قلعة الشيخ مهران

بارت36(ج2)

#قلعة_الشيخ_مهران

                    و الله ما سامح بعد
              الأذاني يوم بلا سبب مشكول
                       گلبه الذمة

               ...................................

مَتين :- ليش تردين تگعدين وحدج ؟

أمامه :- أحسن النا جميعاً

_ تعوفين القصر و تگعدين بيت صغير

_ ما اريد لا قصر ولا اي شي ثاني طول عمري عايشه بيت صغير ومرتاحه و راسي بارد شنو اسوي بالقصر و ضيمه

_ ضايجه من إسلام يعني

_ لا

_ چا ياهو وياج

_ ما احس نفسي مرتاحه هنا ولا اگدر اتحرك براحتي الف واحد عايش هنا اريد ارجع اخذ راحتي مثل ما جنت بغداد

_ شعليج بالناس صفي نيتج و لا تفكرين بـ أحد عسى ما مليون يگعدون بالقصر ومحد يأذيج وانه موجود

_ عمو اني ردتك تقتنع جدو مو تقنعني

_ حبيبتي عمو جدج ما يقبل لو مو اني اقنعه هو يحسب ساعه ساعه ويوم يوم تصيرون هنا من كل عقلج يقبل هسه تگعدون بمكان غير القصر

_ قصدك راح نبقى هنا طول العمر

_ صح الموضوع صعب عليج و ما تگدرين تتقبلينه بس بمرور الوقت راح تتعودين وراح تحبين المكان

_ ما اتوقع

_ ليش هالافكار السودة و السلبيه أبتسمي و توقعي الاحسن ليش  هذا التشائم

سلر :- مَتين هاي انتَ هنا

مَتين :- ها عيني اي محتاجه شي

سلر :- لا بس عبالي يم خالي

_ جنت يمه و راح اطلع اشوف العيادة وارجع

_ الله وياك

مَتين :- محتاجه شي اجيبلج وياي عمو

أمامه :- لا شكراً

عمو مَتين طلع و زوجته اجت يمي باوعتلي من فوگ ليجوه أبتسمت الها بس صدمتني من گالت

سلر :- أياد ما متزوج وإيهاب ما متزوج وإسلام ما متزوج اختاري اللي يعجبج و عوفي رجلي

أمامه :- شنووو ؟؟

سلر :- أمي گالت البغدادية تحوم وراه رجلج بس ما صدگتها گلت الها لا راح يشوف خالي تالي اجي الگاج واگفه وياه طول بطول بدون مستحى

أمامه :- عزاا عمه ترى بگد ابوي وعمي شنو هالتفكير شلون هيج تحچين

سلر :- انه تعبت يله حصلته احبه من انه صغيرة و تزوجني غصب عنه ما راضي بس خالي خطبني وما راد يكسر خاطر خالي و درس وتغرب وانه ساكته وما اعترضت على غيابه وهسه من رجع يستقر هنا تطلعين بوجهي انتِ خاف عبالج انه اخاف منه واسكت ترى امي اخواتي ما يسكتن