوفه وبابا فقد على الاخير شبعه راشديات وغلط واني ملخت نفسي من البچي والخوف اول مره اشوف بابا هيج معصب

لحد ما الكل طلع على صوتنا عمو عاصي شاف بابا يضرب بــ أبنه وهو تخبل اجى دفع بابا وبابا رجع الدفعة اله

عاصي :- تمد إيدك عليه وعلى ابني نذل

مؤنس :-محد غيرك وغير خلفتك انذل عديمين الاخلاق والتربية

عاصي :- اليوم ادفنك هنا والله

مؤنس :- انتَ زلمة تقرب مني

بهاي الاثناء دخل جدو يركض مفزوع

مهران :- شنهي هذا الصوت شبيكم

عاصي :- ابنك الميت عليه ومفضلة علينا حاصر الفرخ الجاهل ويدگ عليه

مهران :-  شنهي السالفه بوية مؤنس عليش طگيت الوليد

مؤنس :- مو مؤدب ويحتاج تربية

عاصي :- أبني مربي احسن منك يا ناقص

مهران :- لا يا سگط امشي براااا

عاصي :- ما اطلع من مكان كافي بويه كافي كل ما حجيت وطردتني يعني ابني ينطگ وانه ينغلط عليه وتريدني اسكت واطلع بدون ما ادري بالسبب شني

مهران :- كلمة وحدة ما اسمع اطلعوا گدامي ثنينكم يلااا

كُل الموجودين طلعوا حتى عمو متين جان واگف خطيه وهو عريس طلع يركض على الصوت والعياط الصار ، بابا لزمني من إيدي حيل وطلع يمشي بيه لحد ما وصلنا للصالة وبابا كمل باقي طريقه متوجهه للغرفة بسرعة جدو صاح عليه يريده يوگف

مهران :- مؤؤؤؤنسسس

مؤنس :- نعم يابه

مهران :- موش زعطوط انه چدامك احترم روحك و اوگف

مؤنس :- محشوم يابه بس اريد اخذ غراضي وارجع البغداد

_ عليش طگيت وليد اخيك

_ لان مستاهلها

_ شنهي العمله

_ هيج ما سوى شي

_ اطگ الفرخ بلايه سبب

_ لا بس تجاوز عليه وضربته

_ شگالك