قلعة الشيخ مهران

بارت9

#قلعة_الشيخ_مهران

                               أسير
                        انا ذالك الفتى الذي
                       كان ضحية الاحقاد
                       انا ذالك الفتى الذي
                     حرم من ملذات الحياة
               غداً في محمكة الله لان اغفر لمن
                كان سبباً في اعاقتي وحرماني
                لا سامحكم الله ولا عفى عنكم
              وفي محكمة الله يتقابل الخصوم

                    ..................................

مهران :- وشنهي حجي شامي يجبرنا ننطيه بتنه

رضوان :- لاله بس طالب النسب من عدنا وانه ما انطيته جلمه گلت اشورك اول هيل

_ وانتَ خليت بيها شور رايح وخاطب وانه اخر من يعلم عايفني وراك

_ افه وانه أبن ابوك وروح أمي و روح أبوي ما عايفك وراي و اول الوادم اريد اخبرك بس تحذرت منك

_وعليش الحذر

_ گلت خافن ما ترضى

_ انه ماخذ ثلاثه وما ارضى انتَ تاخذ الثانية
يخوي يــ عزيزي انه ما امنعك ولا ادخل بحياتك بس من تخطي هالخطوه حط الله بين عيونك العدل بينهن بكل شي الگمه تگسمها بينهن السالفه الطلعه والدشه الجبيره والزغيره وحگهن الشرعي موش مال تفضل وحده على وحده كله بــ العدل  ويو  تشوف روحك تعدل بينهن وما تگصر بحگ وحيده منهن انه من هاي الساعه رايح اخطبلك وازفك بيدي ويو تشوف روحك موش گد هذا الحمل والمسؤاليه گول من الاول وخلني ارد فريدة الاهلها تشوف قسمتها
شنهي ذنبها رابطها وياك .. هاي الايام والليالي كلها
و انه ساكت منك وما حجيت گلت خله وحده يفكر ويوزن عگله و اول وتالي مرجعه البنيت عمه بس ما دامك طلع فكرك بعيد وناوي تثني من هالساع قرر

فريده جانت گاعد وتسمع كل الحچي غطت وجهه
بــ الشيله وبچت وانه بچيت وياها تذكريت ارويحتي بيوم الدش عليه مهران وگال اخذت مره ثانية عليج
هو من شافها بچت گام وطلع من الگصر كله ضل بس مهران يمنا سكتها اول هيل انوبيه حجه وياها

مهران :- البچي يو يفيد جا فادنا لمن بچينه على أهلنا الميتين ورديناهم شوفي يبت عمي انه ابوج وانه اخوج وانه سندج من بعد الله عزه وجل
يس ما اگدر أمنع اخوي ياخذ مره هذا الشي راجع اله عبن زلمه انجبر وگلبه موش اله بس اگدر أمن عليج عده انه ادري بيه ما يطلجچ ومن گتله اطلجها
بس حتى إحسسه بقيمتج واخليه يفكر بيج ويخاف لا ترحين من إيده هو رايد العرس بس ما رايد طلاجچ

فريدة :- انه ما عملت الباطل واتجازه هالجزه ورح عمي ما عملت الغلط ولا تعديت على سمعتكم وسمعتي لليوم ما حطيت عيني بعين واحد من أخوتي مو اروح اعشگ وانعشگ

فريال :- يو ما يريدج ردي غاد يم أمي جا شنهي گعدتج تضلين تخدمين حرمته الجديدة

مهران :- كرمينه بسكوتج ولا تتدخلين بحياة غيرج خلچ بعيده عن البت ولا تتگربين صوبها هي تحل أمورها ويا زلمتها