قلعة الشيخ مهران

بارت70(ج2)

#قلعة_الشيخ_مهران

نقطة نهاية الكل مضى برأس السطر خليتها
حيل انه متندم لان مو من وكت حبيتها
ضحكتها خرخاشة طفل أتونس بشوفتها
والعين ديرة من الخجل وتموت بصفنتها
جرتلي روحي بكل لطف بالكحله من جرتها

.........................................

أمامة :- اباوع الإيد إسلام بيها تليفونه لازمه قوي ويباوعلي ويرجع يباوع النينه تقدم بداخل الغرفه واجيت گعدت يم نينه إسلام فتح تليفونه وشغل مقطع فيديو

مرة عجوز ما باقي ملامح بيها من گد ما مجعد وجهها گاعده بالگاع ورجليها ممدده وجسمها ساندته على الحايط جسمها بيه رجفه قوية لابسه أسود بـ أسود صوت إسلام طالع بالفيديو يگول الها

إسلام :- يلا جده سجلت احچي

وراها اجانا صوتها يرجف والكلمات گوه تطلع من حلگها

فريال :- الحچي ما ينحچي يجده بس اللزم احچي عبن ما ادري شوكت اروح الربي ... إيي يـ تاضي صار وكت الحساب واجى اليوم الراح تسمعين بيه حسي من جديد هذا الحس الصاح بكل حيله وفضحج جدام الوادم هذا الحس الوين ما مشى حچي عليج وطعن بيج كل شي سويته انتِ تعرفينه بس خلني اگلج وين وصل بيه الطمع من شبيت واخذت الدنيا بحيل صدري حبيتلي وحيد وهالوحيد هذا حبني ورادني بس لا عنده بيت ولا عنده اهل ضليت وياه لحد ما أجى اليوم وكضونا اخوتي وطگوني وطگوا فريدة جانوا ناوين على ذبحنا لجن مهران وگف بوجوهم وحمانا تحت عباته ودگ صدره البنيات عمه وتذكرين اليوم الجابنه واجى عاقد علينا اله والاخو انه من اجيت ما جنت هاويته ولا رايده جاه وصيت ومال وحلال بس من دشيت للگصر وشفت الخير وشفت شلون زلمه نشمي وما يعيبه شي طحت وحبيته لجن هو يحبج انتِ وما يشوف غيرج

دخل الشيطان بگلبي وخلاني اكيدلج بلجن يعوفج ويلتفت الحال ما خليت شي ما عملته غريته ضحكت وياه وخدمته بماي عيني صحيح ما قصر بحگي وعدل وياي بس جانت الج الحصه الاكبر وانه جنت انقهر على رويحتي شنهي الناگصني ويعزج عليه شو احلى منج واقرب اله منج و فوگاها جدنا واحد موش مثلج تالي عمرج يلا بين ابوج هذا جان فكري وهذا بالي

اشتغل كيد النساء ودگيت بأيديه ورجليه بس حتى ابعدج عنه لا خليت سحر لا خليت شعوذة لا عيني ولا روحي ما فاد وياكم مجلب بيج ومجلبه بيه وفوگاها جبتي الولد و صرتي الكل بالكل
ما اگدر احچي اكثر عبن اخافن من اذكر هذنيج الايام

حقدي زاد وخباثتي زادت ومخافت ربي نزعت من گلبي وشديت وياج وياه حسنه جنت ابوگ منه فلوس واسوي سحورة الج والحسنة لحد ما طغيت وصرت مجرمه لا تخاف الله ولا بني ادم وموتت المره وهججت من بيتج انتِ واولادج وما كفيت ضليت انبش وراج اريد اندل مجانج عبن زلمتج تسودن وزاد حبج بكلبه اكثر واكثر وهجرني وبعد ما شافني ولا گالي شلونج يحرمه لحد ما اندليت ورديت طرشت خبر الشامي بمجانج ومجان فروخج و هنا ربي عاقبني اول عقاب وجتل اخوتي وصوب زلمتي