قلعة الشيخ مهران

بارت 1

#قلعة_الشيخ_مهران
نور آل محمد

عدنا والعود أحمد بسم الله وبالله وعلى بركة رسول الله  نبتدي أنا وياكم  بذكر الصلاة على سيد الخلق
محمد وال بيت محمد

( اللهم صل على محمد وال بيت محمد)

اما بعد كـان يا ما كان يحكى فـي ذالك العصر
و الزمـان كانت هناك الكثير من القصص والحكايات ومن بين تلك الحكايات حكاية قلعة الشيخ مهران  سـوف نطرق انا وأياكم باب القلعة ونتجول في ارجاءها ونتعرف على عادتها والتقاليد

زمانهم جميل قصصهم فخر كلامهم حكم
دعونا نترحم على من كان في ذالك الزمان
ولم يعد قادر أن يكون اليوم فيه

المكان ميسان (العمارة) الزمان في نهاية 
العــام  1949

شعلـة :- دولاب الدولبج يالمفلوكه ولج شحچي للوادم يمصخمه تعالو ليه يهالوادم شلون اسد الفضيحه هاي

جمرة :- خيه ابوس ايدج تسترين عليه والله قشمرني وضحك عليه

شعلـة :- ولج خيه ابوي يذبحج شلون بيه شلون
اسد السالفه

جمرة :- بالحلال وروح امي بالحلال

شعلـة :- يا حلال يالمفلوكه يا حلال وهو شارد صار شهرين دهر الدهرج كون إن شاءالله گومي من وجهي ما اريد اشوف خلقتج الزفرة گومي لا بارك الله بيج

جمرة:- يكتلني ابوي وين اروح وبطني جاي تكبر هيج تعوفيني يبت امي وابوي بنص الدرب هيج اهون عليج

شعـلة :- ولج ما اعوفج شلون اعوفج بس ردي للبيت منا لمن افكر بمصيتنا هاي واجيب حل الها

جمرة :- رديت للبيت وعيوني تهل وين علومك وين هديتني وغبت هنت عليك يالعزيز اخذت الردته وشمرتني مو گلت احبنج واريدج الفرخ گام كبر بطني وانتَ مامش شگول للوادم وبيا وجهه اگابلهم ابوي يتسودن يو يطش الخبر بالديره

وصلت البيتنا وغمضت عيوني وايدي على بطني ادعي ربي يسهل امري ويرد عگاب من هاي غيبته ضليت اناطر والايام تروح يوم بعد يوم
خلص اليوم هذا واليوم الثاني والثالث وعگاب مامش اله ذكر واليوم گاعده اخمر العجينات وعيوني  ما بطله الدمع ولن أدش اخيتي شعلـة  گمت عليها حبيتها ورديت اگمل عجن
وهي راحت خشت  يم أبوي ساعه وردت طلعتلي

شعـة :- خلينه نكف البيت حتينه تروحين وياي غاد بالقلعه

جمرة :- شعمل يخيه بالقلعه ترى انه موش حمل كراب بيت الشيخ البيه مكفيني

شعلـة :- انجعلج بالموت يا عديمه الشرف بهاي المصيبه وما تكضبين السانج ولج

_ شمالج وياي يبت امي وابوي وعلي تعيبانه من القهر والخوف

_ما بين جبير البخت

_لاله المفلوك هج من الديرة وخلاني حايره بضيمي