قلعة الشيخ مهران

بارت6

#قلعة_الشيخ_مهران

وكأنـنـي أخـبـرتـك بـمـا يـؤلـمنـي
و عــاقـبـتـنـي بــه

.........................

مهران :- يا ستار استر عليش ينحرونهن شنهي العاملاته

زكيه :- دش علينه حرامي ولاولاد كضبو وما يصدگون بيه حرامي يصيحون صاحبهن هذا
الحگ الهن بعد امك اخياتك راح يرحن من اديه

ركض مهران وراه طلع يركض رضوان راحو البيت عمهم يصيرون شوي الغاد من الگصر
العم ميت ضالين بس الاولاد
واثنين ابنيات (فريال وفريدة)

الاولاد ثلاثتهم بلايه عرس ضالين بعدهم شباب
والابنيات اكبر مني اثنينهن وحده بحل كفاية
وحده بحل حكاية

المره طاحت وانسحنت روحها جبنه مي شربناها وغسلنه وجيها ردت صحت وهي على فد بجيه وفد لطمه بالنه يمهم لا ندري شنهو صار ولا ندري ماتن يو بعدهن عايشات وفوگاها سمعهتم بالسلف وجدام الوادم شلون يسدون السالفه وهم شيوخ ولد شيوخ

ضلينه مناطرين  هسه يجون هسه يجون مامش منهم خبر هالروحه روحه راحو وما ردو علينه
للظهر واحنه بعدنا على جعدتنا ومهران طرش النه خبر ممنوع اي وحيده بينه تعتب عتبة باب الگصر وتطلع يو شما يصير ما نعتب الباب

بعد احنه من وصلنه الخبر هذا ضلينه بمجينه لا طلعنه ولا دشينه والمراه ويانه ضلت بس شنهي
راحت روحها مره جبيره وبس تنعي وتبجي
خلص وكت الغده واحنه لا ماجلين ولا شاربين وگلوبنه غدت نار من الخوف عليهم

شنهي صار جتلوهن يو جتلو الزلمه عليش ما ردو
ولا وصل النه خبر منهم وعليش ما يرضى نطلع من الگصر يا ستار سترك وحفظك

للعصر ولنهم يجون تلاكيناهم من الباب دش رضوان وجهه ما يگصه السيف وعيونه تكول چبده مالت دم
گبل مشى على حجرته وسد الباب بكل قوته وراه
و مهران نفس الشكل عيونه بگصته ووجهه أحمر ضغطه صاعد اضن وكله يتراجف

دشن وراه الابنيات اثنينهن گاضينهن گضيان
يماي يمه ما بيهن عظم صاحي الوجو زرگ ويسحلن برواحهن سحل ما بيهن فايده يمشن مجسرات تجسر

امهن گامت عليهن حظنتهن وهنه يثغبن وهي تثغب وياهن مهران عافهن ودش الحجرتي وسد الباب عليه

اشرتلي شيخـة اروح وراه رحت وراه دشيت وسديت الباب بهداي اعاين عليه جاعد وايده على راسه
ما رفع راسه ولا عاينلي
رحت يمه وضليت اتمعن بيه لا بيه اسأله ولا بيه اضل ساكته اخر شي هو رفع شوفه عليه وحجه

مهران :- ما ادري شنهي الگوله ولا ادري شنهو الاحجي بس الزوم تعرفين كلشي صار موش برادتي

تاضي :- شنهي صار وياكم خوفتني فوگ خوفتي

مهران :- انه احبنج الج وروحي بس يمج معلگه بس الامر صار غصب عني وهذني عرضي يو ما استرهن انه نشتهر جدام الوادم