قلعة الشيخ مهران

بارت15

#قلعة_الشيخ_مهران

                  انه سالفتي يوادم سالفه
             مدوهن وروحي عليله وخايفه
           وفكر حظ ما عدي وانه بظهر ابوي
               والبخت لا شافني ولا شايفه

                 .............................

عيوني إحسها ما گامت توچد عدل دخيلك يا ربي دخيلك أنه بحلم يو هذا الواقع مهران عايش ما ميت وين جان هل السنين الطويلة عليش ما سأل عني ولا شاف حالي وحال فريخاتي الضيم شفته على فراگه عيوني عمت من البچي والنوح عليه عشت الجوع والعوز والخوف كله والذبحني أكثر
ما أندل گبره و أبچي فوگاه

هو شافني ضل واگف مچانه ما يتحرك ولا حتى يرمش ما مصدگ يشوفني من بعد هل السنين وين بالسلف وبنص مضيفه أنه واگفه وأرجف من جعب رجلي الهامتي أريد بس أسيطر على روحي ماكو مثل السعفه أرجف من فوگ ليجوه لحد ما هو تقدم عليه وعيونه غدت چبد أحمر ويرجف حاله من حالي مد أيده يريد يلزمني دفعت أيده حيل

مهران :- أم أسير وين چنتي وين صرتي هاي أنتِ يمعدله ما أصدگ روحي لا والله ما أصدگ

تاضي :- بعد الغاد بعددد عني

مهران :- شمالج يحرمه

_ وتسأل شمالني وتسأل يمهران شمرتني بديار الغرب و ديتلي طارش بموتك سنين وليالي انـه انوح على موتك سنين وليالي أدگ عليك وعلى فراگك الضيم شفته وحدي المر جرعته بالغرب وهساع جاي تگول شمالج يحرمه

_ أنطيني مجال أفهمج ولج طاگ گلبي عليج وروح أبوي وداعت سنيني الراحت بلايه حسج حچه هيج وجرني عليه وحظني بــ أثنين أديه وبچه هو يبچي وأنـه أبچي ثنينه أنوح بصوت عالي شميت ريحته الكلها عنبر وأنه أحس روحي ردت حيت من جديد اخ يبعد بيتي اخ يعمري الراح بلايه شوفتك اخ ياغربتي وتعب عمري بفراگك

تاضي :- شمرتني أنه و وليداتك يمهران سنين وأنتَ ما شايف حالنه عليش شنهو العملته وتكسر ظهري بهل الحمل الثگيل چا گتلي روحي يمره أنه ما أريدج عليش طرشتلي موتك وخليتني أنعى عليك يومية عليش يتمت و وليداتي وأنتَ عايش وتشم الهوى

مهران :- حگج عليه شنهي تگولينه حگج بيه بس والله الصار موش بيدي أنطيني مجال أفهمج وأفتهم منج

_ شنهو الموش بيدك يمهران موش بيدك تعوف حرمتك بديرة غرب لا أخو ولا أبو تعوف وياها أثنين أولاد واحد منهم مريض وعقله موش صاحي

_ خلني أفهمج أول هيل وأنوبينه حكمي عليه

_ ما أريد أفهم ولا أريد أسمعك بعد لغاد خلني أرد منين ما أجيت

_ وين راده وأنه ما صدگت لگيتج

_ أرد للمجان الشمرتني بيه وما هميت الي والفروخي

رضوان :- أول هيل الحمد لله على سلامتج وهله بيج وبردتج چثير الهلا و گولي يا الله خوية وخلنه نفهمج السالفه مهران مريض ومو حمل قهر سمعي منه وأنوبينه حكمي