#قلعة_الشيخ_مهران
الجرى وياي بعدوي كون ما يجره
وشلعة باب خيبر شلعو العشره
وشلت جفي وراهم مو جفوف واداع
تشيل جفوفها وتستسلم الاسرى
................................
لزلمه سابح بدمه والابنيات ينوحن ويلطمن فوگ رأسه وعلى الدرج يركض واحد ملثم ومسدسه بيده ركض مـؤنس وراه يريد يلزمه جلبت انه بمـؤنس ما خليته يصعد وراه أبني كل شي ما عده وهذا بيده مسدس يروح يطگه ويموته غير اموت وراه
مـؤنس :- هديني يمة
تاضي :- وين رايح وهو بيده تفكه
_بس عوفيني أشوف منو
_يو أعرف أموت ما أعوفك تلحگه ولك يمـة يجتلك
أثمار :- لك يابة بس فتح عيونك يابة
شعلة :- عمت عيني أبو أثمار ولكم شلون جتله ياهو هذا
ثريا :- بابا بس فتح عيونك فدوة العينك بابا
تاضي :- ضليت حاظنه مـؤنس وما اخليه يتحرك وأثغب بصوت عالي هم على أبو أثمار المكسين وهم خايفه على أبني
التمت الوادم وشالو أبو أثمار وطلعو يركضون بيه للمستشفى ومـؤنس يركض وياهم مثل المسودن تگول أبو الرمو
ساعه وأجانه علمه ويلي يا البنات ويلي ماتن وره ابوهن دگن ولطمن لحد ما راحن أنتهن وأمهن تكسر باب الگلب فاقدة ما تدري بروحها
نصبو الفاتحه وأجوا أخوته من بعد هاي السنين كلها صار عمر من جاورتهم وهم متخاربين وياه أهلهم جان الله يرحمه لا يريدهم ولا يردونه ويكرهرون مريته مثل ما يكرهون دم سنونهم اليوم من مات يله لفوا وذكروا أخوهم المكسين عاش عمر كامل بلايه أهل ويگعد ويگوم يگول ما عندي غير بنياتي و وليداتج
ثلاث أيام الفاتحة ومـؤنس ميت ساعه يبجي على أبو أثمار ويگول أبوي الرباني وساعدني عمري كله عشت تحت جناحه يطلع الگمه من حلگه ويطينياها وساعه ينشد على ثريا عزيزة گلبه ظال يحوم يريد يشوف حالها بس ما يگدر الوادم عدهم وهي مجسوره على أبوها والدمعه ما ناشفه من عيونها
طيحو الجادر وكفت الوادم وضلن بس البنيات وأمهن وحده مگابله الأخرى ويبجن وأنه وأمي وياهن ننعى ونبچي دش مـؤنس عليهن أم أثمار گامت بغير حجره عبن لزمت عده وما يصير يشوفها بعد ضلن بس البنيات گاعدات أجه هو گعد يمهن ويصبر عليهن ويواسيهن بمصابهن
تگرب يحچي بهداي ويا ثريا ما أسمع شنهو يگول الها بس أشوفها تبجي وترد تمسح دموعها بحجابها بعده گاعد هو وأسير ولن يدشون إعمام البنات هم شافو الولد يمهن وهم تسودنو
ركضو على الولد يطردون بيهم ويصيحون عليهم وردو على البنيات وين اليوجعجن وحده جروها من شعرها وحده طگوها بحزام وحده دفرات نهوهن نهيان
YOU ARE READING
قلعة الشيخ مهران
Mystery / Thrillerالشيخ ولو أمر كلهم يهابونه ... في ميسان (العماره) نور آل محمد a_.2jj انستكرامي
