قلعة الشيخ مهران

بارت22

#قلعة_الشيخ_مهران

       جبت عمري بتعب چا يمته اضوگ الطيش
                انه المبيوگ عمره بين البحله

                   ................................

تاضي :- دخيلك يا ابو الحسن والحسين دخيلك ولك يمه تعال ليه ولك وين رايح

شعلـة :- ولج ركضي وره الولد هج والسجين بيده لا يروح طگله وحيد ونبتلي

هو يركض وانه طلعت اركض وراه واتوسل بيه يوگف وصل وين وانه وراه رجليه ما تعيني وگلبي يدگ بكُل قوته وهو تگول زيبك يا سرعته ويصيح بعلو صوته

_ فريال كافرة فريال كافرة اليوم اموتها

اخر شي اولاد واگفين بنهاية الشارع شافوا يركض وانه وراه وهم يعرفونه ويعرفون حالته طيحوا وجلبوا بيه منا ومنا وجروا السجين منه وهو يهد عليهم ويجر بروحه لحد ما وصلت گريب منه طحت بيه وحبيته بس شنهي ارجف رجيف من الهبطة والخوف لا يطگله بشر وهو ما يدري بروحه يو اطگه سيارة وهو يركض

تاضي :-  ولك يمه شليت حالي شمالك شجاك

أسير :- اريد اكتلها بالسجينة واني مو مخبل هي مخبلة

_ تروحلك فدوة الطولك هي واهلها انتَ معدل ونشمي وزلمتي الحوك تعال ليه خلنه نرد للدار ونسولف انه وياك

_ اريد اصير مثل مؤنس اقرأ واكتب وازوج

حجي هالحچي وبچى بدموع انه شفته بچى وانه ياهو اليسكتني حظنته بنص الشارع وظليت اثغب وياه بكُل وجع گلب ، شبيدي على أمر الله وشأسوي ريت الوجع يندار بيه ولا شفت هالكسره بزرتي عمت عيني الولد يمه الولد يمه

گال واحد من الاولاد الواگفين

_گولي يا الله خالة وتعاي رجعي للبيت

لزمت أسير من ايده ورديت للداري وعيوني ما بطلت ايد لازمته وايد احس دموعي بيها امي وشيـخة وثُريا واگفات بـالباب ناطرتنا اول ما شافنا ردينا تلگنه يحجن وياه ويسكتن بيه اخذته امي ودشت بيه للحجرة عبن سند نايم بالديوانية و ما نريده يهيس حسنا ويصير باله مسجين يسمع هالحجي على امه رحت دشيت وراهم

شعـلة :- هاي انتَ وليدي المعدل الزلمة اللي يحامينا تعمل هالعملة هاي

أسير :- اني سمعت امي تگول فريال سودتنه اني مو مسودن اني زلمة

شعلـة :- وشيخ الزلم يرحولك فدوة الطولك

_ليش سوت بيه هيج اني اريد اصير مثل مؤنس ويصيرون عندي جهال مثل أُمامة

_ انتَ اخير من مؤنس خل يولي مؤنس موش حلو مثل انتَ حلو وحباب

تاضي :- تعال ليه يمه تعال الحضني بس لا تبچي

شعلـة :- الزلم ما يبچون بس الزعاطيط يبچون اسكت كافيك

أسير :- اني مو زعطوط اني زلمة