قلعة الشيخ مهران

بارت57(ج2)

#قلعة_الشيخ_مهران

وفي النهاية سنصبح مجرد قصة تروي
على مسامع الجميع

..................................

انصدمنا واحنه نسمع كلام المره منو حامل منو أبنه إني ما استوعبت الموضوع الله يساعدهم شلون هم سمعوا وشلون راح يخلصون نفسهم من هاي المصيبه عمو متين تقرب يمها يباوع الها ويرجع يباوع للابنية الواگفه وياها وراها گال

متين :- منو انتِ غلطانه بالعنوان لو شنو موضوعج

أنعام :- لا ما غلطانه هذا قصر الشيخ مهران وانه جايه على الشيخ وجايبه بنتي و بطنها حفيدة

أياد :- حفيدمن عمي شهالحچي هذا

أنعام :- ودوني للشيخ قبل لا افضحكم فضيحه

عمو متين حچى ويا عمو أياد ياخذها للمضيف ورجع اندار عليه لگاني بعدني بصدمتي أشرلي براسه ادخل لان المكان عبارة عن زلم مسلحه
دخلت امشي واباوع عليهن شلون يمشن گدامي رجعت درت وجهي على عمو متين واگف يم الباب ولازم راسة رجعت عليه سريع

أمامة :- شبيك عمو

متين :- مابيه

_ ليش لازم راسك شنو يوجعك

بعده ما راد عليه وطگ خشمه دم فزيت واني اشوفه شلون يصب دم هو رفع راسه ليفوگ ومشى بخطوات سريعه للبوري الموجود بالحديقه فتحه وبقى يغسل

أمامة :- هاي ليش هيج عمو شبيك

متين :- يمكن ضغطي صعد

_ لعد گوم اخذ علاج لا يصير بيك شي

ما رد عليه سد البوري ومشي للمضيف دخل وإني وراه بعدنا هسه دخلنا واجوا كلهم عمو أياد رايح صايحهم الأم باوعت الجدو وحچت مستهزءه

أنعام :- شلونه الشيخ إن شاءالله بخير

مهران :- هلا بوية تفضلي محتاجه شي

أنعام :- انتَ شيخ وتخاف الله والما ترضا على بناتك ما ترضا البنات العالم واليوم جايتك واريد اشوفك ترضا بالسوى ابنك لو لا

مهران :- ياهو أبني وشنهي العمله

أنعام :- تزوج بنتي على سنة الله ورسولة ومن سمع بيها حامل طفر وبعد ما اجى ولا شفناه

جدو رجع على الحايط مختل توازنه لزمه عمو أياد
و الكل انصدم من هذا الكلام والانظار صارت على عمو سند وعمو عاصي كل ضنا واحد منهم بس انصدمنا من جدو سألها ياهو من ولدي العمل هاي العمله ورجعت جاوبت

_ إسلام

جدو گعد بالگاع ما گدر يوگف بعد والكل بحاله صدمه محد فتح حلگه بكلمه وحده رفعت راسي مصدومه حالي من حالهم اباوع على إسلام ما الگيته وين راح مو جان هنا اني متأكدة شفته دخل وياهم من دخلوا معقوله انهزم من شافهن