قلعة الشيخ مهران

بارت11

#قلعة_الشيخ_مهران

انا جلدي عباية وفاض بيها الشيب
وخايف على العباية من الغسل تگصر

                    ..............................

كبر مـؤنس وصار عمره اربع سنين وأسير عمره ثمان سنين بهاي السنين الفاتت مامش شي يذكر
البنيات على حطت اديكم ما عده فريال خلفت فوگ عاصي دموع وفوگ دموع خلفت بت ثانية وسماها مهران ( غرام) وهسه اجت تگول حامل مره اخره تضايگت من سمعت بيها راح تجيب بعد عبن انه ما عندي غير مـؤنس و أسـير مت عيني مريض وما يفهم شي وبعد گعدت عليهم شگد ردت احبل بس
ما صار حكمة ربي ما ادري عمل بنادم الله اعلم ضاله اتحركن  وهي كل يوم تحبل وتجيب وفروخها ما بيهم شـي صاحين وخفت لا مهران يميل گلبه الفريال اكثر مني بس هو ما يشوف غيري يحبني يموت عليه وبنفس الوگت ما مقصر بحگ حريمه الباگيات

حسنة مسيجينه ما ثبت فرخ بطنها بس تحبل يموت ويتگع وصل وصل ويطيح ما خلو لا سيد ولا شيخ ولا عارف يردون يوگفون على العله ماكو محد عرف شمالها وعليش يموت الفرخ بطنها وما يركد

هنا هي حالها تغير موش حسنة الاوليه صارت عود هيكل عظمي وليل ونهار ايدها على خدها وتصفن عكس فريدة الصارت يا حلاتها ويا سوالفها وشوكت ما تجيلها مزهبه ارويحتها الزلمتها وتتلاگه تضحك ما هامها خلفه ولا هامها حجي الوادم حسنة من يجي رضوان يمها تضل تبجي تريد تحبل وهو يضيگ خلگه ويعوفها ويروح الحجرة فريدة يلگاها معدله ومبخره وتضحك وتسولف وتتگشمر وياه

بعد الزلمة يضل بالمجان البيه راحته وهو شاف راحته يم فريدة دللته دلال صارت اكثر ايامه يمها وبيوم اليروح يم حسنة يگضيه كفيان شر هي من تشوفه هيج تعاركه وتضل تلطم على راسها لحد ما نلتم عليهم يله تسكت

راح ايام واجت ايام وخلفت فريال فرخها الرابع
                   ( سـنـد)

الولد هذا جنه مـؤنس يشبهه نسخه منه
واول ما جابت فريال حسنة لمت جوالاتها وراحت البيت اهلها عليش زعلت محد يعرف راحو يردونها ما ترضى ترد ضلت سنتين بيت اهلها  بهاي السنين ردت روحها وصارت يا حلاتها وبطلت بجي وردت حسنة الاولية ولمن راحو يردونها  رضت ترد وياهم ولمن ردت بساع شالت فرخ من اول ليلة و بس درت بروحها حامل لمت جوالتها وراحت الاهله من جديد گالت ما ارد لحد ما اخلف واشوف ه بعيني يله

وصدگ بس ضلت بيت اهلها ما طرحت وثبت الفرخ بطنها واليوم وصلنه الخبر تطلگ راح رضوان يركض
وانه وشيخة وراه تونه دشينه ولنه يطيح الفرخ
صلينه على محمد وال محمد وشلنه الولد فرحانين بيه خطيه رضوان صار سنين ناطر البزره واليوم يله الله رزقه ويا فرحته ويا ضحكته

شاله يحبب بيه ويصيح خلوني اخذه هو المهران يسميه لبسناها ولفينه الولد ورجعنا بيهم للگصر

لگينه مهران واگف باب الگصر ينطرنا والذبايح بالگاع
اخذ الولد من رضوان حبه بگصته ورد صاح ع الاولاد يذبحو الذبايج جوه رجليه ذبحوهن وشال رضوان دم منهن وحطه بگصت الوليد