قلعة الشيخ مهران

بارت8

#قلعة_الشيخ_مهران

قل للذي اذاك
إن الله لا ينسى

.......................

تاضي :- بس سمعنا بــ الخبر فزينا كلنه مشعوبين ونتراكض انفجعنه بيه حتى يو الفرخ فرخ نفاس
بس يضل أبنه و مهران جان ناطره وفرحان بيه

شواي وجابوها من الجده ماكله روحها لحم وجهه يصب دم وشعرها هالسته وادگ على گصتها
نريد نكضها ماكو وهي توها جايبه هالدگ والطم موزين عليها بس بعد محروگ گلبها وكل شي تسوي
من حگها تنست وحبلت تسع اشهر وطلگت وناطرته ساعه ساعه يجي وتتنومس بيه تالي ما تالي يجي ميت مو حگها من تتسودن

نهاية :- گولي يا الله خيه شلون تموتين روحج

فريال :- خلني أموت واخلص ولجن يا تعبي ويا ضيمي تالي يروح مني

كفاية :- انتِ نفسه موش زين عليج هذا الطم لا تتعارضين

شيخة :- الحمدلله من كفيتي رجيلاتج بسلامه گولي يا الله وإن شاءالله تخلفين غيره

فريال :- فرحانه انتِ موش هيج  يا فرحتج اليوم والله اله اندمجن والله اخذ حگي منجن مربع وحگ ابني الراح مني بلايه ما احظنه وارضعه

شيخة :- يا چا انه ياهو مالتي وتحجين هذا الحجي وياي

فريال :- ذابه عليه هم الوادم والروحات والردات والگصر وضيمه شلون ما تردين يموت وانه كل هذا عليه

_ انتِ الردتي المشيخه وانتِ الردتي الكباره شنهي تريدين  بلاج تشمرينه عليه نسيتي شلون تهدديني الخاطر المشيخه نسيتي حچيج وهدايدج يو اذكرج

_ موش سهله يشيخة موش من عيوني انتِ وهاي القزيمه السويده انه الجن يو ما اخليجن تعضن العشره ندامه بس خلني اگوم على رجليه

تاضي :- من شفت الحجي والهدايد مالتها سكتت ما رديت عليها گلت خلها تحجي وحيدها محترگ گلبها عفتها ورديت الحجرتي كل ضني ساعه اعصاب وحچت هذا الحچي ما خطر على بالي راح تنفذ كل الگالته وراح ابچي عمر على الراح تعمله بيه وبخلفتي

الوادم التمت علينه والحبايب گامن يلاجن (يعزن)
صارت فاتحه بــ الگصر اليشوف البچي والطم الصار
يگول هذا شاب مات موش فرخ نفاس

بعد انه بيه ما بيه گمت سديت الحجره على ابني
وگمت وياه الابنيات تعيبانه وبعدني نفسه الي ثلاث ايام على جيابي بس ما اگدر اگعد الوادم تارسه الگصر وكلها تريد ماي وجاي واجل

شيخة ما رضت بگومتي وياهن بس شلون ارد اگعد وهنه لوحيدهن حتى الوادم تاكل وجهي
ثلاث ليالي واحنه ما كافين من العالم وهاي ركضتنا
وفريال هاي بچيتها وهاي ونتها على فرخها

تاضي :- الگوه براسك يبو أسير الله يعوضك بمجانه
كل  الخير

مهران :- الله يسلمج الحمدلله على كل حال البركة
بــ أسير إدعي ربي يحفظه الي