قلعة الشيخ مهران

بارت 32

#قلعة_الشيخ_مهران

               شگد خطيه الفارش عيونه
                     درب للماله جيه

                  ...................................

نينه بس شافت جدو أجى گامت من مكانها وركض عليها تعيط بصوت يذوب الجليد من القهر والحرگة

تاضي :- تعال ليه مهران تعال ليه وشوف ضيمي راح الولد راح الحمل همي من امس لليوم ما شايفة طوله تعال ليه وشوف ضيمي

مهران :- بس بهداي خلنه نفهم لا تسودنينا

سند :- شوكت طلع وين راح فهمونا شويه الله يخليكم

تاضي :- أمس الساعة بالعشرة الصبح راح للشغل بالسيارة گال شويه وارد وهالروحة روحة أمامة تخابر عليه ما يرد ولكم شلون بيه وين امشي وعندمن اشتكي

مهران :- تعاي يجدي تعاي الحظني لا تبچين

أمامة :- جدو بابا ما يتأخر علينا ولا يعوفنا هيج بدون ما يطمنا عنه الله يخليك دورة

مهران :- تعاي يبعد جدج واهله بسج عويناتج غدت حمر هسه نروح نجيبه ونجي

رحت على جدو حظني ويمسح على ظهري
بچيت واني ضامة وجهي بحظن جدو لحد ما تعبت بابا ما يتركنا هيج بقلق ولا يتأخر برى البيت هاي اول مرة يصير ويانا هيج

أياد :- خافنه راح للنجف

سند :- هذا أحتمال من الاحتمالات بس ليش خطة مغلق

مهران :- امشونا يبويه خلنه نسعل بالمراكز والمستشفيات بلكن وابو الحسن علي ولنهم يعرفون عنه شيء

تاضي :- اخذوني وياكم

مهران :- وين ترحين ويانا شوي و نرد بس بهداي لا تسودنين و تسودنين الفريخات وياج عينج عليهم وادعي ربج وربهم يرده سالم

جدو وإعمامي طلعوا ونينه فتحت شيلتها ورفعت راسها للسماء تصيح بكل صوتها وتدعي من كل گلبها

الجيران يرحون ويرجعون علينا وجدو وإعمامي طلعوا وبعد ما رجعوا اني ما اعرف شنو أسوي لو شنو اللي يطلع بأيدي أخوي يفهم و يسمع اكو شيء صاير وي بابا گام يبچي يريده حرت اسكته لو اسكت نفسي اهديه لو اهدي نفسي اخذته للغرفه مالتنا وطلعت ملاعيبة يلعب بيهم شوية واجى ورانا عمو أسير

أسير :- اريد اللعب وي آراي

أمامة :- تعال بس لا تتعارك فدوة عمو والله تعبانين كل احنه

_ لا ما اتعارك اني مقهور

_ ليش مقهور

_ اخوي مؤنس وصديقي ماكو هو راح وبعد ما رجع وأمي تبچي عليه

_ ادعي اله عمو انتَ گلبك نظيف وما عندك ذنوب ادعي اله يرجع سالم

_ كل شويه ادعي اله بگلبي اني احبه